كيكة سااااااااااهلة بصح هااااااااااايلة

[ام محمد ميدو]

يا صباح الافراح والعطر الفواح تحياتي لكل حبيباتي عضوات منتدانا الغالي

هذي كيكة لي يذوقها ويشوفها يحسب راها صعييييبة بصح في الصح مش مكلفة وبسيطة جربوها على ضمانتي هههههه
المقادير:
الجافة: 12 ملعقة كبيرة مليانة فرينة
2 ملاعق كبار كاكاو
كاس سكر عادي
1 خمارة القاطو وملعقة صغيرة بيكربونات


السوائل: 4 حبات بيض
كاس حليب
كاس زيت
نصف ملعقة صغيرة عطر الليمون و نصف ملعقة صغيرة عطر اللوز الحلو


السيرو: فنجان سكر وفنجان ماء يطيبو 10 دقايق
عصير حبة برتقال وعصير حبة ليمون
الكريمة: 3 ملاعق فرينة قشور البرتقالة والليمونة و2كيسان حليب والسكر حسب الذوق خلطي كل شي بارد ثم حطيهم فوق النار حتى تخثار وتولي كريمة




الطريقة:
ضربي البيض مليح حطي عليه نصف كمية المكونات الجافة لي تكوني غربلتيها مع بعض



ثم اضيفي السوائل وخلطي



ثم بقية المكونات الجافة ادهني مول مثقوب بالزيت والفرينة فرغي الخليط وديريه يطيب عادي كي تخرجيه من الفور نصليه من المول ورجعيها في المول


وسقيها بالسيرو وهي سخونة



وخلي عليها تبرد مليح ثم اقلبيها في صحن وفرغي بملعقة الكريمة فوقها وزينيها بالفواكه الجافة





ملاحظة مهمة: الكريمة ديريها بالفرينة مش بالمايزينة لانو راح ديرلك قشرة بالمايزينة
عطر الليمون واللوز الحلو اذا كانو مركزين ياسر ديري منهم قطرات فقط لانو لي عندي انا عطرهم خفيف درت نص ملعقة
بالصحة على قلوب الحبايب
ودعواتكم عزيزاتي