مارايك في قناة النهار

ريمة89 · 2012-04-09, 20:44

حبيت نشوف رايكم فقناة النهار
انا عن رايي الخاص بهدلت بينا و يعني ياريت دارونا البت نتاعها ارضي فقط والله خبارنا كامل انتشرت والشعب ..........
انا نشوف القنوات الخليجية والغربية موحال يبينوا حاجة الهدوء والسكينة فبلادهم يظلوا يغنولها وحنا ............
واش هو رايكم هل هي صح راهي تنقل فالانشغالات
ماهو تخصص القناة ما الغرض منها

رقة الحياة · 2012-04-09, 21:15

كل ما تبثه هذه القناة هو تمويه و ما خفي أعظم

قناة جزائرية تبث شاب على المباشر يجهر بمقاطعة الانتخابات !!!!!!!!!!!!!!!!!!!!!!
هذي هضمتهاش انا

ريمة89 · 2012-04-09, 21:27

و الله ياخي حتى انا حرت الشعب يقولوا الغربة فبلادنا ماشي فالخارج ويعايروا فالوزاراء واللي تحت بوتفليقة والدولة ساكتة
على هدا حبيت نعرف اراء الاعضاء مشكور على الرد اخي مجيد

sasa-19 · 2012-04-09, 21:31

قناة تستجوب الا شباب الشارع فقط ولا تستجوب المثقفين والامة والدعاة .المفكرين ........الاساتذة........

حضنية28 · 2012-04-09, 21:32

بصراحة انا لا اشاهد هاته القناة

ريمة89 · 2012-04-09, 21:36

انا اشاهدها لكي اعرف الهدف منها والله حيرتني مقبيل جابوا واحد من الشارع وداروا معاه تحقيق انا جابلي ربي هدي القناة تشبه للجرائد الصفراء يعني تاع قيل وقال

djamel123 · 2012-04-09, 22:05

يا أختي لا تقلقي على هذا النظام الجزائري العظيم المحسود جدا.
فهذه مجرد قناة مخابراتية تم الدفع بها هي والشروق من أجل تنفيس بعض الكتم في حرية الرأي والذي كان يعاني منه الشعب الجزائري بعد أن أحس هذا النظام بخطر الانفجار، فالكتم يليه الانفجار وهذه هي القاعدة التي تعلمها النظام الجزائري من تونس وسوريا وليبيا وأراد أن يتفاداه بهذه القنوات بعد أن كان يقسم بوتفليقة أنه لن يفتحها مادام على الكرسي.
وطبعا لهذه القناة وغيرها خطوط حمراء يستحيل ان يتعدوها وهي بوتفليقة- الجيش-بعض الأحزاب الكبيرة.

sissi123 · 2012-04-09, 22:06

قناة النهار مثل جريدة النهار كلمة واحدة تصف الجريدة و القناة معا هي خرطي

bbc · 2012-04-09, 22:15

صراحة لا اتابعها و لا اعرف ما يبث فيها اصلا

رقة الحياة · 2012-04-09, 22:38

اقتباس:

المشاركة الأصلية كتبت بواسطة ريمة89

و الله ياخي حتى انا حرت الشعب يقولوا الغربة فبلادنا ماشي فالخارج ويعايروا فالوزاراء واللي تحت بوتفليقة والدولة ساكتة
على هدا حبيت نعرف اراء الاعضاء مشكور على الرد اخي مجيد

و الله امر محير صح

بودالي نبيل · 2012-04-09, 22:46

خرطي خرطي
يتيمة كأخواتها

ريمة89 · 2012-04-09, 22:59

والله ياخي مقبيل استضافوا واحد يعاير فالمير والله الهدرة مايعرفش يهدر ود اروا معاه لقاء كامل انا حرت لهد المستوى نزلنا زادا كان كاين هناك كتم ماراح تعالجو لا القناة لا غيرها لانو الشباب هوما اللي راهم مضرورين بالدرجة الاولى انا امراة قريت الحمد لله وتخرجت وتخرجوا معايا شباب انا تزوجت وهوما مصيرهم كيفاه 24 سنة لا خدمة لا والوا حتى الثقافة ماكاش وانا ليسانس صحافة والله الثقافة راهي بعيدة علينا حنا المتعلمين يا وينك اللي قدهم قد روحهم الا ادا انت حبيت ثقف نفسك
ولكن الحاجة اللي تفاهموا عليها الشعب كامل كيما قال الاخ بوتفليقة انا اللي راح تهبلني كي يقولو بوتفليقة ماعلابالوش بلي تحتو يعني هو نية ونتوما الفايقين انت يالخضار ولا الشاب فايق على بوتفليقة انا الحق نتفرج عليها باه نفهم هدفها برك ونشوف الشعب النية عمبالوا صح قناة صريحة 100 بالمية ونشكر كبل من ساهم فالموضوع

عُضو مُحترم · 2012-04-09, 23:33

قناة و جريدة تنشر الغباء

و تجعل مطالب الشعب لا تتعدى شبع البطن

السيدة كرمين · 2012-04-10, 09:02

تهريج

هذا اقل ما يقال عنها

فهي بعيدة كل البعد عن الرسالة الاعلامية

والدليل

التصوير السيئ

الارتجال الفاضح

الأخطاء على المباشر

وزيد قمة التهريج لما يجيبوا

اشخاص كيما ابو جرة السلطاني و الشيخ عبد الله جاب الله

في اطار الانتخابات يكون موضوعهم قالوا ...قالوا

بردلي قلبي الشيخ جاب الله لما قال للصحفي

ارفع مستوى الحوار ...............الخ

ما نعرف هل راهم يشوفوا المستوى الاعلامي المشرقي

والتونسي والمغربي

ولا راهم يقارنوا في انفسهم باليتيمة

اصراحة اليتيمة افضل بكثيييييييييييييييييييييييييير

من البهرجة الكذابة للنهار و الشروق على حد سواء

اشكرك لطرحك

صدقيني ما نحس بالتبهديل من مشاكلنا لأنها

مشاكل طبيعية تحدث في ارقى المجتمعات

لكن ان تنحط الرسالة الاعلامية

هو ما يشعرني بالقرف و.................... عفوا

تقبلي تحياتي

strong girl · 2012-04-10, 14:23

في رايي انها قناة لها تصريح من الدولة لترد على ماتبثه قناة المغاربية الخاصة هي الاخرى