عشائي للبارحة

wafa.wafa · 2012-06-03, 12:52

هاذا كان عشائي للبارحة : روز في الفرن مع خبيزات اللحم المرحي ايضا في الفرن + سلطة خفيفة

اترككم مع الصور

روز في الفرن

خبيزات اللحم المرحي

سلطة خفيفة

اتمنى ان تنال رضاكم واعجابكم

ninam · 2012-06-03, 13:19

bessahtkom allah yebarek

wafa.wafa · 2012-06-03, 18:00

اقتباس:

المشاركة الأصلية كتبت بواسطة ninam

bessahtkom allah yebarek

الله يبارك فيك أختي

أنا أمهم · 2012-06-03, 13:26

محلاااااااااااااااااااااااااااه الروز يهبل , تبارك الله عليك.
هايلة فكرة إنك استعملتي قالب كيك و الله .

إذا تسمحي وصفة الروز بالتفصيل. ربي يفضلك يا وفاء.

حتى البقية يشهيو , لكن الروز غلبهم ههههههه

wafa.wafa · 2012-06-03, 18:31

اقتباس:

المشاركة الأصلية كتبت بواسطة أنا أمهم

محلاااااااااااااااااااااااااااه الروز يهبل , تبارك الله عليك.
هايلة فكرة إنك استعملتي قالب كيك و الله .

إذا تسمحي وصفة الروز بالتفصيل. ربي يفضلك يا وفاء.

حتى البقية يشهيو , لكن الروز غلبهم ههههههه

ما يكون إلا خاطرك أختي غالية والطلب رخيص نأخذ بصلة مكرفجة و 3سنات ثوم ونقليهم مليح مع الملح والفلفل والتوابل (اختياري)مع 1جومبو دجاج وزعتر و اكليل الجبل ورند و3ملاعق زيت ثم زيدي طماطم مكرفجة (حبة أو زوج)وزيدي قلي مليح ومن بعد مرقي بماء سخون في هاذ الوقت غلي الروز مع عود قرفة وزنجبيل ورند وإذا حبيتي الزعفران( ومن الأحسن تستعملي روز مفور باشما يتعجنلكش وما تخليهش يطيب بزاف لاخاطر راح يكمل طيابو في الفرن) قطريهوضعيه في قدر وفرغي عليه المرقة وخلطي باش يأخذ البنة تاع المرقة ثم ضعيه في الفرن وخليه حتى يشرب كامل المرقة . ملاحظة:بعد ما تخرجيه من الفرن فرغيه بملعقة في مول الكيكة أو مول الشارلوت أو لملول الصغار الفردية وعبزي عليه في المول باش يأخذ الشكل ومن بعد اقلبيه في صحن التقديم ممكن تستعملي أطراف الجاج بدل اللحم (وممكن تضيفي الزيتون والزروديا يجي ثاني هايل) ارجعي الى الرابط التالي:https://www.djelfa.info/vb/showthread...=885965&page=7

مقدسية · 2012-06-03, 13:31

ماشاء الله عشاء وعليه الكلام
اللهم ادمها نعمة واحفظها من الزوال

wafa.wafa · 2012-06-03, 18:02

اقتباس:

المشاركة الأصلية كتبت بواسطة مقدسية

ماشاء الله عشاء وعليه الكلام
اللهم ادمها نعمة واحفظها من الزوال

شكرا ليك مرورك العطر نور صفحتي وربي يدوم علينا كل النعم

sisi 26 · 2012-06-03, 13:42

بصحتكم رووووعة
ممكن وصفة خبيزات اللحم المرحي

wafa.wafa · 2012-06-03, 18:42

اقتباس:

المشاركة الأصلية كتبت بواسطة sisi 26

بصحتكم رووووعة
ممكن وصفة خبيزات اللحم المرحي

من عيوني حبيبتي : خذي لحم مرحي زيديلو ملح وفلفل اكحل وقليلا جدا من الماء باش يجيك طري من الداخل وشكلي كويرات وبسطيهم بيدك ولا بالآلة الخاصة راهي تجي مع الروبو مانيش عارفة إذا توع ضرك فيهم ولا لالا منبعد نصور هالك إذا مافهمتينيش تحطي مربعات بلاستيكية وحدة تحت الكرة والأخى فوقها وتعبزي تخرجلك الخبيزات متساوية ثم حطيهم في الثلاجة باش يحكمو روحهم ومن بعد دهني قليلا البلا تاع الفور وخليهم يطيبو وقلبيهم على الجهة الأخرى انشاء الله نكون وصلتلكم الفكة وأي استفسا أنا هنا