الى اعضاء منتدى الاسرة والمجتمع

sarl02 · 2012-03-20, 00:12

بعد اذن واستسماح الاخت مريلينا ...وبالنظر الى وضعيتها العائلية والمرضية الرجاء ايجاد طريقة نقدرو نجمعو بها مبلغ من المال ونوصله الى الاخت مريلينا ...خلونا نستغلو هذا المنبر للتكافل الاجتماعي وهذا ليس منافيا لاي شيء ..الاخت هذه عندها مدة راهي بيناتكم وتعرفو حالتها جيدا واكثر مني طبعا ....اختارو عضو من هذا القسم يكون اختياره باجماعكم نوصل له مساهمات مالية بطريقة معينة وهو بدوره يتصل بالاخت ويوصللها .....على الاقل تكون التفاتة ملموسة للاخت وتساعدها في قضاء شيء ما ......ورجائي من الاخت مريلينا عدم فهم الموضوع حاجة اخرى واي واحد يحتاج لمساعدة الغير في مرحلة وظرف معين يمر به ...والى اعضاء هذا القسم راني نستنى في اقتراحاتكم السريعة للقيام بهذه المبادرة بسرعة ..والى مشرفي وادارة هذا القسم الرجاء عدم غلق الموضوع او حذفه خلو المنتدى منبر للتكافل الاجتماعي بين اعضائه...سلام.

فتـ حييةـاة · 2012-03-20, 00:19

بارك الله فيك اخي وجازاك الله خيرا ان شاء الله

مافيها والو نكلفو وحدة تجيبلنا عليها رقم الحساب البريدي والباقي علينا كل واحد يعاون بالشي الي يقدر عليه

sarl02 · 2012-03-20, 00:23

اقتباس:

المشاركة الأصلية كتبت بواسطة amal2000

بارك الله فيك اخي وجازاك الله خيرا ان شاء الله

مافيها والو نكلفو وحدة تجيبلنا عليها رقم الحساب البريدي والباقي علينا كل واحد يعاون بالشي الي يقدر عليه

مشكورة على التجاوب اختي ...وهذا اقل شيء يمكن نعملوه ...انتظر المزيد من تجاوب الاعضاء وبعدين نتفقو على حل واحد في اقرب وقت.

مباركة 1961 · 2012-03-20, 06:49

سلام....

اكتبيلي لى طريقة لمساعدتها وساساعدها ان شاء الله.....انا ثانى مريت بمثل حالتها وتجاوزت المرحلة بسلام......قولى فقط تكثر من الدعاء

فالدعاء يغير القدر.....ربى يشفيها ان شاء الله

*جوري* · 2012-03-20, 09:10

شكرا لكم على هذا الشعور الجميل
الموضوع لن يحذف
ارجوا من الاخت الاتصال بي و تزويدي بحسابها البريدي و من يريد مساعدتها الاتصال بي للحصول عليه

جعله الله في ميزان حسناتكم

نجمة ساطعة · 2012-03-20, 12:45

مبادرة طيبة و ربي يشفيها ان شاء الله

فقط لاحظت انها حساسة اتمنى ان تفهم هذه

المبادرة نوع من التكافل فقط و ليس شيء اخر

~~فقير و باغي نطير~~ · 2012-03-20, 12:48

شكرا لك على هذه المساهمة الطيبة

انا اقترح ان نختار محمد جديدي التبسي او المشرف داعي الله ياسين او المشرف ع.جمال

جسر الأمل · 2012-03-20, 12:52

الاخت زمردة كي يوصلك رقم الحساب البريدي خبرينا باش نديرو اللي علينا وربي يشافي مرضى المسلمين

~~فقير و باغي نطير~~ · 2012-03-20, 12:59

اقتباس:

المشاركة الأصلية كتبت بواسطة جسر الأمل

الاخت زمردة كي يوصلك رقم الحساب البريدي خبرينا باش نديرو اللي علينا وربي يشافي مرضى المسلمين

شكون قالك رايحين يديرو زمردة ؟؟؟؟؟؟

sarl02 · 2012-03-20, 13:07

شكرا لجميع الاعضاء على التجاوب ....وشكرا للاشراف على تفهم الغرض من الموضوع .....وهو ارساء مبدا التكافل الاجتماعي بالقيام بمبادرات ملموسة باستغلال هاته الوسيلة وهذا المنتدى المحترم .......لذا نطلب من الاخت مريلينا ارسال رقم الحساب الجاري باقصى سرعة للشروع في العملية .....وبعيدا عن كل الحساسيات والتاويلات اقول لهاته الاخت مول التاج ويحتاج يا اختي الكريمة وما اديري في بالك والو ....و اتمنى لكم التوفيق من الله ورعايته في مسعاكم.

جسر الأمل · 2012-03-20, 13:08

اقتباس:

المشاركة الأصلية كتبت بواسطة زمردة17

شكرا لكم على هذا الشعور الجميل
الموضوع لن يحذف
ارجوا من الاخت الاتصال بي و تزويدي بحسابها البريدي و من يريد مساعدتها الاتصال بي للحصول عليه

جعله الله في ميزان حسناتكم

هاك شد اقرا كلامها ، ياسيدي بلا زعاف

هههههههههههه زمردة ولا غيرها المهم نعاونوها

~~فقير و باغي نطير~~ · 2012-03-20, 13:12

اقتباس:

المشاركة الأصلية كتبت بواسطة جسر الأمل

هاك شد اقرا كلامها ، ياسيدي بلا زعاف

هههههههههههه زمردة ولا غيرها المهم نعاونوها

آآآآآآ و الله ما شفت هذ الرد اسمحولي

اية الرحمن1988 · 2012-03-20, 13:13

السلام عليكم
ربي يجازيك أخي على المبادرة الحسنة
ان شاء الله نفذوا المبادرة في أقرب فرصة

جسر الأمل · 2012-03-20, 13:40

ماعليش راك مسامح دنيا واخرة.

مريم الصابرة · 2012-03-20, 13:59

السلام عليكم جميعا صاحب الموضوع واش نقولك اخي ربي يجازيك من عندو ربييعطيك ويفرحك كيما فرحتني بالمبادرة هذي والله البارح رحت للطبيب الخبر اللي قالولي ما بكانيش كيما بكاتني مبادرتك الحمد لله ربي زرغ محبتي في قلوبكم كيما زرغها في قلبي وربي عالم بغلاوة أعضاء المنتدى عندي كلهم راني نمر صح بظروف نفسية كبيرة وكثرتها راني عايشة وحدي الوالدة نتاع تخدم لا اصدقاء غيركم ربييبارك فيكم كامل ما خليتوش عليا
بالنسبة لما إقترحت خويا الاعضاء زواليين كيما انا اللي مسؤول على عايلة واللي يقرا ما نطمعش فيهم نعطمع في وقوفكم معايا فقط ربي يخليكم خويا خليها على ربي ربي ما يضيعش عبادو شكرا شكرا الف مرة