مساعدة عاجلة

[ام نسمة]

مرحبا اخواتي الكريمات اود طلب مساعدة منكم وهي خاصة بالشهر الكريم انا احب الحريرة حارة بزاف لكن ماشي بالتوابل لكن بالفلفل المرقد انا مرة كنت في مطعم وطلبت الحريرة فقدمو لي معها زرف صغير فيه فلفلة خضرا مقطعة صغيرة جدا بها زيت فقط والفلفلة كانت طايبة يعني مشوية ماشي خضرا انا ما عرفتش هذاك كان جوا حار مخلوط مع فلفلة خضرا حلوة ام فلفلة حلوة وحدها زايدينلها توابل ام جوا حار وحدو كي تشوا رجع يبانلي كي الحلوة راي حايرة والوصفة عجبتني بزاف الي تعرف طريقة تحضيرها تقول لي وينوبها ثواب والي تعرف ترقدها باش نستعملها الشهر كامل دون الحاجة لتحضيرها كل يوم اكون ممنونة لكن بالزيت العادي انا مانحبش طعم زيت الزيتون

[مليكة01]

السلام عليكم

انا اختى نغسلها و ننزعلها الراس ثم نفورها
نتركها تقطر ونتركها حتى ينزل كل الماء نصف يوم ثم نرحيها فى روبو نتاع اللحم مرحى وفى كل مرة نفرغه من القشور المتبقية

نسخن الزيت و نرميها فيه وهى على النار مدة ثانية فقط و نضيفلها الملح
يمكن اضافة ثوم مدقوق مليح
ربما كانت هذا ماتبحثين عنه . والله يعينك اذا جربتيها من السعلة لان الدخان عند البخار مسبب للسعال لازم الكل يخرج من الدار

نضعها من على النار ونتركها تبرد

[ام نسمة]

المشاركة الأصلية كتبت بواسطة مليكة01

السلام عليكم

انا اختى نغسلها و ننزعلها الراس ثم نفورها
نتركها تقطر ونتركها حتى ينزل كل الماء نصف يوم ثم نرحيها فى روبو نتاع اللحم مرحى وفى كل مرة نفرغه من القشور المتبقية

نسخن الزيت و نرميها فيه وهى على النار مدة ثانية فقط و نضيفلها الملح
يمكن اضافة ثوم مدقوق مليح
ربما كانت هذا ماتبحثين عنه . والله يعينك اذا جربتيها من السعلة لان الدخان عند البخار مسبب للسعال لازم الكل يخرج من الدار

نضعها من على النار ونتركها تبرد

شكرا لك ولكن هل الفلفل المسستخدم حلو ام الحار واذا كان الحار الاخضر ام الاحمر وشكرا مرة اخرى

[لوجين]

حتى حنا في قسنطينة نديروه كما قالت الأخت مليكة
أما الفلفل ممكن تستعملي حلو وحارو وإذا كنتي تاكلي اللحار بزاف تقدري ديري غير فلفل حار حنا لما نحطوه في الزيت نحطوا ملح وثوم وشوية كمون ....... الفلفل يكون اخضر الاحمر نستعملوه لصنع لهريسة الحارة أو كما يسموها لهريسة التونسية ل .............أنا نخلط لحلوا والحار في دارنا ما يكلوش الحار بزاف

[ام نسمة]

المشاركة الأصلية كتبت بواسطة لوجين

حتى حنا في قسنطينة نديروه كما قالت الأخت مليكة
أما الفلفل ممكن تستعملي حلو وحارو وإذا كنتي تاكلي اللحار بزاف تقدري ديري غير فلفل حار حنا لما نحطوه في الزيت نحطوا ملح وثوم وشوية كمون ....... الفلفل يكون اخضر الاحمر نستعملوه لصنع لهريسة الحارة أو كما يسموها لهريسة التونسية ل .............أنا نخلط لحلوا والحار في دارنا ما يكلوش الحار بزاف

