رمضان الفراشات ، يزهو بألوان الطاعات و البركات ,,,

وفاء الياسمين · 2015-05-15, 06:08

ممنوع ردود الرجال رجاءا

السلام عليكم
إعتدنا و اعتادت الفراشات الحلوات عل

دورة الفراشات لتنظيم بيوتهن

تجمعهن كان و لا زال يزهو بنور حبهن و ترابطهن بأخوة و صداقة و حب المساعدة
و مساهمتا في تطوير و تكميل كل ما تحتاجه الفراشة في بستانها الجميل
أقترح عليكن
ظبط قائمة الافطار مبدئيا لاستطاعتنا تجهيز ما يمكن تجهيزه قبل رمضان
و من جانب آخر لكي لا نحتار وقتها ماذا سنطبخ و ماهي الوصفة
انا عن نفسي دائما احتار ما سأطبخ اليوم
ومن جانب آخر تبادل الخبرات و طرق التقديم و تقنيات تعرفها احدانا و لا تعرفها الاخرى

الانترنت امتلأ بالوصفات من هنا و هناك لكن يحتار الواحد منا من هي الاصح
لنحاول ان نرتقي بدوراتنا و بعاداتنا و بمطابخنا
حفظكم الله و رعاكم

ملاحظة : نحاول ان تتظمن المشاركات قائمة متكاملة ،
مقبلات , طبق رئيسي , حلو , سلطة , و فكرة أخرى ....

وفاء الياسمين · 2015-05-15, 06:32

السلام عليكم
اعتدنا في عائلتي ان تحتوي قائمة الافطار في اليوم الأول على
المطلوع بحبة الحلاوة و ليس بالسانوج باش يجي رمضان حلو

و اللحم لحلو

و البوراك

و الشربة

و السلطة

و المثوم

و آخر شي
قلب اللوز

و هذه بالنسبة لزوجي لا تنازل و لا تغيير في اليوم الاول

بالنسبة لديكور المائدة حاولي ما تخرجيش على النمط التقليدي الجزائري في الاواني او حتى القعدة

لتبقى بنة رمضان تبان في اليوم الاول
وفي الايام الباقية عصرني و حدثي كما شئت

وفاء الياسمين · 2015-05-15, 06:34

نفتح نقاش اليوم الأول
الخبز او المطلوع انا نحب ندير كيلة فرينة بكيلة سميد و الخميرة نديرها في شوية حليب بالسكر و نزيدلها شوية خميرة حلوة
و لما نعجنها مليح نحطها تخمر شوي ة قبل و من بعد نقرصها و نطيبها بالباسينة نتاع الحديد
ندير بريكة قدام الطابونة و كي نحط الخبزة في الطاجين نغطيها بالباسينة نتاع الحديد
و من جهة تشد في الطابونة ومن جيهة تشد فوق البريكة كي نديرها نصورهالكم بإذن الله

اما بالنسبة للمثوم انا نحب نرمد كرات اللحم في الفرينة و نقليهم بالمارغارين و من بعد نحطهم في المرقة
علاش قلتلكم هاكذا لانه كاين الي ما يحبش هذه الطريقة

الشربة نحبها بالمرمز خير من الفريك يجي بزاف بنين و خاصة اذا زدتلها النعناع

أما بالنسبة لواش نوجدو من قبل بالنسبة لهذ الانواع منضنش يتطلب وقت كبير في رمضان باش نحضروهوم
عندكم ممكن نرحيو الثوم و نديرولو التوابل و شوية زيت و شوية ملح و نديروك كرات صغيورة و نجمدوه
و العاملة ممكن تخدم كرات اللحم قد ما تقدر و تقليهم و تخبيهم باش ما تضيعش الوقت
و كاين الي تدير التحميصة نتاع الشربة القاعدية و تخبيها في الكيسان جوتابل و كل مرة تجبد اطيب الفريك برك
انا يما اطيب الحمص في الدوزينة نتاع الشربة و تخبيهم في رمضان تمرق برك و هذا على حساب ضروف الانسان
كاين الي يجيه رمضان صعيب و ما يقدرش يطول في الكوزينة

هذا ما حضرني الآن
للكلام بقية اذا بقيت حية

وفاء الياسمين · 2015-05-15, 06:43

واش رايكم نكملوا الموضوع و لا خلينا منو

بعيدة المنال · 2015-05-15, 08:20

الله الله على أم نسيبة الحرة يعطيك الصحة على الموضوع الرائع يشرفني أن أكون أول وحدة ترد وتقولك 444444444444444444444444444444444 حبيبتي الفراشة المتألقة

mariamalak · 2015-05-15, 08:35

مبرووووووووووووووووك عليك حنونة فكرة رائعة هكا نكونو كل صبع بصنعة نظافة و طبخ موفقة حبيبتى

mosta*limoges · 2015-05-15, 08:59

طبعا نكملو الموضوع عجبني بزاف الله يعطيك الصحة على الفكرة الرائعة

فتاة الدعوة · 2015-05-15, 09:02

بتوفيق ان شاء الله

وفاء الياسمين · 2015-05-15, 09:09

اقتباس:

