حلوةles nègre جديدة و سهلة

سمر نورهان · 2012-03-06, 18:43

ليوم جبتلكم حلوة جديدة من حلويات للاعياد
1 - نحضر المواد و هي علبة 250 غ زبدة نذوبها ثم رايحين نسكبوها في غرفية صغيرة و نشوف وين توصل في الغرفية وناخذ هذه الكمية عبار باش نقيس إذا رايح ناخذ مثل هذا العبار سكر رطب و نفس العبار ميزينا ونفس العبار كاكاو من النوع المر و صفار 3 حبات بيص نخلط الكل مع بعض في نفس الوقت ثم نجمع العجينة بلفرينة الازمة ثم من هذه العجينة نشكل كراة متوسطة الحجم كحجم حبة القرقاع ثم نحضر الحشو
2- مواد الحشو هي كالتالي :
بياص 3 حبات بيض نصربهم مع شويا ملح en neige كالثلج ثم نزيد نضربه مع كاس شاي سكر رطب حتي نتحصل علي مورانق نجمع هذا الخليط ب noix de cocoحتي نتحصل علي شبه عجينة متماسكة قادرين علي تشكيلها علي شكل كرات صغيرة الحجم
3-نضع كرة حشو داخل كرة العجينة و نلمها مليح ثم نوضعها في مول المعمول و نضغط (أي شكل توريدون)
نكمل كامل الكمية و نوضعهم في صينية و ندخلهم الفرن
بعد ما يطيبو نعسلهم مباشرتا فور اخراجهم من الفرن و نتركهم يتشربو العسل
و شهية طيبة
كي تديروهم راجعولي بالخبر راني نستن في انتظار ردودكم دمتم اوفياء للمنتدي و دمتم بصحة و عافية
تحياتي

نسيبة 2009 · 2012-03-06, 19:18

كيلة كاكاو مر ماشي بزااااااااااف؟!

الصوامعية · 2012-03-06, 19:22

يعطيك الصحة أختي تقدري تقوليلي بالتقريب شعال كمية النوادكوكو ؟

remadna · 2012-03-06, 20:02

يعطيك الصحة

ام خديجة1 · 2012-03-06, 20:05

بارك الله فيك حبيبتي نقدر نستبدل الكاوكاو بالنوات كوكو بما ان الحشو معمول بيه

سمر نورهان · 2012-03-06, 21:15

شكر علي الردود و معذر علي التاخر في الاجابة
بالنسبة للاخت التي سألت عن كمية الكاكاو المر ماهيش بزاف لخاطر رايح انعسل القاطو تاعنا و الوصفة فيها السكر ايضا نتمني تكوني فهمتيني
بالنسبة للاخت التي سالت عن كمية النوادكوكو فهي بالتقريب 200غ حسب حبات البيض التي استعملت
بانسبة للاخت التي سالت عن الكاوكاو ان لم استعمل الكاوكاو و لاكن استعملت الكاكاو المر cacao
اتمني اني افدتكم و اذا كانت لكم استفسارات اخري ان هن في الخدمة الي الملتقي