مشكلة لم اجد لها حل

مشكلتي · 2012-02-01, 14:30

السلام عليكم
اليوم حبيت نطرح عليكم معاناتي المتواصلة و نتمنى نلقى منكم النصيحة اخواني اخواتي
انا شاب حبيت فتاة تدرس في النهائي كنا نعيش اجمل قصة حب تحبني و تموت عليا و انا تاني لكن فجأة و من دون سابق انذار اختفت من حياتي و انقطعت الاتصالات مع العلم انها تسكن في ولاية بعيدة على ولايتي
المهم بعد فترة من الزمن تناسيتها و قررت نبدا حياتي من جديد لقيت وحدة من ولايتي عجبتني حبيت نخطبها مباشرة بدون حتى ما نحكي معاها سقسيت عليها قالولي نعم الناس توكلت على ربي و بعثت لها طفلة حكات معاها في الاول وافقت هي و امها و قالت لي تقدم احكي مع بابا و اللي بيناتنا كل شي ساهل المهم حكيت مع باباها وافق نورمال من بعد هي خرجت لي خرجة دوختني من بعد رفضت قالت حابة نكمل قرايتي المهم خليتها
من بعد كانت وحدة عرفتها عن طريق النت كنا نحكو طول المهم هي تعرف حكايتي مع هادي وقفت معايا و كنت نحكي لها و هي تنصحني بعد مدة تقدم لها واحد يخطب قالت لي انا ما قلت والو بعدها قالت لي راني حابتك انت ادا كان تقدم انت نرفضو قلت لها نعم انا تاني حابك انت المهم حكات مع ماماها قالت لها عندهم عادة وين تسكن ما يزوجوش لواحد براني خارج البلدية تاعهم سمع بيها باباها تعارك معاها قالت لي ما قدرتش نقنعهم وافقت على اللي خطبها مي بقات تخمم غير فيا مازالت لليوم تحكي و تبكي معايا حبت تبطل عليه حكات مع ماماها زادت دارت فيها حالة كبيرة تعاركت معاها و هددها خوها ادا بطلت المهم رجعت متزوجة بالقوة قالت لي مش حاسة باي حاجة من جهته انا تاني مازال نحبها و نخمم غير فيها هي ما فهمت والو ما عرفتش واش ندير راني نفكر ندير وحدا اخرى ممكن تنسيني فيها لكن وين راهي اللي نقر نحبها و تحبني درك راني حاير بصراحة

dotZero · 2012-02-01, 19:29

المرأة متزوجة، أنت ملزم بقطع كل اتصالاتك معها
إلها بخدمتك، و وجد روحك، و بركات من اللعب و الحكايات التركية
ناوي تزوج أهدر مع يماك، ربي يخيلهالك، هي تعرف واش تدير
أما "أني حاب نحب وحدة"، هذا استهتار و لعب

ما وراء الطبيعة ؟؟؟؟ · 2012-02-01, 19:31

كم عمرك أخي ؟؟؟؟؟؟؟

لأن حكايتك لم تعجبني ...................

أنت تتنقل من واحدة لأخرى ؟؟؟؟؟؟؟

dotZero · 2012-02-01, 19:35

ممكن تكون صغير في السن (٢٠ سنة) و مازال تعيش في عالم صغير
نصيحة ليك: هل شاهدت مداولات مجلس الأمن يوم أمس بخصوص سورية
أن لم تفعل فالجلسا العلنية التالية ستكون يوم الجمعة
شاهدها، ستفتح عينيك على أشياء مهمة

نجمة ساطعة · 2012-02-01, 19:35

متزوجة و مش حاسة بيه ؟؟؟؟؟؟
يا رب اللطف و الستر

اية الرحمن1988 · 2012-02-01, 19:36

يا أخي راك في دوامة البنات عايش
بما أنك حاب تتزوج كلف الوالدة نتاعك تخطبلك
وإذا عجباتك كاش وحدة اتقدم مباشرة ميش محتم تتعرف عليها وتحبها بعدها تقرر تتزوجها
ربي يرزقك الزوجة الصالحة

loulou88 · 2012-02-01, 19:41

هههههه
وعلاه عليك هدا كامل من واحدة لأخرى؟؟ راك تعب في روحك باطل؟؟
باين فيك في 24سنة ولا 23 سنة
اخي والله العظيم كي تتقدم في السن تضحك على روحك
حنا منقدروش ننصحوك باه تروح لواحدا اخرى؟؟ امرك غريب عجيب؟؟
الله يهديك + ليس حبا ماتعيشه انت تعيش عدم الاستقرار النفسي
آسفة على القسوة لكن ...........نحب شباب بلادي يكونو واعيين

hmz.hmz1 · 2012-02-01, 20:02

ربما اخي مازلت لم ترى الوان الدنيا المختلفة لذلك تشغل بالك فكرة الزواج انصحك بعدم البحث عن اخرى انصحك بالتوقف مكانك حتى تاتي من هي مكتوبة اليك

