رأيكم يهمني جدا

[مشكلتي]

السلام عليكم و رحمة الله تعالى و بركاته

اولا مش قاصدة بهذا الموضوع حتى شخص

ثانيا
انا مش مخطوبة و مش متزوجة و في حياتي و لا ديرت علاقة مع رجل الحمد الله و ان شاء الله في حياتي و لا ندير علاقة يارب
دعواتكم

نعرف ابي و نعرف اخي و نعرف عمي و نعرف خالي و لكن مانعرفش الرجل الزوج

المشكل وين راه

اني نقرا و نسمع تقولك راهو كفر عليا , راهو طيحلي الهدرة

هذا الشي انا مستحيل نقبلوا لاني نعرف نفسي لما نتقلق و في حياتي و لا طيحت الكلام و لا كفرت و كيفاه يطيحلي الهدرة و مانسمحش لا في حالة القلق لا في حالة الهدوء

راني تخلعت

كامل الرجال هكذا ؟؟؟ يطيحوا الكلام و يكفرا مع زوجاتهم ؟؟؟

مانيش نهدر على القلق و العياط

من فضلكم مانحوسش على نظريات و كلام في الفراغ

ان شاء الله اجد التفاعل في الموضوع لانه مهم لي

[الواثق]

هذا موجود وكل يعبر عن نفسه لكن الكثير من الرجال والحمد لله بعيدون كل البعد عن هذا ............فانا اعرف الكثير من الرجال من المستحيلات ان يتلفظ بكلام قبيح ولو كان في اعسر الظروف .....................فلاتنظري الى هؤلاء واطلبي من الله ان يرزقك الزوج الصالح الذي تقر به عينك ....................جزاكم الله خيرا

[lamismissa]

بدون تعلييييييييييق
لا اجد من الكلمات وايضا موصوعك محير
ربي يكون في العون

[عُضو مُحترم]

2-5% من الرجال هكذا

ربي يرزقك الزوج الصالح التقي النقي الذي يُسعدك

[amina2688]

اختي الكريمةانا ايضا لست متزوجة ولا مخطوبة ولا ولا ..........املك اي خبرة

لكن هل اخوك يفع هذا؟؟؟؟؟؟؟؟؟؟؟؟هل وا لدك يفعل هذا مع امك او معكم؟؟؟؟؟؟؟؟؟؟؟؟؟

اذا كان جوابك لا فهنا تكم الاجابة عن سؤال

اي انه ليس كلهم فهذه فيئة قليلة الله لا يشوفنا فيها
مانيش نهدر على القلق و العياط

يطيحوا الكلام و يكفرا مع زوجاتهم

فهوا لا يستحق ان يكون رجلا اصلا ووووو...........................

صباع ايديك مشي زي بعضاهم
ا

[amina2688]

المشاركة الأصلية كتبت بواسطة الواثق

هذا موجود وكل يعبر عن نفسه لكن الكثير من الرجال والحمد لله بعيدون كل البعد عن هذا ............فانا اعرف الكثير من الرجال من المستحيلات ان يتلفظ بكلام قبيح ولو كان في اعسر الضروف .....................فلاتنظري الى هؤلاء واطلبي من الله ان يرزقك الزوج الصالح الذي تقر به عينك ....................جزاكم الله خيرا الصالح

دائما رد يغني عن كل الردود

[ناصرالدين الجزائري]

و قد يكون المشكل ربما في البنت التي تتخيل أن الرجل سيتغير بعد الزواج .. و كأنه يوم عرسه سيلبس ثوب الأخلاق ..
الحقيقة هي أن الرجل الذي يسب الناس و يسب الذات الالاهية سيبقى على طبيعته بعد الزواج .. و لو حاول تغيير طبعه للأحسن إلا أنه سيعود في لحظة الغضب و لو لا إراديا ...
لهذا يجب على أهل البنت ان يسالوا عن أخلاق الرجل لمعنى الحديث الذي يتحدث عن الدين و الاخلاق .. فالدين هو الاخلاق إلا أن رسول الله صلى الله عليه و سلم اضاف الأخلاق للتأكيد على أهمية الشئ .. فلا أخلاق بلا دين و لا دين بلا أخلاق ..

و الله تعالى أعلم ...

[z.abdo]

السلام عليكم اختي

إذا كان متدين و يخاف الله فيستحيل ان تسمعي منه هذا إذا كان العكس راح تسمعس وتشوفي اكثر

لكن يجب ان تعرفي شيء ليس كل الرجال مثل بعض

البيئة تلعب دور والتربية والأخلاق

فقط عليك بالدعاء ولا تقلقي نفسك بحاجة في علم الغيب

يزيد ونسموه بوزيد

ربي يرزقك بالزوج الصالح الذي يسعدك ولا يسمعك إلا الكلام الطيب

[الدكتور سام]

تفاءلي خيرا يا اختاه.وادعو الله كثيرا ان يرزقك بالزوج الصالح الدي يخاف الله.فوالله اني اضمن لكي انك لن تسمعي منه كلمة تجريح.اما اولائك الرجال اللدين تكلمتي عنهم فعادة هم رجال كبرو في مجتمع فاسد و صداقة فاسدة و السنتهم اعتادت الكلام البدي و العياد بالله.فانا عندما ارى رجلا تجاوز الاربعين و لديه اولاد و يتكلم بالكلام الفاحش استغرب ثم اقول.الحمد لله ني لست مثله و هدا فضل من الله.

[سارة البوسعادية]

يا اختي وش نقلك من تجربتي انا راجلي متدين والحمد لله وعمرو ما طيحلي ولا قالي كلمة مش مليحة ديما نشوف منو غير المليحة
لكن مرة كي تقلق كفر كانت اول مرة نسمعو يقول هدرة كيما هاك حتى انا تشوكيت وبقيت ساكتة
علابالي رح يقولولي بزاف كيفاش تقولي متدين ويكفر ويهاجموني على هذي النقطة
يعني مقارنة باكثر ناس نعرفهم وخالطتهم حريص على القيام بفروضه
ويصوم في الاثنين والخميس
بصح مافهمتش كي يتقلق علاش ما يتحكمش في غضبو
كانت اول مرة وان شاء الله اخر مرة مانزيدش يسمعو يقول كلام هكذا

[أم معاذ أم معاذ]

لا إله إلا الله

لا إله إلا الله

[charachoucha]

منا حتى يزيد و نسموه بوزيد
و ادا كنتي تقراي مواضيع العرايس اللي راهم يكتبو فيهم في منتدى خاص و تجي تحكيهم هنا نقولك راهي متندارش هوما طلبو مساعدة ماشي للتسلي بمشاكلهم لاني نشوف ماكيش مخطوبة و ماراكيش تعاني من هاد المشكلة

[*ام ملاك*]

لاه راكي تنقلي في مشاكل لبنات هنا ربي يهديك الكمال لله ماكانش لي مايتقلقش خاصة في الوقت لي رانا فيه والمشاكل تكون تكون ولعياط يكون يكون هذه سنة الحياة وحاجة طبيعية جدا انو يكون سوء تفاهم بين لاازواج ربي يهدينا

[ريمة89]

اختي
الله يهيدك
كنت قادرة تجي وتسقسي العرايس ولا النساء اللي فالمنتدى بصح باي حق تنشري حاجة ندارت اصلا في غرفة سرية كون عينها مولاتها راهي هي دارتها هنا ماتستناكش انت تطرحي هدا الموضوع انا نظن انوا حرام التجسس بما انك ما متزوجة ما مخطوبة وماتعرفي حتى راجل مالا خلي هد الامور لوقتهم مازال عليك الحال زكلش بالمكتوب والكل يغلط والزوج ادا كان حتى مع زوجتوا متحفظ ملا معامن يكون حر وتلقائي نا نفضل زوجي يعيط ويدير حالة معايا خيرمن يروح يدير ديقة برا انا زوجتوا وخدمتي نمتص الغضب ديالوا وماتقوليليش خوك ولا باباك ماكانتش عندهم مواقف غضب وهيجان ومنهم من كل الجزائريين سبيسياليتي تاعهم القلقة
وانا نقولك الركن بعنوان مشكلتي ماشي مشاكل الاخرين .

[bichaz810]

كل ينفق مما عنده اما المشاكل او سوء التفاهم بين اي زوجين فهي كملح الطعام بعد الفرج تقرب بين الزوجين اكثر ان صمدا بالطبع