كيفاه نقول لالا

[princess alg]

السلام عليكم

صباح الورد يا جماعة
حبيت نشاوركم و الله قريب نهبل
بون انا عندي 21 سنة و نقرا 2 اني ميدسين العام اللي فات جاني واحد فالجاميعة كان انترن يعني اخر عام ليه و يتخرج
بدا يبريزونتي في روحو وووو و سقساني اسكو مرتبطة و الا لا لا
قتلو لا و باللي انا كونتر المشية و الامور هادو كامل
قالي اوكي اعتابريني كوم امي و اخ و كشما تختاجي راني هنا
منا للعشية لقيتو عيطلي فالبورطبل ادا النيميرو تاعي من عند صاحبتي
ما لقيت ما نرد عليه هدرت معاه كلي نورمال و هكدا و ولى ساعة على ساعة يعيطلي و يسقسي عليا
مرات يقولي راني خوك و مرات يقولي كشما تعرفتي و تمشي و شكون تحبي و انا راني نغير ووو و الله قريب نهبل انا من الاول واضحة معاه نورمالمون يفهم
درك هو خلص المسيدين تاعو و راهو طبيب و انا راني 2



البارح برك عيطلي
قالي نحبك و حاب يتقدملي
كي جيت نرد عليه قالي غدوا نسمع الرد تاعك
حابةنقولو باللي مانحبوش و مش قابلة نتزوجو بلا ما نقيسو و بلا ما نخسرو
ما ما لقيتش وش نقول و وش لازم نقول

عاونوني ربي يستركم

[رزان.]

لكن مادام اتقدم يعني كاين مؤشرات بينت له أنك موافقة عليه ، و لكن عليك التوضيح أكثر لماذا الرفض من البداية مادام يريدك في الحلال + أنه ترك لك مدة لتفكري في الأمر كونه لم يريد أن يسمع الرد مباشرة .....

و هل سألت عنه جيدا ؟؟؟؟

ربي يسهل أمورك

[الفتاة الصغيرة]

ولكن لماذا لم تقطعي الإتصال به من الأول لماذا بقيت بإتصال معه
أنصحك يا أختاه بأن تخبريه الحقيقة وعليه تقبلها

[*سلامة*]

السلام عليكم

شوف بلا مانقولك ، بلي غلطتي كي هدرتي معاه في التفون وكان لازم من اول يوم تكوبيهالو في وجهو

نقولك

قوليلو ، يا خويا انا مازالني صغيرة ، ومانيش نخمم في هاذ الامور ، حتى نكمل قرايتي و نرجعلك

يقولك معناها نستناك

قوليلو

قتلك ما زال مانفكرش في الزواج ، نهار يجي مكتوبي ، ربي يسهل


بالتوفيق

ونمد نصيحة للبنات ، نعلمو تقولو لالا من الدربة الاولى

كلمة لالا ساهلة ، على كلمة نعم

شكرا

[princess alg]

مرسي لي في
يعطيكم الصحة

[ghada91]

شوفي خيتي

اذا راه عاجبك قولي ايه

و اذا ماراهش عاجبك قوليلو لالا

نورمال

نوووووووووووورمااااااااااااااااااااااااااال

[dotZero]

علاه خايفة تخسريه؟
وين المشكل؟
السيد زادم ب la frappe
حابة تقولي لالا؟
إذن قولي لالا مباشرة
و ماعندك مناماه تخافي

[ليلى المستغانمية]

شوفي اختي الي فيه الخير ربي يقدمها اذا كانت نيته صافية استخيري لربك وان شاء الله مايكون غير الخير


ربي يهدي بالك

[z.abdo]

بما أنك مزالت تدرسين أنصحك أن تصفي ذهنك من هاذه العلاقات لأنها و الله تدي الوقت نتاع الواحد وتفكير باطل
إذا لا تفتحي باب على نفسك

الباب اللي يجي منو الريح سدو واستريح


تقبلو مروري

[faty05]

نتي من الاول لوكان غسلتيه كي جاب الرقم ديالك بصح تقبلتي الامر و حكيتي معاه بالطبع هو يبالو بلي رآه عاجبك و يطلبك للزواج
وش نقولك نتي ما عجبكش كوني صريحة و تتهناي

[Ghalia alger]

Salam okhti bsaraha makanch lazam tatkalmi m3ah min lbidaya,bsah dok hawli tfahmih bchwia bli raki makich haba tatzawji dok bhojat adirassa lakin bsaraha rayi twafki 3lih madam insan jad wsadik walaho a3lam

[مناد بوفلجة]

لازم تقوليها ليه مباشرة و لازم تقيسيه

باه ما يزيدش يعيط لك في التيليفون

شخص يقولك أنا مثل أخوك و لا أدري , هذا متطفل ما يحشمش

[نهال نهال]

اختي العزيزة انا من راي انك تلتاي بدراستك ومن بعد هذه الامور هي الاخيرة وهذا الحاجة مكتوب

[الورود المنسية]

كن مادام اتقدم يعني كاين مؤشرات بينت له أنك موافقة عليه ، و لكن عليك التوضيح أكثر لماذا الرفض من البداية مادام يريدك في الحلال + أنه ترك لك مدة لتفكري في الأمر كونه لم يريد أن يسمع الرد مباشرة .....

و هل سألت عنه جيدا ؟؟؟؟

ربي يسهل أمورك

[فتـ حييةـاة]

وعلاش مابغيتيش تقبلي بيه اذا على قرايتك تقدري تكمليها وانتي عندو هذا طبعا اذا كان شاب ماعندو ماخصو (من ناحية الاخلاق ) على الاقل المخلوق راه طلب الحلال لوكان عينو يزعق يقولك نخرجو ونتعرف عليك ونعرف عقليتك ووووو
واذا مش عاجبك ومابغاياش تتزوجي بيه قوليهالو نورمال وعلاش خايفة تخسريه ولا ماتخرسيهش علاش انتي ربحتيه اصلا حتى تخسريه ؟؟
قال ربي يرزقك ببنت الحلال انا مانيش باغية نتزوج وخلاص خير ماتظلي تهدري معاه وتطمعي فيه وانتي مش باغية تقبلي بيه