شكرا لك لكن اريد الطريقة بالتفصيل والعبر تاع الفلفلة يعني شحال حلوة وشحال حارة وانتوما في قسنطينة تاني تقدموها مع الحريرة ولا لها استعمالات اخرى

[لوجين]

المشاركة الأصلية كتبت بواسطة زهورالفل

شكرا لك لكن اريد الطريقة بالتفصيل والعبر تاع الفلفلة يعني شحال حلوة وشحال حارة وانتوما في قسنطينة تاني تقدموها مع الحريرة ولا لها استعمالات اخرى

أختي الفلفل الكمية لي تحبيها حنا في الدار ما يكلوش الحار بزاف مثلا 1كيلوغرام فلفل 1أو زوج 2 حبات فلفل حار هذا إذا كان الفلفل حار بزاف... فلفل هذا الموسم ماهوش حار بزاف تقدري تحطي حتى 4كرابط حبات فلفل حار

أغسلها و ونحيلها الراس ثم نفوريه الحلو والحار مع بعض
حتى يدبال الفلفل خلاص نحيه وخليه يقطر وينشف ثم ارحيه في الروبوا (إذا ما عندكش الروبوا قطعيه رقيق جدا )
حطي شوية زيت في المقلة أنا نستعمل زيت زيتون كاين لي ما يحبوهش ارحي زوج 2 فصوص حباث ثوم حطيهم في الزيت ثانية ولى زوج فرغي الفلفل في المقلة وحطي ملعقة صغيرة ملح فلفل أسود وكروية وملعقة كمون وإذا كان الفلفل مقطر مليح مش راح ياخد وقت حركيه مليح لمدة دقيقتين ونحيه اما غذا لقيتيه مش مقطر مليح بعد ما رحتيه خليه حتى ينشف من الماء ونحيه وبعدها بالصحة والهناء

ملاحظة:إذا كنتي تاكلي الحار ممكن تحطي الكمية لي تبغيها
حنا عندنا يحطوه أكثرية مع المعجنات كما الشخشوخة والثليثلي ودرك اصبح يحطوه حتى مع البطاطا مقلية واللحم
في الأعراس دايما موجود
أرجوا ان اكون افدتك

[Best hope]

المشاركة الأصلية كتبت بواسطة لوجين

أختي الفلفل الكمية لي تحبيها حنا في الدار ما يكلوش الحار بزاف مثلا 1كيلوغرام فلفل 1أو زوج 2 حبات فلفل حار هذا إذا كان الفلفل حار بزاف... فلفل هذا الموسم ماهوش حار بزاف تقدري تحطي حتى 4كرابط حبات فلفل حار

أغسلها و ونحيلها الراس ثم نفوريه الحلو والحار مع بعض
حتى يدبال الفلفل خلاص نحيه وخليه يقطر وينشف ثم ارحيه في الروبوا (إذا ما عندكش الروبوا قطعيه رقيق جدا )
حطي شوية زيت في المقلة أنا نستعمل زيت زيتون كاين لي ما يحبوهش ارحي زوج 2 فصوص حباث ثوم حطيهم في الزيت ثانية ولى زوج فرغي الفلفل في المقلة وحطي ملعقة صغيرة ملح فلفل أسود وكروية وملعقة كمون وإذا كان الفلفل مقطر مليح مش راح ياخد وقت حركيه مليح لمدة دقيقتين ونحيه اما غذا لقيتيه مش مقطر مليح بعد ما رحتيه خليه حتى ينشف من الماء ونحيه وبعدها بالصحة والهناء

ملاحظة:إذا كنتي تاكلي الحار ممكن تحطي الكمية لي تبغيها
حنا عندنا يحطوه أكثرية مع المعجنات كما الشخشوخة والثليثلي ودرك اصبح يحطوه حتى مع البطاطا مقلية واللحم
في الأعراس دايما موجود
أرجوا ان اكون افدتك

[ام نسمة]

شكرا عزيزتي لجين على شرحك المفصل