ازمة الوقود في شلف إلى اين؟؟؟

عُضو مُحترم · 2012-01-14, 23:18

السلام عليكم و رحمة الله

يا اخوتي حبيت نسقسيكم

الوقود وين راه؟؟؟؟ و علاه ماكاش؟؟؟؟

لا بنزين و لا مازوت و لا قارورات غاز

طواااااابير من السيارات و الشاحنات امام محطات الوقود

ما استدعى انتقال الشلفاويين الى الولايات المُجاورة

ما يعني انتقال الازمة للولايات المُجاورة

وين رانا رايحين

اسبوع و مازال؟؟؟؟

وقتاش ترجع محطات التوزيع لحالها الطبيعي

وسائل النقل مُهددة بالتوقف ماكاش مازلت و بنزين

لا نقل حضري و لا نقل جامعي و لا مدرسي و لا شيء اذا لم بتم حل الازمة

و الناش قهرها البرد في الجبال و الضواحي ماكاش غاز؟؟؟

حسبي الله و نعم الوكيل في من كان السبب في هذه الازمة

~~chemanow~~ · 2012-01-15, 00:11

رواح الى تلمسان تشوف الازمة نتاع الصح هههههههههه
احنا 365 يوم ازمة وهد الايام اكثر من الازمة ههههه

دزايري حر · 2012-01-15, 13:10

حسب معلوماتي الشلف تعاني أكثر من مشكلة المياه الصالحة للشرب

عُضو مُحترم · 2012-01-15, 21:33

اقتباس:

المشاركة الأصلية كتبت بواسطة دزايري حر

حسب معلوماتي الشلف تعاني أكثر من مشكلة المياه الصالحة للشرب

االمياه و زادولها السيركيلاسيون

و لكن لماذا الوقود لا يوجد؟؟؟؟ ما فهمتش انا

عُضو مُحترم · 2012-01-15, 21:34

اقتباس:

المشاركة الأصلية كتبت بواسطة chemanow

رواح الى تلمسان تشوف الازمة نتاع الصح هههههههههه
احنا 365 يوم ازمة وهد الايام اكثر من الازمة ههههه

انتوما عندكم سبب منطقي للندرة و هو التهريب

و لكن احنا وين راه يروح الوقود

او علاه ما يجيش البنزين و المازوت؟؟؟

و لماذا هو مقطوع؟؟؟

لؤي02 · 2012-01-17, 16:47

الأزمة تلوح في الأفق بدون أي محاسبة بلدنا فسدت لدرجة لا تحتمل

دزايري حر · 2012-01-17, 16:56

اخرجوا للشارع تحل الأزمات

عيش تشوف · 2012-01-17, 17:06

[quote=*الفتى الصغير*;8563439]السلام عليكم و رحمة الله

روح اسال اصحاب المحطات هم يجيبوك
حسب معلوماتي العقود بين اصحاب المحطات و المؤسسات الخاصة التي تمونهم قد انتهت و هم في صدد تجديدها هذا الوقت المنقطع المنتظر حصلت فيه هاته الازمة اي سوء تسيير فقط هدا ان كنت حقا تريد بهدا الموضوع المعرفة اما ان كنت تريد به شيءا اخر انصحك ان تراعي الله في كل كلمة تكتبها

hichame47 · 2012-01-19, 15:27

هذا المشكل ماشي غير في شلف و لكن راهو قائم في ولاية غليزان
مافهمنا والو بلاد الغاز مافيهاش الغاز و بلاد البترول مافيهاش لسونس و المازوت
وين راه الحل ؟؟ و المشكلة حتى مسؤول ما يهدر كانو كلشئ راه نورمال
كون يصرا مشكل كيما هذا في دولة متقدمة تحدث حالة طوارئ عند المسؤولين

ل..ب..ن..ى · 2012-01-19, 18:39

السلام عليكم

تلمســــــــــــــــان من العام اللي فات
وحنا نعانيوو
باش تعمّر الوقود ,,,, لازم تدير نهار سبيسيال
== زالله تخمملو كثر من حاجة وحدخرا ==
تقعد 8سوايع في لاشان
((هده قيمة متوسطة)) يعني مرات قل ومراااااااااااات اكثر من 8سوايع

يعرفو يقطعو برك
مايعرفوش يعسّوا الحدود !!!!!!

