موضوع مميز وصفات من حراير مطبخ وش طيبتي اليوم - الصفحة 5

بريق الامل& · 2013-07-19, 19:37

م أسماء 2
اختي وصفة المطلوع كالاتي

رطل فرينة + 6 مغارف زيت + ملح حسب الذوق+ ملعقة خميرة مذابة في نصف كاس ماء ذافء + 6 معالق حليب غبرة + ملعقة خميرة كيميائية
يخلط كل المقادير ونلمهم بالماء حتى نتحصل على عجينة تكون تتلصق في اليد ونتركها تخمر حتى يتضاعف حجمها وبعد ذلك نشكل اقراص صغيرة ونرمدها في السميد ونبسطها على منذيل ونتركها ترتاح للمرة الثانية تسخني طاجين الخبز ان لم يكن عندك مقلة تيفال وتحطي الخبز فيها وتتركيها تنضج يجي خفيف وخاوي من الذاخل
ارجوا ان تكوني قد فهمتي طريقتي

امونة الشاوية · 2013-07-19, 22:03

يعطيك الصحة حبيبتي موضوع ثري استفدت منو قداه من حاجة
تعيشو البنات نعتولي كيفاه تطويو البوراكة مثلث انا نشمشرهما ونلكمتها فقط حتى تولي شبه مثلث ومعتادة نشوف البنات تجي البوراكة منظمة ومليحة

بريق الامل& · 2013-07-21, 08:00

اقتباس:

المشاركة الأصلية كتبت بواسطة AMOUNA OUMEL BOUAGHI

يعطيك الصحة حبيبتي موضوع ثري استفدت منو قداه من حاجة
تعيشو البنات نعتولي كيفاه تطويو البوراكة مثلث انا نشمشرهما ونلكمتها فقط حتى تولي شبه مثلث ومعتادة نشوف البنات تجي البوراكة منظمة ومليحة

ladymillion · 2013-07-20, 00:06

المشاركة الأصلية كتبت بواسطة ladymillion
باتيلا حبيبتي انا صح صح عجبتني لابات نتاعك ديري 3 طبقات من لابات اثقبيهم بالشوكة وحطي كل طبقة فوق صينية وزيدي حطي فوقها صينية وحطيهم في الفرن حتى تحمار راكي تعرفي باتيلا
كريم باتيسيير :
نصف لتر حليب. صفار بيضتان. فنيلا. 50g نشاء او قرينة حسب واش عندك "تاع الفرينة تجي بنينة". 100g سكر عادي
الطريقة : تضربي الصفار مع السكر و النشاء او الفرينة و الفنيلا ثم تبداي تظيفي كمية قليلة من الحليب تنقليها على نار هادئة و تستعملي le fouet و تكملي الحليب تدريجيا تخليها عى النار مع مواصلة الخلط حتى تتخثر و طفي لما تخليها تبرد غطيها ب le papier film يعني خليه يلمس سطحها و حطوها في الثلاجة باه ما يشكلش تلك الطبقة اليابسة
حاولي ما تستعمليش الاناءات لي دير زروقة لما نخلط فيها بالمضرب

وطلعي كريم شانتيي وخلطيها مع كريم باتيسسير
ديريها بين كل طبقة
والطبقة الفوقانية ديري fondant ذوبيه في حمام مائي واذا جامد بزاف زيديلو الحليب كاينة نوعية جامدة بزاف قادرة طيحي فيها
والخطوط نتاع فوق ديري اذا عندك كراميل أو ديري شوي عسل + كاكاو أسود وخلطيهم راح يولي عندك خليط كي الكراميل وديري الخطوط هاذوك كيما تعرفي الميل فاي من فوق حبيبتي

oum ibrahim · 2013-07-20, 21:33

ام رامي
البقلاوة
ثلاث كيلات فرينة كيلة نشاء كيلة سمن او مرغرين ذايبة وماء زهر ذرة ملح وقطرات خل تعجنيها مليح تقطعيها كريات وغطيهم يرتاحوا من بعد حلي الكريات وادهني وسطهم بمرغرين التوريق 6 من فوق و6 من تحت وفي الوسط الحشوة معروفة وزيني البقلاوة بوردات من نفس العجينة
طيبيها وعسليها فقط

oum ibrahim · 2013-07-20, 21:36

ام رامي
اللامونة

لامونة هي نفسها عجينة بريوش بالشكولا نتاعي وراهي جات فوووووووور فقط نقصت شووية فرينة من المقادير