الله الله على أم نسيبة الحرة يعطيك الصحة على الموضوع الرائع يشرفني أن أكون أول وحدة ترد وتقولك 444444444444444444444444444444444 حبيبتي الفراشة المتألقة

لي الشرف حبيبتي بعيدة المنال ربي يعلي شانك و مراتبك

اقتباس:

مبرووووووووووووووووك عليك حنونة فكرة رائعة هكا نكونو كل صبع بصنعة نظافة و طبخ موفقة حبيبتى

الله يبارك راكوا كل صبعه بصنعه ربي يحفظكم ربي يوفقك و يعلي شانك و مراتبك

اقتباس:

طبعا نكملو الموضوع عجبني بزاف الله يعطيك الصحة على الفكرة الرائعة

الله يبارك فيك موستا و يعطيك الصحه و يعلي شانك و مراتبك

شرفتوني ,,,,,

وفاء الياسمين · 2015-05-15, 09:10

اقتباس:

المشاركة الأصلية كتبت بواسطة فتاة الدعوة

بتوفيق ان شاء الله

وفقك الله حنونة نتمنى تشاركينا و تكوني فراشة راح تحبينا و نحبوك

دموع الورد2 · 2015-05-15, 09:23

فكرة رائعة .....

خصوصا راني رايحة نتزوج قبل رمضان و ندير داري وحدي

جا على قلبي هاد الموضوع بالتوفيق

ادا كان عندي الوقت راني نشارك معاكم

شكرا

وفاء الياسمين · 2015-05-15, 09:47

اقتباس:

المشاركة الأصلية كتبت بواسطة دموع الورد2

فكرة رائعة .....

خصوصا راني رايحة نتزوج قبل رمضان و ندير داري وحدي

جا على قلبي هاد الموضوع بالتوفيق

ادا كان عندي الوقت راني نشارك معاكم

شكرا

ربي يكملك بخير حنونة و يباركلك في زواجك و يسخرلك راجلك يكون احسن قوام لامورك
تشرفينا بمشاركتك
وزيدي تفضلي في دورة الفراشات لتنظيم بيوتهن راح تستفايدي بزاف
ربي يهنيك
هذا رابط الدورة بدون ردود

https://www.djelfa.info/vb/showthread.php?t=1767116

و هذا الرابط الرئيسي
https://www.djelfa.info/vb/showthread.php?t=1764625

وهذا البرنامج
https://www.djelfa.info/vb/showthread.php?t=1799176

وهنا تحطي التطبيقات الي قمتي بيها للتقييم
https://www.djelfa.info/vb/showthread.php?t=1788105

YASMINE SILA · 2015-05-15, 10:25

وااااااااو يعطيك الصحة تم نسيبة هاذ الصفحة راح تكون المرجع الرئيسي بالنسبة ليا شكرا شكرا كثيييييييييييير و ربي يجازيك خير يااارب

وفاء الياسمين · 2015-05-15, 11:04

اقتباس:

المشاركة الأصلية كتبت بواسطة yasmine sila

وااااااااو يعطيك الصحة تم نسيبة هاذ الصفحة راح تكون المرجع الرئيسي بالنسبة ليا شكرا شكرا كثيييييييييييير و ربي يجازيك خير يااارب

ربي يبارك فيك حنونة ان شاء الله تكون مرجع ليك و مشاركاتك تملأ الصفحات باش تولي عن حق مرجع

هيا يا فراشات نرقاو بصفحاتنا

ام مؤمن · 2015-05-15, 13:15

صباح الخير حنونة راني جيت روطار ماشبعتش رقاد راني دايخة خلاص هههههه راني نمزح برك

الموضوع رائع و جاء في وقته انا هذه فترة و انا نحاول ندير موني لرمضان و مازلت ماكملتوش لكن نوعدك ان شاء الله نحطلك اقتراحاتي و نتمنى الجميع يثري الموضوع بالوصفات

اليوم الاول تقريبا انا مثلك نعمل نفس الاطباق و كي نكمل ظبط القائمة تاعي نحطهالك ان شاء الله يا نسوبتي

يعطيك الصحة حنونة و ماتنسايش الريجيم ههههههه خصوصا طاجين الحلو و قلب اللوز راهو ضربة ضربة لانقاص الوزن ههههه

مشاهدة نتائج الإستطلاع: هل تجهيز قائمة الافطار مسبقا فكرة جيدة ؟
فكرة جيدة	65	77.38%
فكرة لابأس بها	17	20.24%
فكرة غير مفيدة	2	2.38%
المصوتون: 84. أنت لم تصوت في هذا الإستطلاع