قاطو la rape بالجلجلان اممم ....ولااروع

[مقدسية]

اخواتي الحبيبات هذه الحلوى بسيطة وغير مكلفة،مناسبة لقهوة الصباح اوالمساء،ويمكن ايضا تقديمها مع الشاي في السهرية وفيمايلي اليكن :

1/المقادير:لحوالي 32حبة يلزم:

-كأس زبدة ذايبة نرجعوها للثلاجة حتى تجمد ونخدمو بيها.
-كأس ناقص 2 اصبع سكر ناعم.
-بيضة.
-نصف كيس خميرة كيميائية
-2ملعقة كبيرة جلجلان محمص.
-فرينة حسب الحاجة.
- 1شوكولا منى للتزيين.

2/التحضير:

باليد نخدمو مليح الزبدة ذايبة ومجمدة +سكر ناعم حتى يصبح المزيج كريمة بيضاء،ثم نضيف البيضةونخلط مليح حتى تتداخل مع الكريمة.

نضيفو الجلجلان ونشيحو بالفرينة مخلوطة بنصف كيس الخميرة:

نصنعو كويرات صغيرة باش حبات القاطو يكونو بحجم واحد،ونرابيو كل حبة في la rape

برفق نلمو لعجينة لمرابية وبدون ضغط عليها،نحطوها في سنيوة مدهونة بالزيت،وندخلوها الفرن على نار متوسطة.

باستعمال seringue نزينو كل حبة بالشوكولا الذايبة كما في الشكل:

ولاحلى منتدى ولاغلى حبيبات قاطو la rape مع شاي اخضر بالنعاع امممممم تفضلوا: