مشكلتي

[مشكلتي]

السلام عليكم


انا في حيرة بين شخصين


انا تربطني علاقة بشاب منذ 3 سنوات كنت احبه بجنون لا استطيع ان اعيش يوما بدون ان اسمع صوته هو من ولاية اخرة و طوال 3 سنوات لم نلتقي سوى 8 مرات ....الشاب الأول تبدل معايا بزاف في الاونة الاخيرة و انا صبرت صبرت صبرت لدرجة اني وليت ماش قادرة نتحمل اكثر و كنت معولة نخليه


في هاذي الفترة زميل لي في الدراسة بدا يتقرب يتقرب مني حتى قالي بلي يحبني ..انا طالبة بكالوريا و ما بقاش بزاف 20 يوم فقط


هذا زميلي صراحة قالي اني نحبك و اني مانزيدش نهدر معاك حتى ورا الباك باه ما تقوليش انا لي عطلتك على قرايتك هو زميلي ماشي متفوق خلاص يعني ماش sur اذا يدي الباك و لا لالا لكن قالي انا رح نقرا على جالك باه ما نخليكش تروحي وحدك للجامعة.......................و الى اليوم مازادش هدر معايا


الشاب الاول لما حس اني رح نخليه و لا حاب يدير المستحيل غير باه ما نخليهش و يقولي اسمحيلي و الله ما نزيد نقيسك و اني نحتاجك ..........خلاني حتى وليت رايحة نطلق كلشي من يدي و رجع ........................


انا محتارة كيفاه ندير الاول كنت نحبو بجنون و هو لي شعل النار في قلبي في الاول و هو طفاها ضرك انا نعرفو بلي انسان طيب و متربي و حتى اني متاكدة انو رح يطلبني من دارنا اذا كملت معاه


زميلي تاني متربي و محترم بزاف و كامل يعرفو عايلتهم بلي متخلقين و حتى مقتدرين ماليا ..لكن انا ماعلاباليش اذا مشيت معاه في هاذ الطريق وين راح نوصلو يعني نعقبو عام ولا عامين و مبعد !!!!!


و تاني مانيش حابة نظل من واحد لواحد . كل واحد نعقب معاه 3 سنين و نروح لواحد اخر


انا حابة واحد يساعدني ماش واحد يقولي مازلتي صغيرة لانو مرت خويا عمرها 21 سنة و انا عمري 19 سنة


كيفاه تقولولي

[فارس الجزائري]

السلام عليكم
خيرا إن شاء الله
كلامك مع الشاب الأول أو مع الشاب الثاني لا يكون إلا بعد أن يطرق إحداهما باب بيتكم واضعا يده في يد والدك حتى يتزوج بك
أما الإبقاء على علاقة لمدة ثلاث سنوات أو حتى عشرين سنة هي مضيعة للوقت كما انها ليست شرعية مادامت في الظل دون علم أهلك وأهله
الرجل يا أختي هو الذي يدخل من الباب وليس الذي يدخل من الشباك
والمرأة هي التي تقول لمن يتقدم اليها
اذا إتحوس علية أرواح لبيت أمالية
هكذا يكون الموقف واضحا أمام الله أولا وأمام عباد الله فرأس مال الفتاة سمعتها وشرفها فحافظي عليهما
لذا عليك الابتعاد عن كليهما وانتظري من يطرق بابك أولا حينها وحينها فقط نستطيع أن نتكلم عن مشروع زواج حقيقي وحينها فقط نستطيع أن نقول لك
أنك لست صغيرة قبل ذلك فانت تضيعين في وقتك ومعهما سمعتك فانتبهي
بالتوفيق إن شاء الله