لماذا ترفضين ابني ؟؟؟؟؟؟

[جسور المحبة]

السلام عليكم والله يا جماعة راني في حيرة ما بعدها حيرة وسادخل مباشرة في الموضوع
في شتاء العام الماضي تقدملي واحد من جيهتنا ونوعا ما عندهم قرابة بالعايلة تاعنا بصح مش نفس العايلة ورفضتو لاسباب تخصني وبعدما انهيت دراستي الجامعية عاود بعث يماه ورفضت وبعدها بفترة كانت تجي يماه لدرانا لامي ومرات نتصادف بيها في المنزل انا نقولها السلام واحيانا لما تشوفني ما تحبش حتى تقولهالي رغم انها في بيتنا وانا نطول بش نقولها وغير بش نتاكد وصح ما تقولهاش ونقولها انا ونحسها تكرهني والحمد لله ما عندي حتى مشكل مع الناس وسمعتي مليحة وبعدما تزوج بنها ولات عادي تهدر معايا

وقبل رمضان خطبني واحد من عايلتي ورفضتو لانني اكره زواج الاقارب اولا ولضروفي الخاصة ثانيا وتخيلو اليوم تلاقيت بامو وقتلها السلام ما ردتش ونفس الشي تكرر لعشية زوج مرات وانا نقولها فيها ماحبتش ترد وهي امامي مباشرة وقريبة ليا صراحة تشوكيت وما فهمت والو راني حاسة روحي كائن غريب عن الارض واول مرة نتعامل مع بني ادم

نتمنى تفسرو لي هذا الشي خاطر مخي راه تبلوكا وقلبي تشوكا وما فهمت والو وفي نفس الوقت حابة علاقتي تبقى كيما يامس كيما اليوم

الموضوع للنقاش

[رقة الحياة]

من المفروض تبقاي واقفة قدامها و تكرري عليها فالسلام حتى نتردها ولا تنوض تروح
و ديجا كيما ردتش عليك كون رحتي ليها و بوجرتي معاها و يلا ما مدتلكش ايدها هههه يسمى هي زعفانة على وليدها
قوليلها واش بيناتنا .... اقاربك و قالولك متكبرة غريب

[الدكتور سام]

انت قولي السلام و مايهمكش ردو و لا ماردوش.الدنب عليهم مش عليك.اما فيما يخص علاه ف حاجة باينة راهم نوعا ما يحقدو عليك لانك رفضت اولادهم و يشوفو فيك متكبرة.هدا مكان.رب يجيبلك ما تمناي

[z.abdo]

المشاركة الأصلية كتبت بواسطة sam000

انت قولي السلام و مايهمكش ردو و لا ماردوش.الدنب عليهم مش عليك.اما فيما يخص علاه ف حاجة باينة راهم نوعا ما يحقدو عليك لانك رفضت اولادهم و يشوفو فيك متكبرة.هدا مكان.رب يجيبلك ما تمناي

راك هنا سام00 حسبتك تدخل غير قسم التوظيف بارك الله فيك


بالنسبة للاخت انت قلتي السلام اللي رد بارك الله فيه واللي ماردش يزيدها في روحو

[رقة الحياة]

المشاركة الأصلية كتبت بواسطة z.abdo

راك هنا سام00 حسبتك تدخل غير قسم التوظيف بارك الله فيك


بالنسبة للاخت انت قلتي السلام اللي رد بارك الله فيه واللي ماردش يزيدها في روحو

شكرا لك اخي عبدو لكن ما جاتش غير فالسلام الحقد واعر قادرين يسحروها ولا كاشما يديرولها عفسة و تديه و هي تضحك

[نورة أسماء]

السلام عليكم أختي الزواج قسمة نصيب ولايهمك أنتي ألقي التحية عليهم لأنو عندكم صلة القرابة بينكم وهذا واجب معندهمش الحق يدخلو فيك هاذي حياتك وأنتي من تقريري فيها الامر عادي ولا يهمك واصلي حياتك طبيعي موفقة عزيزتي

[nour0726]

و عليكم السلام و رحمة الله و بركاته أختي جسور المحبة..

أدام الله عليك المحبة و السرور..

أعتقد أنه من الطبيعي جداا أن تأخذ هذه الأم بخاطرها بسبب رفضك لإبنها..فهي ترى بأن ابنها هو الأفضل و أنه لا يرفض

(كل خنفوس عند يماه غزال)..

و من جهتك انت فمن الطبيعي جدا ان ترفضي من لم ترتح له نفسك..فهذا حقك و ليس على أي شخص في هذه الدنيا أن يحرمك منه حتى والديك..

لذا لا أنت مخطئة و لا هي مخطئة..

على العكس من ذلك فقد كنتي في قمة التخلق حين ألقيت عليها السلام..و اعذريها فهي أم و تصرفها نابع من عاطفتها لا غير..