في الشلف ,,,
كي ليسونس راه عندو une fuite فالحدود
ينقصو منو في كامل البلاد
وفي الحدود تبقى الازمة خااااااصة

ربي يهديك يا دولتي العزيزة

قال بلاد البترول قال

سلاااااااااام

عُضو مُحترم · 2012-01-19, 18:40

اقتباس:

المشاركة الأصلية كتبت بواسطة hichame47

هذا المشكل ماشي غير في شلف و لكن راهو قائم في ولاية غليزان
مافهمنا والو بلاد الغاز مافيهاش الغاز و بلاد البترول مافيهاش لسونس و المازوت
وين راه الحل ؟؟ و المشكلة حتى مسؤول ما يهدر كانو كلشئ راه نورمال
كون يصرا مشكل كيما هذا في دولة متقدمة تحدث حالة طوارئ عند المسؤولين

لان الازمة بدأت عندنا و منطقيا اصحاب السيارات يذهبون للولايات المجاورة

يعني بدات في شلف

وصلت لغليزان و رايحة توصل لعين الدفلى

ما فهمتش ما هُو السبب؟؟؟؟

قد يقولون هناك مشاكل بين الخواص و نفطال إذن

اليست مدة اسبوعين كافية لحل مُشكلة لهذا الشكل؟؟؟؟؟

الله يجيب الخير

عُضو مُحترم · 2012-01-19, 18:42

اقتباس:

المشاركة الأصلية كتبت بواسطة دزايري حر

اخرجوا للشارع تحل الأزمات

اذا خرجنا للشارع نُحرق الشلف

اعرف جيدا نوعية الشعب الذي اعيش معه خصوصا بعد استيلاء احد ( البارونات) على ساحة التضامن

شباب الولاية و خصوصا ( الشطية البلاد الشرفة) في قمة الغضب و ينتظر اي فرصة للإنتفاض

المُشكل انه لا يوجد من يقوم بتأطير هذا الفيض من الغضب

عُضو مُحترم · 2012-01-19, 18:47

اقتباس:

المشاركة الأصلية كتبت بواسطة louay02

الأزمة تلوح في الأفق بدون أي محاسبة بلدنا فسدت لدرجة لا تحتمل

التغيير قادم

و لكن يلزمه رجال يقومون يتوجيه الشباب الغاضب

عُضو مُحترم · 2012-01-19, 18:48

[quote=عيش تشوف;8582823]

اقتباس:

المشاركة الأصلية كتبت بواسطة *الفتى الصغير*

السلام عليكم و رحمة الله

روح اسال اصحاب المحطات هم يجيبوك
حسب معلوماتي العقود بين اصحاب المحطات و المؤسسات الخاصة التي تمونهم قد انتهت و هم في صدد تجديدها هذا الوقت المنقطع المنتظر حصلت فيه هاته الازمة اي سوء تسيير فقط هدا ان كنت حقا تريد بهدا الموضوع المعرفة اما ان كنت تريد به شيءا اخر انصحك ان تراعي الله في كل كلمة تكتبها

انتظرت مدة طويلة قبل الاجابة حتى اضعك امام الامر الواقع

اليست 15 يوم كافية لحل المُشكل؟؟؟

اين الوالي المُحترم و المسؤولين في الولاية

اين الولاية اين الوزارات الوصية

اين بوتفليقة - اب الجزائريين - و الناس ما لقاتش قرعة غاز و بيدون مازوت؟؟؟

ابومحمدالسعيد · 2012-01-19, 19:04

ليس عندنا بترول و لا وقود و لا بنزين نحن الشعب القفير او جزائر الشعب

هناك جيراننا في دولة ااخرى اسمها جزائر الجينرالات لهم البترول و الوقود و البنزين