النجمة القطبية · 2012-02-01, 21:13

لا حول ولا قوة الا بالله
اتقو الله فى حرمات الغير

انا هو · 2012-02-01, 21:29

السلام عليكم
اولا انا صاحب الموضوع نقوللكم يعطيكم الصحة يا اعضاء هكدا تنصحو اللي يطلب النصيحة ظهرتو كامل علماء و تخافو على حرمات الناس والله العظيم انا ممكن نكون اخوفكم على حرمات الناس والا ما كنت نكتب لكم و نحكيلكم على معاناتي
اللي قالو راني تاع نسا و نظل ندور من وحدة لوحدة لا راكم غالطين ما تحكموش على الناس قبل ما تعرفوهم انا قلا المرة الاولى حبيت كنت نستنا فيها تربح الباك تاعها و نتقدم لها رسمي لكن الله غالب
المرة الثانية تقدمت رسمي مش كنت نلعب
المرة الثالثة و هي سبب الحرب لي قامت عليا منكم يا ناس انا ما نحكيش معاها هي تحب تحكي درك انا ما نعيطش لاني علابالي اللي هي حرمة غيري وانا ما نرضاهاش لروحي حتى نرضاها لغيري
الحمد لله راني ولد ناس و نعرف حدودي ربي يبعد علينا الحرام
نطلب منكم السماح لاني حسبت هاد الركن للتخفيف على الاعضاء مش للزيادة عليهم لكن نسيت ان الجزائري كي يلقا واحد مهموم شوية يزيد عليه الناس هنا تستنا غير مشكل جديد باش تطيح على صاحب المشكل بالردود القاسية و كأن الناس كامل ملائكة و هو شيطان كامل الناس عندهم مباديء و قيم مليحة و صاحب المشكل هو السبب في كل حاجة مش مليحة
ناس تحكي على مجلس الامن و سوريا وانا ما دخلي فيهم انا مشاكلي اللي عندي تكفيني
المهم شكرا لكل من واساني و نأكد لكم اني ما نحكيش مع هاد الطفلة و مارانيش تاع نسا و ما تحكموش على شخص ما تعرفوهش

جوهرة الغرب. · 2012-02-01, 21:48

لابأس ياأخي لكل مشكلة حل ...الافضل لك ان تبتعد كل البعد عن حكايات توجع القلب مثل هاذي
ومكتوبك راه في الطريق جاي ليك وحدك برك اطلب من ربي يرزقك الزوجة الصالحة ان شاء الله
وبالنسبة للأعضاء تقبل كل الآراء بروح رياضية ...ياخي المهم انك ادرى بنفسك وهذا اللي مهم
بالتوفيق

انا هو · 2012-02-01, 21:57

اقتباس:

المشاركة الأصلية كتبت بواسطة أسمهان ميمي

لابأس ياأخي لكل مشكلة حل ...الافضل لك ان تبتعد كل البعد عن حكايات توجع القلب مثل هاذي
ومكتوبك راه في الطريق جاي ليك وحدك برك اطلب من ربي يرزقك الزوجة الصالحة ان شاء الله
وبالنسبة للأعضاء تقبل كل الآراء بروح رياضية ...ياخي المهم انك ادرى بنفسك وهذا اللي مهم
بالتوفيق

السلام عليكم
شكرا لمرورك اختي نعم اعرف ان افضل حل ان ابتعد عنها و هو ما فعلته و سافعله دائما ان شاء الله لاني لا ارضاها لنفسي فكيف ارضاها لغيري؟
اختي احاول جاهدا الابتعاد عن هده الحكايات لكن الله غالب
ان شاء الله اختي اعرف ان كل شيء بالمكتوب و اللي يجي من عند ربي مليح
اما بالنسبة للاعضاء صدقيني انا اتقبل كل الاراء لكن ان يتظاهر الاعضاء بالمثالية و اصحاب قيم و مباديء سامية و يضعون كل العيوب في صاحب المشكل فهدا ما لا اقبله لا احب من يحكم على انسان دون ان يعرفه هل يعتقد الاعضاء اني مرتاح في مثل هده الحالة؟والله لما قرأت ردود الاعضاء قلقت من كل شي
شكرا مرة اخرى لمرورك

هائم في البوادي · 2012-02-01, 22:07

سأنصحك بأن تترك المرأة لزوجها طاعة لله فلا يخفى على أحد أن من خبب امرأة على زوجها [أي أفسدها عليه] فقد قال عنه النبي صلى الله عليه وآله وسلم أنه ليس من منا معشر المسلمين

ولا يوجد تخبيب في وقتنا أكبر مما تفعله بزوجة ذلك الرجل فتب إلى خالقك ...

