كيكة الفراشة-حصري من مطبخي-

[amel5]

السلام عليكم و رحمة الله و بركاته
هادي اول مشاركة ليا هنا و ان شاء الله رايحة نقدم ليكم كيكة الفراشة و هي طورطة ساهلة بزاااااف و شكلها رائع
تبعوا معايا
اولا نحتابجو لجينواز وجدتها ب-5بيض-120غ سكر-120غ فرينة-نص كيس خميرة حلوى-لافاني
هاهي المقايدر

نبداو باليض و السكر نضربوهم مليح بالباتو حتى يتضاعف الحجم نتاعهم

من بعد نضيفوا عليهم الفرينة بواسطة غربال صغيرة او صفاية و نخلطوا المزيج من فوق لتحت
بواسطة سباتيلا باش مايخرجش لينا لهوا لي في العجينة

نديروا الخليط في مول دائري و ندخلوه للفرن حتى تنضج الكيكة
كي تخرج نخلواه تبرد و نقسموها في الوسط و نزيدوا نقسموها على زوج بهاد الشكل

ندوروها بالعكس بهاد الشكل و نسقوا الطبقة الاولى بالسيرو(1كاس سكر-4كاس ماء-نص ليمونة)
و نديروا طبقة نتاع كريمة انا استعملت كرام موسلين و هي خليط بين كرام باتسيير (2 صفار بيض-
100غ سكر-2 ملاعق نشا-ربع لتر حليب)توجديها و تخيلها تبردو تضيفي عليها 200غ زبدة

نديروا الطبقة الاتانية و نديروا نفس الشي و هاهي جاهزة
زبنتها بالكريمة و الشوكولا و الكابريس لي وجدته بالكارمال و لكرام فراش

هادي كنت درتها من قبل بالفواكه

نتمنى تكون عجبتكم الطريقة
و الى اللقاء مرة اخرى ان شاء الله

[om_hammam]

ما شاء الله
يعطيك الصحة و تزيين رائع حقا
تسلم ايديك

[omchifa]

شكرا على الوصفة لوكان قطعتي مثلثات في الجنب تجي هايلة

[natacabell]

hayla yatik esaha tazyine hayel baraka lahou fik awdina nchalah bel moucharakat dyalak lah yajalha dayma ya rabi

[الصوامعية]

شكرا جزيلا

[sisi 26]

روووووووعة
شكرا

[بناتي هم حياتي]

الله بارك يعطيك الصحة هايلة

[*أم كوثر*]

هايلة بارك الله فيك

[amel_star]

ماشاء الله عليك يا الشاطرة بارك الله فيك

[faizarbh]

ما شاء الله
يعطيك الصحة روووووووووووعة

[نعيمة البليدة]

جاتك روعة الله يبارك

[amel5]

ربي يخليكم حبيباتي
شرفتوني

[بنت مسلمة]

ما شاء الله تحفة


بارك الله فيك

[ام بسومة]

هايلة بارك الله فيك

[ايمن14]

تتتتتتتتتتتتتتتتححححححححححححححفة