طورطة بسيرو الفواكه

[fatiha07]

بسم الله الرحمن الرحيم
السلام عليكم ورحمة الله وبركاته
هذه الكعكة اعددتها مساء لشرب الشاي واعجبت الجميع اتمنى ان تنال اذواقكم وان لا تبخلوا علي بردودكم ولو بدعاء بارك الله فيكم بدون اطالة
المقادير مع التحضير
1_ العجينة
كاس كبير سكر+6 بيض+كاس كبير(1/2زيت+1/2زبدة ذائبة)+العطر الذي تحبينه+الفرينة+2فرفارة +الفرينة على حساب ماتتحصلي على خليط متجانس مثل الموسكوتشو يفرغ في مول (السني مدور متوسط الحجم) مدهون ومرشوش بشوية فرينة
ولما تطيب من تحت ومن فوق تخليها تبرد مليح تقسميها الى اثنين ( عرضيا)
2_ السيرو
عبر سكر +عبرو1/2 ماء+ قطع الفاكهة التي تحبين يغلي ( كما هو معروف لديكم)
3_ الكريمة
كاس كبير سكر+حبة بيض+كاس حليب+2ملاعق كبيرة مايزينة يخلط الكل مع بعض ثم فوق نار هادئة حتى تثقل كما تعرفن اليس كذلك (هه)
تسقي الجزء السفلي للكعكة بنصف السيرو ثم نصف الكريمة على وجهها ككل ثم نغطيها بنصفها الذي بدورها بما تبقى من السيرو ونطلي وجهها بما تبقى من الكريمة ثم تزينها بقطع الفاكهة اللي طابت في السيرو
ملاحظة وجديها اختي شوية بكري حتى لا تاخذ منك وقتا كبيرا ويعجلك مولى بيتك ولا الصغار ولا الوالدين ولا ....هههه
بصحة وعافية على قلوبكم
صورتها لكن لم اتمكن من وضعها على الصفحة ( مازال ماتعلمتش ........)
السلام عليكم ورحمة الله وبركاته