8 سنين عذاب

amouna89 · 2012-03-22, 18:24

احببته منذ السنة الاولى ثانوي ذهبت الى الجامعة و بقيت احبه ...تخرجت و مازلت احبه لكن و الله نفذ صبري ..نتشاجر كل يوم و على اتفه الاسباب ثم نعود لبعضنا و بقي الالم يكبر...مشكلتي انني حساسة لاقصى درجة و كلمة منه تقتلنى ابكي كل يوم فهو يتفنن في الصراخ و وصفي بابشع الصفات يجرحني بكلماته حتى ان بكيت لا يعطيني اهمية يتركني ابكي و يقفل الخط ..في الصباح يعود ويطلب السماح و يقسم لي انه يحبني ...اصبحت اعيش في حالة من الاكتئاب و لكن احبه و لم احقد يوما عليه جرحني كثيرا..ماذا افعللللللللللللل فقد طا ل عذابي و هو لا يبالي ةةةةةساعدوني و الله تعبتتتتتتتتتتت

نجمة ساطعة · 2012-03-22, 18:28

و علاه هاذ العذاب كل ؟؟؟ تزوجواا و تشجاروا كيما تحبوا ....

ثانيا مع احترامي الرجل كي يحب المرأة ميقدرش يجرحها بالكلام هذا مش حب

amouna89 · 2012-03-22, 18:34

ما يحس بالجمرة غير اللي كواتووووووووو

شهد حنان · 2012-03-22, 18:40

اختي اطلب منه ان يتقدم لخطبتك فقد طالت المدة بينكما واذا رفض او تحجج اقطعي علاقتك به ..لان اصل العلاقة باطلة من الاساس
اعرف ان قطع العلاقة سيكون صعبا عليكي لكن بالتدريج حاولي ان تفكري في طريقة تعامله معك
اما اذا ابدى رغبة في التقدم لك فجيلي بالامر واذا اردتي ان تغير من معاملته لك حاولي ان تتحدث معه بهدوء عندما يكون هادئ واخبريه بان تلك المعاملة ليست جيدة وبما انه يقول يحبك فالحبيب لا يعامل حبيبته بتلك الطريقة ..حاولي لن تعطيه امثلة كثيرة عن طريقة المعاملة كان تحكي له قصص عن فن المعاملة او اعطيه موقع يتحدث عن ذلك ليطلع عليه..............الخ
وايتخير الله وادعبه ان يجمع بينكما ان كان في ذلك خير ...وان يبععده عنك ان كان في ذلك شر

amouna89 · 2012-03-22, 18:50

شكرا لكي اختي و الله هو يعمل بجد حتى يتمكن من التقدم لي و انا لا اشك في ذلك لكن طباعه و قساوتهههه هي المشكللللللللللللل ما ذا افعللللللل تعبتتتتت و الله

oumi82 · 2012-03-22, 20:01

normalement raki wallafti 3aklitah lazam tosobri 3lih madam nti habatah w ghir bal3kal ybadal 3aklitah ana tbanli haja 3adiya ...

جسر الأمل · 2012-03-22, 21:32

يا اختي كيفاش قساوته هذه، يلعن بوها حب اذا كان يجرحك ويطيحلك من قيمتك، علابالي تبغيه بصح يا اختي اقري للزمان عقوبة والله راه يتمنكر، واللي يبغي يحترم ويقدر وعمره مايعاير، شافك طايحة فيه راه يتفنن في تعذيبك، ماتزعفيش نقولك، الراجل يكره وحدة تبكي وتنكسر، انت يعايرك ايا تبكيله، اقلعيله جد امه ياخلادار شرك، كي طيح قيمتك شابقى، والله مكان اللي ينصحك كيما حنا، انت حساسة قاع رانا حساسات وعاطفيات بصح كي يخربلنا واحد في السيستام تاع الاخلاق ويقعد يجرح وسيختو كي قلتي يوصفني باوصاف جارحة، نقووووووولك والله زعما في حالة ما اذا تزوجتو وراني شاكة الله غالب مي لو كان تتزوجو والله تكرهي حياتك وتروحو للموحال.
زيدي انت ماتسكتيلهش علاه بقا غير هو في الرجال، هاصحا 7 سنين لابغا 10 قاع نو نو نو نتعذب ونصبر ونلجأ لربي باه يرزقني واحد يبغيني ويحتارمني ويخاف ويخمم مليون مرة قبل مايقول كلمة تزعفني، واذا قالهالي تم تم يندم ويطلب السماحن مشي يغسلني ومن بعد يقولي اسمحيلي.
زيري روحك يا اموووووووووووووونة الحنوووووووونة واعفسي على قلبك، ماتخليش العاطفة تسيطر عليك، خسري عليه زوج ركعات تاع استخارة، وقارعي غير يبدا يعاير قوليله ياااااااااااااو احترم نفسك وتبقى على خير. بلعيها في وجهه.
اذا تسقم وتريقل قوليله يجي يخطب اذا قعد يتحجج قوليله باي باي.
اذا ماتسقمش يروح يندب، كاين خير منه.
عسي يهفك كي يجي يتمسكن ويطلب السماح، هذا راه فضح.
اسمحيلي ماتزعفيش رانا نبغوا مصلحتكن ديفوا نقول هذا القلب يستاهل خدمي يشركه على هذا الحب، مي لازم نغلطوا باه نتعلموا
انا بانتلي من هدرتك بلي انت طيبة وبنت فاميليا وحنينة وماتستاهليش هذا الباطل
خمممممممممممممممي مليح وماتخافيش يقولك حاجة رانا هنا، اقطعي عليه الطريق، وديجا راه يجرجر فيك 7 سنين دوك كي تكبري يروح لوحدة مولات 18

ملاحظة: اسمحيلي بزااااااااااااااااااااف ، اذا أنبتك والله مانبغي على الشيرة سيختو كي تبغي والراجل يقعد يتمنكر، لازم نكون قاسية باش نفطنك
ماستحقيتش تردي وتقوليلي شكرا خخخخخخخخخخخخ، انا اشكريني وفرحيني نهار تقوليلي راني فريتها معاه وبينتله بلي انا امراة ومازال مانولدش الراجل اللي يجرحني. واختميهاله بضحكة زكاااااااااااااارة باه ماتبينيش ضعفك ن وعسي تبكي والله نقتلك ونخرجلك عمرك، زيري روحك رانا معاااااااااااكن وربي معاك.
وربي يرزقك الزوج الصالح ويفرحك ياااااااااااااااااااااارب ويهنيك وتعرضينا ونجو ناكلووووووووووووووووووو انا مكراشة هههههههههههههههههه
وتهلي في روووووووحك امونة ، والله نحييك باسكو شجاعة وطرحتي موضوعك

soso sirin · 2012-03-22, 21:40

بالنسبة ليا اختي انا والله لهلا بغاني المهم يحترمني و يقدرني سمحيلي على هاذي الكلمة مي انتي واش ديري بواحد يقلك نموت عليك و هو دايمن يعيط عليك و بلا سبة.واش نقلك اختي ربي ان شاء الله يهديه بلاك الضغط تاع انو راه يدير المستحيل باه يجي يخطبك راه ماثر عليه و مادامك تبغيه اصبري عليه بشوي معاه يتبدل ان شاء الله و تعيشي هانية مورا الزواج

قَاسِمٌ.قَاسِم · 2012-03-22, 21:45

هناك قسم خاص بالمشاكل وهناك عضوية خاصة يجب استعمالها

الرجاء غلق الموضوع لمساسه بالأدب العام للمنتدى الطيب

السلام عليكم