كيفاش راكو منظمين وقتكم للباك و الحفظ ؟

[sarahsarina]

كل واحد يحطلنا بروقرام تاعو باش نستفادو

أنا مارانيش منظمة وقتي و مادابيا تفيدوني يرحم والديكم ما راني نحفظ ما والو تبلوكيت مانيش قادرة

[lovely lonely girl]

shoufi ya sara
f mai abday a7fdi w rakzi 3la l math w lmou7assaba w l i9tisade w tari5 w joughrafia
wl7wayej lou5ra li b9atte koul matkamli mada mouhima arj3ilha 6ala 5fifa
w raby yjib l5er nchlh
w raki rab7a

[*Liiinà*]

والله يا نصيحتك يا لوفلي
شوفوا صديقاتي انا نقلكم جيبوا ورقة و ستيلوا في الاقتصاد اقراو الدرس 5 مرات على الاكثر كيما انا ندير 3 مرات و دونوا العناصر الاساسية كي شغل راكم تلخصوا اوكي و عندك الاقتصاد من اليوم حتى ل 29افريل راكم مكملينوا اوكي اجهدوا رواحكم و التاريخ و الجغرافيا ثاني و من 1 ماي الى 07 مكملينهم والتربية الاسلامية من 08 ماي حتى 14مكملينها و الفلسفة من 15 ماي حتى 17 هاك تهنيتوا من مواد الحفظ الان دوروا للرياضيات و المحاسبة حلوا قاع كاش موضوع يجي في طريقكم و هاكا راكم واجدين للباك و ربي يوفقنا كاااامل

و ما تنساوش

اللهم انا نسالك التوفيق و النجاح في باكالوريا 2012

[sarahsarina]

ان شاء الله بصح لازم وقت كبير كيما فلسفة ما نقدرش نكملها ف يومين مستحيل مع لي راسي تقيل سواسوا هههههه و دوك المحاسبة ساهلة شويا أنا لازملي وقت للحفاظة برك
المهم انشاء الله نديرو لي قدرنا الله يعاونكم و يعاوننا مرسي عليكم

[صفا الروح ايمانوو]

خيتي الغالية انا عادة احفظ بالصباح يعني فوق 9 وبالليل من فوق 10 ولكن احيانا اعتمد على كتابة الدرس والتلخيص هكذا يدخل لراس خصوصا بالاجتماعيات انا الدروس نفهمهم اما الشخصيات ومصطلحات تاع التاريخ نحفظهم ومصطلحات الجغرافيا نقراهم مليح لخاطر تاع فهم ماشي واعرين
وانا راني ناوية غدوة ندير منبه صباح بكري قبل الفجر ب 10 دقائق غير ما نسمعوا انوض نجري هذا هو الحل هههه

ظك راني مع التاريخ والجغرافيا 1 ماي نولي للإقتصاد نحفظها ممبعد نورح للفلسفة والرياضيات ثم نرجع نحفظ القانون خليتو هو الاخير هههههه

الله يوفقك وينجحك يارب (:

ملاحظة الشخصية قسميهم وديري الفرق بيناتهم يسهل عليك الحفظ وحاولي مثلا تحكيهم لصحبتك ولا اختك تولي تتذكريهم بدون مجهود كبير

[الساطي]

الله يسهل حتى أنا معاكم ...

[sarahsarina]

صفا عندك الحق مممم الله يعاونك برنامج شباب أنا البارح جبت ال 2 تاع الليل أول مره ههههه راني درت القلب لول المهم يعطيكم الصحة ربي يوفق

[صفا الروح ايمانوو]

المشاركة الأصلية كتبت بواسطة sarahsarina

صفا عندك الحق مممم الله يعاونك برنامج شباب أنا البارح جبت ال 2 تاع الليل أول مره ههههه راني درت القلب لول المهم يعطيكم الصحة ربي يوفق

خيتي الغالية سارة ماتسهريش حتى 2 كأقصى حد 11.30 او 12 تاع الليل ونوضي الصباح بكري ههههه من جهة ماشاء الله عليكي كيقدرتي تقراي لحتى ذاك الوقت الله يقويك ويعنيك يارب والله ينجحك (:

[lover4ever]

انا راني نحفض بالمادة كل مانخلص مادة نروح للاخرى
الحفض يكون صباحا المساء محاسبة ولا رياضيات
الانجليزية فرتنسية عربية وفلسفة راني حاب نخليهم في 15 يوم اللخرين وحدهم
الوقت متاخر على البرنامج والحفض بالتفصيل لدالك اتخدي ملخصات
وففقك الله

[sarahsarina]

صفا أنا ما نقدرش نود بكري النعاس يغلب ... مالا نسهر خير المهم كيما جات كلات المهم نحفظ لول

[sarahsarina]

ان شاء الله ختي lover4ever الله يعاونك

[tiareti14]

نحفطوا الصباح والراجعوا التسيير والاجتماعيات والرياضيات عشية.