تفسير موجز وقصير....لما يقصده معالي الوزير

[لقرع بوكريشة]

اصدقكم القول اخوتي اعضاء المنتدى وزواره بانني تنفست الصعداء حين قرات رد وزيرنا للتربية ..سي بوبكر بن بوزيد على الضجة المفتعلة كما قال حول موضوع ..ضرب استاذ من غيليزان من طرف احد تلامذته النجباء...وهو في الحقيقة ضرب غير مبرح..ممكن دفعه على المصطبة فقط...او مزق مئزر استاذه هذا ما في الامر....ليش هاذ التهويل...يا اخوانا لازم نترك التلاميذ يعبرون عن مكبوتاتهم...؟ وزد على ذالك هذا الاستاذ الم يقرا ويمضي على كل المناشير الوزارية السارية المفعول .. والمانعة للضرب والتعنيف في حق التلميذ سواء الجسدي او المعنوي ؟....وزد على ذالك
ضرب التلميذ لاستاذه هل هذا يعتبر عنف؟ وزيد الاستاذ راه يخلص يعني خالص عليها....سبحان الله... وزيد نقلكم من المفروض وهاذي جاية في الاصلاحات ان شاء الله من المفروض الولي يدخل...انعم ايه...لازم يتدخل ويفوت على طول للقسم ويمسك الاستاذ الي عنف والا وبخ والا نقص النقطة لوليدو يفوت ليه للقسم ويتم يخبط فيه حتى نيعطش انعم ايه هذا من حق الولي....ولازم نتقبلوها اخواني هاذي من الاصلاحات.....والاصلاحات متواصلة وان شاء الله اذا اسندت حقيبة وزارة التربية للسيد ابو بكر بن بوزيدفي الحكومة المقبلة بعد الانتخابات التشريعية ستتواصل الاصلاحات حتى تاتي ثمارها .....فتصبح نتائج الباكلوريا والاهلية والسيزيام 100/100 بمعنى الي اسمو مكتوب ينجح.... وهاذي النتائج الدول المتقدمة ماوصلتهاش وممكن جدا يصبح التلميذ هو الي يعطي العلامة للاستاذ....المهم يا جماعة لاتستعجلو الامر الاصلاحات راها فقط في منتصف الطريق...والخير مزال للقدام......هذا ما لمسته من كلام الوزير حسب حريدة النهار.....وفي الاخير عندي طلب من الاسرة التربوية لازم تكثرولنا من النقابات....نقابة للمهندسين ووحدة لاساتذة المتوسط المجازين وعشرة لاساتذة الثانوي بالزوج وعشرة للمخبريين وستة للابتدائي والمفتشين والمدراء زوج زوج حتى نكون ان شاء الله قوة ضاربة...من باب اعداد العدة فقط.......... ...خيكم لقرع بوكريشة