انصحوني أرجوكم .....انا حائرة

[rossa]

بعد باسم الله الرحمان الرحيم
انا فتاة لم تكن لي أي علاقة مع أي شاب
كيما يقولو هكا تربيت . تعرفت في يوم على شاب . من الفايسبوك بصح ماكنتش نحكي معاه ديما نقدر نقول من شهر لشهر انا بدبت نتعلق بيه
كانت العلاقة تعنا محدودة غير في الفايسبوك برك
ساعات مانحكيش معاه خلاه بصح ديما نخمم فيه مع اني شفتو غير في الفوتو بصح هو جامي شافني لحد الأن يقلي اني حاب نشوفك بصح انا مانقبلش على خاطر انا مانقدرش ندير هكا و زيد بعاد على بعضانا من ولايات مختلفة
جا واحد النها بعتلو ميساج تاع عيد ميلادو ومن هذاك النهار وهو يعيطلي بصح ماش ديمة نقدر نقول كل سمانة .انا ولى يعجبني صح
و انا تاني عاجبتو بصح ولا نهار حكيت معاه حاجة خاطية الطريق .
و درك اني خايفة تطور الحكاية قصدي اني نولي نمشي معاه وانا عمبالي بلي مانيش راح نديرها
على خاطر نحب العلاقة بين الراجل و المرأة تكون جدية يعني خطيب .ولا زوج .
مافهمتش اذا نكمل معاه كصديق مع انو مكانش صداقة بين الطفلة والطفل ولا ...نقلو اسمحلي مانقدرش نكمل نحكي معاك هكا ....................
اني حائرة .................انصحوني لوجه الله.