و مثلها مثل الأم الأولى حين يتزوج ابنها ستعود علاقتكما على ما كانت عليه في السابق..

لذا لا تحملي نفسك اللوم و استمري في القاء السلام عليها كالعادة..

بالتوفيق اختي الكريمة و رزقك الله الزوج الصالح الذي تقر عينك به..

[nour0726]

المشاركة الأصلية كتبت بواسطة مجيد حـ

شكرا على المرور اختي الكريمة
و اذا ما تزوجش ولدها تبقى ديما هكذا ؟؟؟؟

إنــــــها الأم....

ربما سيكون الوقت كفيلا بتعديل مشاعرها...و الله يعجل في زواج ولدها حتى تتخطى هذه المشاعر...

[جسور المحبة]

شكرا جزيلا لكم والله انا حاطة روحي غبية وشغل ما علابالي بوالو ونورمال نقولهم السلام وجامي جاهم من عندي مشكل وحتى بناتها يعني اخوات الخطيب التاني علاقتي بيهم مليحة بزاف ويحبوني ومرة وضحتلهم بطريقة غير مباشرة انني لو تقدملي واحد من عايلتي مراحش نقبل لانني نحسو كيما خويا ونحترمو ونحشم منو وتفهمو الفكرة وحتى هوما مش حابين رزاج لافامي

[lilou f lilou a]

ربي يقدر الخير ربما أسأتي لها أو .......

[جسور المحبة]

المشاركة الأصلية كتبت بواسطة lilou f lilou a

ربي يقدر الخير ربما أسأتي لها أو .......

ربي شاهدانني عمري ما وصلتها بالاساءة ابدا واذا ما جاهاش مني خير شري ما وصلهاش والحمد لله سواء هي ولا غيرها وهذي بشهادة الجميع والحمد لله وراني قلت انو حتى بناتها يحبوني ومعاملتي بيهم مليحة يعني كي البارح كي ليوم بصح هي ما نعرف وش بيها

[عُضو مُحترم]

هو نفسه شعور الفتاة حين يلتي شاب لرؤيتها الرؤية الشرعية ثم ينسحب او يرفض

فتقول في نفسها : لماذا رفضني؟؟؟؟

مع انها تعلم علم اليقين ان الزواج مكتوب

[جسور المحبة]

المشاركة الأصلية كتبت بواسطة *الفتى الصغير*

هو نفسه شعور الفتاة حين يلتي شاب لرؤيتها الرؤية الشرعية ثم ينسحب او يرفض

فتقول في نفسها : لماذا رفضني؟؟؟؟

مع انها تعلم علم اليقين ان الزواج مكتوب

لو انه هو من غضب مني اعذره لكن امه لماذا ؟ ام انهم يريدونني ان اتزوجه وبعد مدة اخبرهم اني لا احبه وانني فقط خجلت منهم ولم استطع رفضه لانه قريبي و نسعى للطلاق

[السيدة كرمين]

عزيزتي ما تبولوكي ما والو

شوفي هذي الأم تحس أنوا ولدها كااااااااااااااااااااااااامل مكمل وما خصوا شئ
ولي يخطبها ما تصدق أنوا رضا عليها

هذي أم وسألي يماك تقلك

وان كان هو أو هي شايفين أنك الأنس فلأنك كذلك ومتقدريش تلوميها
خاصة انك ما حددتي سبب الرفض
ومافيها عيب قوليلها لما تشوفيها المرة الجاية انك تحبيها ووليدها كامل مكمل
وسبب رفضك أنك رافضة زواج الأقارب قال شايفتهم لكل خاوتي وقلها زدت استخرت
وقلبي هرب لأنه قريبي كي خويا وفرات - أرجوا انك استخرتي فعلاً -

والله المستعان

[جسور المحبة]

المشاركة الأصلية كتبت بواسطة karmine30

عزيزتي ما تبولوكي ما والو

شوفي هذي الأم تحس أنوا ولدها كااااااااااااااااااااااااامل مكمل وما خصوا شئ
ولي يخطبها ما تصدق أنوا رضا عليها

هذي أم وسألي يماك تقلك

وان كان هو أو هي شايفين أنك الأنس فلأنك كذلك ومتقدريش تلوميها
خاصة انك ما حددتي سبب الرفض
ومافيها عيب قوليلها لما تشوفيها المرة الجاية انك تحبيها ووليدها كامل مكمل
وسبب رفضك أنك رافضة زواج الأقارب قال شايفتهم لكل خاوتي وقلها زدت استخرت
وقلبي هرب لأنه قريبي كي خويا وفرات - أرجوا انك استخرتي فعلاً -

والله المستعان

والله يا ختي من لول قاتلها امي انني ما نحبش ندي من العايلة وانهم كيما خاوتي وحتى اخواتو فهمتهم بطرقة غير مباشرة انني ما نحبش زواج العايلة وتقبلو وحتى هوما مش حابين العايلة