إلى كل نساء المنتدى الفحلات ....اكلات تقليدية

[nadiem]

يا الفحلات حبيت لو كان كل وحدة فيكن تحط وصفات تقليدية و مشهورة في منطقتها
مثلا تع ناس قسنطينة يحطولنا حمص قسنطيني وناس بسكرة دوبارة بسكرية ...والاكلات القبائلية التقليدية....الخ
الاكلات التقليدية لي كل افراد الاسر يحبوها والاسر ما يستغناوش عليها حبيت نعرف الوصفات من اهلها باه تكون اصلية وسر الطعم تاعها
باه نبدا انا الاولى
شباح الصفرة وجبة قسنطينية تقدم في الاعياد والمناسبات تعلمتها من امي لانها قسنطينية/

المـقادير:

3 كيلات لوز مقشرو مرحي– كيله سكر – صفار بيض – أبيض بيض – زيت
للقلي

الكيفية:

ضعي اللوز السكر أخلطي ثم ضيفي صفار البيض واحدة تلوى الأخرى حتى تصبح العجينة متماسكة شكلي العجينة أشكال حسب الذوق والأفضل مثلثات



ضربي بياض البيض جيدا ثم مرري الحبة المشكلة في بياض البيض مرري الحبة المشكلة في البيض تجف قليلا ثم تقلى في زيت ساخن ودرجة حرارة معتدلة حتى تنتهي الكمية نعيد في زيت جديد ومقلاة تكون نظفتها نعيد الكرة نضعها في أبيض البيض ثم تقلى من جديد حتى نهاية الكمية

بالنسبة للمرق

في قدر نحظر اللحم حبة بصل متوسطة نقشرها نرشقها بقرنفل عود قرفة قليل من الزبدة ماء قدر نصف فنجان نتركها تقلى ثم نسكب الماء الكافي و الزعفران نتركها تنضج بعد ذلك نضيف السكر بعد نزع البصل وتصفية المرق نكيل المرق ونضع نصف كيلته سكر وهذا حسب ما يميز إن المرق عقد يغلي تماما نضيف حبات شباح الصفراء مجرد الغليان نطفي النار،او نضع الحبات في صحن التقديم ونسقيهم بالمرق واللحم
ويزين بلوز محمص
بالصحة والهناء
أرجو التفاعل

[merieme hassi]

فكرة شابة
ارجو التفاعل من العضوات
ندكر بعض الاطباق التقليدية ديالنا
طبق الكسكسي و طبق زيتون
المسمن و المبسس و التريد
ليا عودة ان شاء الله

[merieme hassi]

راني جبت بعض الصور
شكرااااااااااااااا

[nadiem]

المشاركة الأصلية كتبت بواسطة merieme hassi

فكرة شابة
ارجو التفاعل من العضوات
ندكر بعض الاطباق التقليدية ديالنا
طبق الكسكسي و طبق زيتون
المسمن و المبسس و التريد
ليا عودة ان شاء الله

شكرا ليك حبيبتي خاصة الوصفات التقليدية لي ناسها يعرفو سرّها

[nadiem]

هيا علاه راكم نعسانين شاركونا باسرار الطبخات التقليدية
راني نستنا في اهل بسكرة وناس لقبايل والعاصميات والقسنطينيات الله يبارك 48 ولاية على الاقل 48 اكلة

[nadiem]

بربوشة سطايفية


المقادير:
كيلو لحم الغنم.
كيلو كسكس رقيق.
ملعقة هريسة(حسب الرغبة).
ملعقة كبيرة كزبرة.

2 حبات بصل متوسطة. 2 حبات طماطم. 2 معالق كبيرة طماطم معلبة. 1/2 ملعقة صغيرة فلفل. 1/2 ملعقة كبيرة ملح. 4 حبات لفت. 2 حبات بطاطا متوسطة 2 حبات كوسة. 300 غرام حمص منقع. 3 معالق كبيرة زيت. كيفية كسكس سطايفي:

قطعي اللحم ثم ضعيه في القدر.
ضيفي معه الزيت،البصل المفروم،الملح،الفلفل،الطماطم المرحية و المعلبة،الحمص،الكزبرة المسحوقة و اتركيهم على نار هادئة.
قشري و قطعي الكوسة و اللفت.
ضيفي 2 لتر من الماء في القدر و اتركيه يغلي.
اغسلي الكسكس ثم صفيه،اتركيه يجف ثم ادهنيه بالزيت و ضعيه على بخار الماء،كرري العملية مرتين.
ضيفي في القدر الكوسة،اللفت و البطاطا.
قدمي الكسكس في الصحن و زينيه بالخضروات و اللحم.

