المخلــــــع بالشحم وعشبة التمرساط يشبه للمحاجب روعة

الصوامعية · 2012-05-26, 12:01

الســــــــــــــلام عليكــــــــــم جميعــــــــا

اليوم جبتلكم طريقة المخلع بالشحم وعشبة التمرساط عندها فوائد صحية كثيرة بزاف بزاف تحضر في فصل الشتاء و الربيع لتوفر هذه العشبة فيها بكثرة تعطي للجسم الدفئ و تزيل الهواء وتنفع النفساء وأشياء كثيرة يعرفوها جدودنا والناس الكبار لمجربينها حنا فالدار وناس خميس مليانة الحمد لله مزلنا محافظين على هذي الوصفة الشهية تحضرهالنا الوالدة الكريمة من يديها جي عندها بنة خاصة أنا وجدتلها الحشوة والعجينة وهي لخدمتها بلا ما نطول عليكم نخليكم مع المقادير وطريقة التحضير والصور كالمعتاد من مطبخ الصوامعية

المقــــــــــــــادير

- عجينة المعارك أو المسمن
- عشبة التمرساط نستعمل الأوراق فقط نغسلها ثم نقطرها
- الشحم - الثوم - فلفل عكري حلو - فلفل أسود - قرفة -كمون - راس الحانوت - هريسة - طماطم مصبرة - زيت - ملح

التحضيـــــــــــــــر

نطحن الشحم أولا فالروبو أو المهراز
نطحن أيضا التمرساط
نطحن الثوم بالملح
نخلط كل المكونات مع بعض ونحطهم في قدرة ونزيد عليهم الزيت والتوابل والطماطم ونقليهم مليح حتى يذوب الشحم وتذبال التمرساط والباقي موضح بالصور

[IMG]

[/IMG]

[IMG]

[/IMG]

نتمنى يعجبكم الموضوع وتجربوها
هذا المخلع نهديه للعزيزتان بنت الحاج والأمنيات لتواجدهم المستمر في مواضيعي راكم مفرحيني بزاف بزاف ربي يحفظكم وتمنياتنا بالشفاء العاجل للغالية أم خديجة

hamida2012 · 2012-05-26, 12:15

امممممممم شهيتيني عزيزتي الصوامعية ان نحب بزاف الاكلات التقليدية بصح للاسف ما عرفتش هذي العشبة ممكن تقوليلي اسم اخر بالاك نعرفها
يعطيك الصحة انت و الوالدة الكريمة

zahra30 · 2012-05-26, 12:26

*سماح 94* · 2012-05-26, 13:14

اممممممممممممممممممممممممممممممممممممم راااااااااااااااااااائع رااااااائع ا عزيزتي الصوامعية كون تعرفي واش نحب هاد الاطباق والله شهيتيني بزااااااااف يعطيك الصحة انت وماماك ربي يحفظها ويطوللها عمرها
بصح تعيشي العشبة هاديك ما عرفتهاش ادا ممكن اسمها باعربية الفصحى او الفرنسية وشكرااااااااااااااااااااااا

ام مريم الجزائرية · 2012-05-26, 14:13

راهي تبان بنينة بصح كيما البنات ماعرفتش العشبة

الصوامعية · 2012-05-26, 14:44

اقتباس:

المشاركة الأصلية كتبت بواسطة hamida2012

امممممممم شهيتيني عزيزتي الصوامعية ان نحب بزاف الاكلات التقليدية بصح للاسف ما عرفتش هذي العشبة ممكن تقوليلي اسم اخر بالاك نعرفها
يعطيك الصحة انت و الوالدة الكريمة

شكرا على المرور عزيزتي hamida2012 بالنسبة لهذي العشبة للأسف نعرفها غير بهذا الإسم هي تشبه لنعناع أوراق نتاعها جي مصوفة تلقايها عند ليبيعو القصبر والنعناع والسلق ....

الصوامعية · 2012-05-26, 14:45

اقتباس:

المشاركة الأصلية كتبت بواسطة zahra30

شكرا على المرور

الصوامعية · 2012-05-26, 14:51

اقتباس:

المشاركة الأصلية كتبت بواسطة nokia2007dz

اممممممممممممممممممممممممممممممممممممم راااااااااااااااااااائع رااااااائع ا عزيزتي الصوامعية كون تعرفي واش نحب هاد الاطباق والله شهيتيني بزااااااااف يعطيك الصحة انت وماماك ربي يحفظها ويطوللها عمرها
بصح تعيشي العشبة هاديك ما عرفتهاش ادا ممكن اسمها باعربية الفصحى او الفرنسية وشكرااااااااااااااااااااااا

أهلا بالعزيزة nokia2007dz يسعدني تواجدك مع الأوائل والله هي أكلة رائعة نتمنى تجربيها قبل ما نحط الموضوع درت بحث حول العشة للأسف مصبتش تسمية أخري لها بالفرنسية أو العربية المهم تلقايها عند ليبيعو النعناع والقصبر ..... تشبه للنعناع والأوراق نتاعها جي مصوفة ربما الوالدة نتاعك تعرفها أو عندها فكرة عليها

الصوامعية · 2012-05-26, 14:52

اقتباس:

المشاركة الأصلية كتبت بواسطة ام مريم الجزائرية

راهي تبان بنينة بصح كيما البنات ماعرفتش العشبة

شكرا على المرور المشجع عزيزتي كيما قلت للأخوات من قبل تشبه لنعناع والأوراق نتاعها جي مصوفة

*ام رامي* · 2012-05-26, 14:56

يعطيك الصحة اختي الصوامعية هايلة
اعتقد ان العشبة هي الفليو ورائحتها قوية جداا ومنعشة ؟؟؟

أمـــــــــــــــيرة · 2012-05-26, 14:59

السلام عليكم

واش هذا أختي الصوامعية

والله رائـــعة

وشهاتني

بارك الله فيكـــ

متألقة

الصوامعية · 2012-05-26, 15:12

اقتباس:

المشاركة الأصلية كتبت بواسطة *ام رامي*

يعطيك الصحة اختي الصوامعية هايلة
اعتقد ان العشبة هي الفليو ورائحتها قوية جداا ومنعشة ؟؟؟

أهلا بالغالية والعزيزة مشرفتنا الجديدة ام رامي هذا ماشي فليو الفليو عندو أطباقو الخاصة به خسارة حتى وحدة مقدرت تتعرف على هذي العشبة ربما الردود القادمة نلقى شكون لتحلنا هذا اللغز