فإن لم تنتصح فأنا أحذرك :

فالمرأة التي تتحدث معها هي زوجة لرجل آخر فإن بقيت على اتصال بها وأفسدت حياتها فثق ثقة عمياء أن الله سيبتليك بزوجة يُفسدها عليك غيرك فكما تدين تدان ويداك أوكتا وفوك نفخ وستندم ساعة لاينفع الندم !

فأنت بالخيار

ثم قرأت كلامك الأخير وأنك قطعت الاتصال بها بعد الزواج فجزاك الله خيرا واصبر وادع الله بأن يرزقك الحلال ويجنبك الحرام فسيجيبك كما قال تعالى أمن يجيب المضطر إذا دعاه

جوهرة الغرب. · 2012-02-01, 22:13

اقتباس:

المشاركة الأصلية كتبت بواسطة انا هو

السلام عليكم
شكرا لمرورك اختي نعم اعرف ان افضل حل ان ابتعد عنها و هو ما فعلته و سافعله دائما ان شاء الله لاني لا ارضاها لنفسي فكيف ارضاها لغيري؟
اختي احاول جاهدا الابتعاد عن هده الحكايات لكن الله غالب
ان شاء الله اختي اعرف ان كل شيء بالمكتوب و اللي يجي من عند ربي مليح
اما بالنسبة للاعضاء صدقيني انا اتقبل كل الاراء لكن ان يتظاهر الاعضاء بالمثالية و اصحاب قيم و مباديء سامية و يضعون كل العيوب في صاحب المشكل فهدا ما لا اقبله لا احب من يحكم على انسان دون ان يعرفه هل يعتقد الاعضاء اني مرتاح في مثل هده الحالة؟والله لما قرأت ردود الاعضاء قلقت من كل شي
شكرا مرة اخرى لمرورك

وعليكم السلام
اخي العزيز لا شكر على واجب ...لاتقلق من شيء نحن تأثرنا بما نراه في المجتمع وبالتالي بمجرد سماع احدى اشباه تلك القصص تعاود تلك الصور على اذهاننا فنكون اكثر قسوة ...لا لشيء سوى لمجرد النصح والارشاد
ولهذا اطلب منك اخذها وفهمها من زاوية اخرى ليكون تقبلك لها اكثر اقتناعا واقل شدة على نفسك... اظنك فهمت المغزى من كلامي
لك كل التحية والتقدير ووفقك الله وجميع الاعضاء

انا هو · 2012-02-01, 22:22

اقتباس:

المشاركة الأصلية كتبت بواسطة هائم في البوادي

سأنصحك بأن تترك المرأة لزوجها طاعة لله فلا يخفى على أحد أن من خبب امرأة على زوجها [أي أفسدها عليه] فقد قال عنه النبي صلى الله عليه وآله وسلم أنه ليس من منا معشر المسلمين

ولا يوجد تخبيب في وقتنا أكبر مما تفعله بزوجة ذلك الرجل فتب إلى خالقك ...

فإن لم تنتصح فأنا أحذرك :

فالمرأة التي تتحدث معها هي زوجة لرجل آخر فإن بقيت على اتصال بها وأفسدت حياتها فثق ثقة عمياء أن الله سيبتليك بزوجة يُفسدها عليك غيرك فكما تدين تدان ويداك أوكتا وفوك نفخ وستندم ساعة لاينفع الندم !

فأنت بالخيار

ثم قرأت كلامك الأخير وأنك قطعت الاتصال بها بعد الزواج فجزاك الله خيرا واصبر وادع الله بأن يرزقك الحلال ويجنبك الحرام فسيجيبك كما قال تعالى أمن يجيب المضطر إذا دعاه

السلام عليكم
شكرا للنصيحة اخي لكني لا اتحدث اليها الان لقد كمل كل شيء حتى لما كنت احكي معها لم اكن احرضها على احد اخي كنت احكي معها حكايات عادية احكيها مع اي احد كالسؤال عن الصحة مثلا عن الاحوال و فقط
اتمنى لها حياة زوجية سعيدة اما انا فاسأل الله ان يرزقني الزوجة الصالحة