[nadiem]

المبرجة السطايفية

المقادير حسب الحاجة والكمية
الغرس تعجنيه بلماء وماء ورد +زيت+ جلجلانية+قرنفل+قرفة .باه يولي طري .اما العجينة تلميها بللا ما تعجني 3كيلات سميد+كيلة من الزيت والزبدة .+ملح وجلجلانية.وقبل ما تلمي بالماء نحي منو شوي باه تحرشي بيه.....يعني حطي شوي منو وحطي فوقو نص لعجينة ثم الغرس ثم النص تاع لعجينة ثم باقي لي تحرشي بيه...اضغطي بيدك باه تولي دائرة بسمك 1.5سم وقطعي مقروطات اعدلي كل وحدة بين كف يديك وطيبي في طاجين لحديد

[nadiem]

ويييييييييييييييييييييييين راكم

[nadiem]

حميس سطايفي

المقادير حسب الحاجة
نشوي فلفل اخضر حلو وشوي حار للي يحب الحار على النار ونقشرو ونحاول مانغسلوش بالماء ثم تقطعوه رقيق
نحضرو طماطم حب مرحية + مصبرة+ ملح +بهارات + زيت +تقليوهم شوي حتى يتبخر الماء ثم نحطو الفلفل ونمعسوه بالفرشيطة وعند التقديم نرشوه بزيت الزيتون
وممكن نشوي كمية كبيرة من الفلفل في وقتو ونخبي في المجمد كل وجبة وحدها في كيس ولما نحتاج نجبدو نحطو في صفاية باه يدوب الثلج عليه و نحظر الطماطم ونحطو فيها

[nadiem]

تليتلي قسنطينة مرقة بيضاء :

المقادير:
قطع دجاج +كمية من اللحم المفروم
2 كيس تليتلي 250غ
حبتان بصل مفروم ناعما
حفنة حمص منقوع
ملح
فلفل اسود
ملعقة صغيرة زعفران او كركم
ملعقة صغيرة فلفل أسود
3 ملاعق زيت للمرقة +ملعقتان زبدة للتليتلي
بيض مسلوق
اذا حبيتي المرق يكون احمر ضفيلها طماطم مصبرة

التحضير:


في طنجرة حمصي في الزيت قطع الدجاج جيدا حتى تحمر
حمصي البصل حتى يذوب و اضيفي التوابل ومرقي بلتر ونصف من الماء واتركيه يطبخ على نار هادئة مع تغطية الطنجرة
انزعي قطع الدجاج بعد ان تنضج ثم
اضيفي كويرات اللحم المفروم الممزوج بالبصل المفروم وحبة بيض والتوابل وغطي الطنجرة لدقائق حتى تنضج الكويرات
في هذه الاثناء حضري التليتلي
في جفنة امزجي التليتلي مع الزيت جيدا باليد
ضعيه في الجفنة وأضيفي له كوب ماء واستمري في التحريك حتى يمتص الماء كله
"فوريه في كسكاس فوق المرق باه يشرب البنة مدة 7 دقائق
ضعيه في الجفنة واسكبي عليه كوب ماء وحركي بلطف حتى يمتص الماء"
كرري العملية 7 مرات بنفس الطريقة
يجب ان يكون التليتلي طازجا طريا ولا يتعجن ولا يكون يابسا ادهنيه بالزبدة
ضعيه في جفنة كبيرة على نار هادئة وصبي فوقو المرق حسب ما يشرب (المرق تكوني صفيتيه بواسطة الكسكاس) ونحيه من النار قبل ما ينشف لانو يبقى يشرب بالحرارة
عند التقديم حطيه في الصحن وزينيه بالدجاج والكفتة والبيض المشرشم

راني جعت نروح نهّمي ونولي نشالله

[nadiem]

remadna......ضوء القمر....fella47......faci samia.........ام ظافر ..ام كريم....ام خيرو ............fawda l7awasse..........................وكل الفحلات هيا وين راكم...

[nadiem]

التريدة القسنطينية:

هذي صورة العجينة و طريقتها في الصفحة 6


طريقة التحضير

نفس طريقة التليتلي بصح تتفور 3 مرات برك وكل مرة نبخها بالماء يعني ما نكثرش باه ما تتعجّنش
ممكن ايضا نعملو المرق احمر بوضع طماطم مصبرة ونستغنيو على البيض

[nadiem]

شخشوخة الظفر القسنطينية:

لقيت بلي كاينة في المنتدى للاخت ام مازن واسراء ندى وما حبيتش نعاودها وللي عندها اي سؤال راني هنا


http://www.djelfa.info/vb/showthread...C7%E1%D9%DD%D1

http://www.djelfa.info/vb/showthread...C7%E1%D9%DD%D1

[nadiem]

الرفيس الزيراوي:

وجدت الوصفة في المنتدى ولم ارد تكرارها واي سؤال راني هنا

http://www.djelfa.info/vb/showthread...t=%D1%DD%ED%D3
http://www.djelfa.info/vb/showthread.php?t=531678

[nadiem]

وين راكم يا الفحلات ؟؟؟؟؟؟؟؟؟؟؟؟؟؟؟؟؟ علاه تبخلو
راني نحوس على الدوبارة البسكرية ............ونساء الجلفة وينكم