غلاء المعيشة..توفر الاموال ؟؟ وطيش الشباب

[الواثق]

السلام عليكم ورحمة الله وبركاته

اريد التحدث في موضوع هو شغل كل الجزائريين خاصة المسؤولين عن عائلات من ناحية النفقة .................................................. حقيقة المجتمع اصبح لايرحم الفقير كل السلع الغذائية في ارتفاع سريع واصبحت باثمان خيالية ..................واغلب العمال الذي انعم الله عليهم بوضائف وشهريات يشتكون هذا ووضعو العدة للاضرابات والتنديدات برفع الاجور والاغلبية تحصلو ومازالو يتوعدون بالاضرابات ...................كل هذا من اجل غلاء المعيشة ...........................فكيف حال الفقير الذي لايملك عملا قارا ولادخلا ثابتا يوم عندو و20 يوم يبحث عن عمل ...........................أأصبحنا ماديين لهذه الدرجة ؟؟؟ انا نخلص 5 او 6 او 7 او اكثر مليون ومايهمنيش الناس الاخرى ......................؟؟؟.............تصورو كيلو بطاطا ومعها شوي طماطم ب 20 الف ديرلك طبسي مرقا وزيد الخبز وزيد الامور الاخرى .............من اين للفقير بهذا مع هذا الغلاء .....................ونلقى ناس...... ربي رزقهم......... يعاتبو في لي يبيع الحشاوش انو زاد في السومة ؟؟؟؟...................ياعباد الله ناس تكسب الملاير وربي يزيدهم لا احسدهم لكن فارح بروحو وديما يشتكي وهو الان لم يستطع توفير مناصب عمل لسكان بلدته ليست مزية منو هذا باش يرفع من ماله ..........يكنز فيها والخلق تحوس على الخدمة.................ماقلناش تصدقو ومدو ...............وعلاه تعرفو تخبو المال وتشروه عقارات وسيارت وتخلو الشعب بلا خدمة لدرجة اننا نستودر كل شيء ..........................حتى الدولة مافهمت والو 10 سنوات وهي تضخ في الاموال بحجة دعم المشاريع والمستثمرات واغلبها تسرق لا نكاد نشوفو مشروع واذا لقينا يقولونا هذا مشروع تاع واحد قاوري ؟؟؟..................................المال مايزيدش بالتخزين .............ربي رزقك خدم الشباب .............كاين ناس بمشاريع صغيرة وفرو مناصب لشباب ماشاء الله .................................................. .......


واللوم كذلك على الشباب ولاو يتقلشو على الخدمة ماعندو والو في راصو غير نجيب حقي من الدولة ؟؟؟؟...................................وشمن حق ؟؟؟حقك روح تخدم على روحك ...................قبل مدة اشتكالي صاحبي عندو مصنع صغير انو لم يجد عمال قالي يخدمو شهر ويهربو ؟؟؟.......................قتلو وعلاه ؟؟؟............................................قال ي لو كان هذي الورشة جائت قدام ليسي او جامعة يجوني يجرو ؟؟؟؟.............................الله المستعان اهذا تفكير شبابنا يعطيك يعمر عينيه بالحرام والجيب فارغ والشعر طالع الفوق .....................ويجي يحكيلي على حقي في الدولة ؟؟؟؟..................................اسمحولي طولت الكلام راهو غايضني الحال ...............والله المستعان