ساندي 28 · 2013-07-21, 08:54

كتبت بواسطه ليدي ميلين
صباحالخيييييييييير لبنات كااااامل نهاركم طيب
الهام علاه تشرفينا من صباح لصباح وشياختك حلوة زهينا شوي في السهرة حبيبتي بيعي ميكرو واشري واحد لاشتى occasion ههههههههه وعمة ندبر عليك هههههههههههههههه
سعيدة راني رديت عليك حتى أنا ننصحك كي ديري مادلان شربيهم شوي بعصير لي يكون عندك أو حليب وشوكولا غير شوي برك ذايبة فيه يعني يكون سائل ممممممممم تجي تهبل وديري فوقهم كريم باتيسيير وزيدي مادلان وشربيها + الباتيسسير + لكريم شونتيي
يجيو بنااان

ساندي 28 · 2013-07-21, 08:57

كتبت بواسطه الهام على موضوع المثلجات بالفلن ااخت الهام ايه

آآآآآه فهمت شوفي تقدري ديري طعم أي فاكهة تحبي ليمون او توت أو برتقال أو منقا أو................
العفسة ساهلة ، أنا ذوبت شوية من غبرة نتاع أكياس العصير amila في الحليب ( حوالي نص كيس في 2 كيسان حليب ) لازم يذوب مليح مليح ومن بعد صبيه على باقي المقادير واضربي بالخلاط وخلاص تتحصلي على ذوق وريحة تهبل نتاع الفاكهة الللي تحبي

ساندي 28 · 2013-07-21, 08:59

كتبت بواسطه ام ابراهيم
شوفي ام ماجد تديري عجينة لاكيش بات بريزي او فايتيفي مولات صغار و تطيبيها كليا يعني ماشي تص طياب لازم تطيب كامل وبعد ما تخرجيها من الفور تعمريها بحشوة لحم مرحي طايب مع بصل و توابل و من بعد تزيني بالبطاطا من فوق اذا حبيتي ديري البطاطا بالبوش ادوي و رجعيها للفور و شعلي من فوق برك قيس ما تتحمر البطاطا شوية كلش طايب وشهية طيبة

فايزة44 · 2013-07-21, 13:05

بيبتي ام رامي /اليك طريقتي السريعة لكن جربي كمية قليلة اليوم وشوفي الذوق واذا ععجبك كمليه ه

1كغ فلفل حار نثقبه بالموس او الفرشيطة ونقليه في الزيت عادي ، ومن بعد نحطه في صحن يبرد يتندى ومن بعد قشريه ، وما تنحيش الراس معناه يبقى القرن كامل لكن مقشر ،

في صحن غامق حطي مغرف خل و3 مغارف زيت عادي ، مبشور ليمون شويا برك ،4ورق كرافس مقطع رقيق رقيق واذا تحبي ديري شويا اكليل فقط اوراق مقطعة رقيقة وملح ونخلط الصلصة جيدا ، ونحط فيها الفلفل حبات كاملين ونخلط برفق

حتى توشي الصلصة كل الحبات ، نرفد الحبات نحطهم في بلارة ونفرغ فوقهم الصلصة الباقي ويغلق باحكام ، وتقدري من ليلته تستعمليه ، وكل مايطول راح يتخلل اكثر ، انا درته من اول يوم رمضان وراه باقيلي

جربيه ورديلي الخبر هههه

الصوامعية · 2013-07-21, 18:13

شكرا جزيلا عزيزتي بريق على الموضوع الراااااااااائع
والله غير هنيتينا من البحث والتصفح
صدقيني نبغي ندخل نشوف الجديد في واش طيبتي بصح كي نصيب هذاك الكم الهائل من الصفحات نعجز ونخرج من الموضوع مرة اخرى بارك الله فيك

فايزة44 · 2013-07-21, 23:26

لايمان الغالية :

فيوزة ديري 3 حبات بطاطا بعد ما تقشريها قطعيها قطع شوي كبيرة كيما لي فريت وهي شوي كبيرة عليها
التتبيلة (( 4 فصوص + م ص ملح + م ص ونصف فلفل أسود + نصف م ص كمون هرسيهم مليييح )) زبدة ذوبيها في القدر وحطي التتبيلة قليها شوي برك وحطي قطع البطاطا + كأس ماء وغطيها وخليها على نار هااااااااااااادئة حتى طيب البطاطا وتنشف من الماء وساعة على ساعة تفقديها حركيها بالشوي
هادي هي فيوووووووووزة حبيبتي

*عاشقة الجنة* · 2013-07-22, 15:12

يعطيكم الصحة موضوع هايل

في ميزان حسناتكم ان شاء الله حبيباتي

maiar · 2013-07-22, 16:48

بارك الله فيكم قريت الموضوع البارح و جربت طاجين الحلو تع ام كوثر يعطيك الصحة ام كوثر

روزا1995 · 2013-07-22, 16:51

شكرا جزيلا .الموضوع رائع جدا جدا