مشكلتي مع خطيبي

[مشكلتي]

السلام عليكم ورحمة الله تعالى وبركاته

اخواني واخواتي حبيت اشارككم مشكلتي وياريت تساعدوني في حلها

من حوالي ثلاث أشهر جائني خاطب عن طريق احدى جاراتنا (يعني خطة تقليدية) علما انني افضل هذه الطريقة فوافقت على رؤية شرعية وفي يوم الرؤية الشرعية أخذ رقم هاتفي واعلمني انه كان خاطب وحدة قبلي ومصراش مكتوب بيناتهم ومتفاهموش الاهل مع بعض

المهم بعد مدة لقيت روحي في دوامة حسيت بلي كان يحبها بزاف وديما كي نكونو نهدرو ديما ساكت وفي عالم اخر
وفي احد المرات قلتلو احكيلي على هذي اللي مصراش بيناتكم مكتوب نسى روحو وقعد يشكرلي فيا ويمدح وانا ساعتها بكيت وحرقت قلبي صح مبينتلوش وهو يحكي حسيت رجفة في كلامو والله فات عليا هذاك ليوم جحيم
المشكل الشاب جيد في اخلاقه سقسينا عليه وحتى كلامو محترم واهلو وابوه وامو ناس ملاح ..لكن المشكل الآن في كيف اتعامل معه؟؟؟؟؟

راهي راكبتني وساوس كبيرة وكل يوم ندي ونجيب وساعات نحس بلي لازم نبطل وساعات نخاف نندم لانو ميتعيبش كيما يقولوها والله راني تعبانة وللعلم الحمدلله انا ماخصني جميلة وبنت ناس ولحمدلله

راني عييت

[نورسين.داية]

إستخيري عزيزتي فقط الا غير و إستعيني بالدعاء .............

أفهم ما تفكرين فيه ..لكن بالدعاء و الصلاة سوف ييسر لك الله الطريق الصحيح عزيزتي .....
لكن يبقى سؤال : هو لو كان لا زال يفكر بالأولى لما تقدم لكي لو لم يكن ينوى طي صفحة الماضي ...............مجرد رأي

[رزان.]

يا أختي أولا عليك بالإستخارة

و مادام راه خبرك شيء جميل للوقوف إلى جانبه و مساعدته على تجاوز ذلك و تأكدي أنه من الصعب جدا أن ينسى المحب بسهولة سواء أكان شابا أو فتاة و

لكنه المكتوب و ما باليد حيلة ، المهم أنك عرفت ما يجول في خاطره عليك أن تكوني حكيمة و تتحلي بالصبر ، و تساعدينه قدر المستطاع خاصة و أنّك قلت :
الشاب جيد في اخلاقه سقسينا عليه وحتى كلامو محترم واهلو وابوه وامو ناس ملاح ..

أتمنى لك التوفيق إن شاء الله

[*أمنيآت لآمتنآهية*]

استخيري اخيتي وفوضي أمرك لله
فلربما مع مرور الوقت سينساها بفضلك،حاولي أن لا تذكريه بها اذا تكلم معك فصعب أن ينساها بسهولة وصعب أن تحسي أنت بأنك معه بينما قلبه مع أخرى
الله يكون في عونك يااختي وربي يفتح عليك ويسخرلك قلبه وينساها تماما

[نجمة ساطعة]

لا اعلم ماذا اقول لك اختي ... لكن صدقيني صعب جدا الشاب ينسى اول حب خاصة لما يكون المانع
ليس لهما دخل فيه
لكن يجب ان تكوني ذكية جدا و تتحلي بالصبر و اعلمي انك ستعانين كثيرا لكن بامكانك ان تنتصري

في الاخير و تجعليها مجرد ذكرى و ربي يهنيك

[*أم كوثر*]

الاستخارة تم الاستخارة
فما خاب من استخار

[lilou f lilou a]

إستخيري عزيزتي فقط الا غير و إستعيني بالدعاء .............

[الواثق]

هذا من مساوء تكلم الخاطب مع خطيبته فالخاطب مازال اجنبيا عنكي ولايجوز لكي الاخذ معه في الحديث الا للضرورة وبوجدود ضوابط شرعية...بل ذهب بعض العلماء الى عدم جواز كلام الرجل مع المرأة ولو كان عاقد عليها مادم هي ليست في منزله الا للضرورة او الحاجة اللازمة...وفي ذلك حكمة كبيرة لكي يبقى الود والاحترام بينهما وحتى لايدخل الشيطان بينهما ليوسوس لهما ويفترقان لاسباب تافهة ونقول عنها تافهة بعد الفراق دائما .........والله اعلم بالصواب وهو هادي السبيل

[lisace2]

خطبيك هذا كيما انا نفس الحكاية صرات لي
كنت انحب وحدة و كي خطبتها ما قبلوش والديها
و اللي راني خاطبها دوكا الله يكمل بيناتنا في الخير نساتني في الاولي ....
سبحان الله راك قلتيها ...... ما صراش مكتوب بيناتهم
يعني ان حاولي اتنسيه فيها

[anoud]

mais sara7a malazemch ya7kilk 3liha godamak pck hakdam3netha mazelma nesahech ou radjelli ya7ki li khatibto 3la wa7dsa kan i7beha ma3ntha mazalou i7abeha 3la 7ssab wach raki dgouli

[أكوام الورد]

أختي الكريمة راني حاسة بيك و مقدرة الوضع و نشاله مايكون غي الخير
صلي صلاة الإستخارة و كتري من الدعاء ثم الدعاء

[بنت الحجاج]

كونِي فحلة و نسِيهْ فيها

[عُضو مُحترم]

بما ان الموضوع رجالي

و يتحدث عن الزواج و الحُب

فهذا مجال لي فيه معرفة و دراية


اقو لك يا اختي

كان يُحبها و كانت تملك قبله ووجداته

كان و كانت ......................... و صارت من الماضي

ثُم خطبك يعني انتي...................... الحاضر و المُستقبل إن شاء الله

و قلبه الآن فارغ و يتحسّر على مافات

و الحسرة ناتجة عن الفراغ العاطفي

و هو ما حكالك قصته إلا لانه ارتاح لك

و طلبً غير مباشر ان تخلفيها في قلبه

هل ببساطة فُرصتك لتمتلكي ذلك القلب الجريح (حسب ما فهمت)

و تسيطري على ذلك الفراغ

فستغدين احبّ اليه من الاولى

================

تذّكري دائما انها الماضي

وانتي الحاضر و المستقبل

[simonbolivar]

ماديريش الوسواس في بالك واتكلي على ربي وحاولي تنسيه فيها بحلوة المعاملة
وحاولي تسرع في خطوات الزواج باش تتهناي
....خير ماتضيع الراجل من يدك وتبقاي ماك منا ماكي منهيه

[الحاج قادة]

ماكن والو اختي عادي جدا انا تاني بكري كنت مع وحدة ونحبها بزاف بصح ربي مكتبش بصح الان حمدولله راني رايح نخطب وحدة وعادي جدا ونحكيلها على لولى ومافيها والو والله الحب الحقبقي بعد الزواج وربي سبحانو يقول وجعلنا بينكم مودة ورحمة وارجو ان تتأملي في الاية الكريمة جيدا وتبحثي على التفسير تاعها