أريد وصفات الكرمبيط

عاشقة تراب فلسطين · 2012-01-13, 13:00

السلام عليكم ورحمة الله تعالى وبركاته

وشراكم يا أرووووع أعضاء ؟؟؟

إن شاء الله تكونوا بألف خير

اليوم قصدتكم
باش تعاونو خالتي

راهي تطلب منكم وصفات للكرمبيط

خاصة إذا كان في الكوشا
ولي كراتة

المهم أي وصفة عندكم تاع الكرمب إفيدونا بها

وبارك الله فيكم

شكرا جزيلا لكم مسبقا

تقبلوا فائق حبي واحترامي
*عاشقة تراب فلسطين *

عاشقة تراب فلسطين · 2012-01-13, 15:38

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟

الكروان الجريح · 2012-01-13, 16:16

اختي مساء الخير شوفي في ركن الطبخ تلقي وصفة كنت حطيتها اسمها كرمب بالبشامال

الكروان الجريح · 2012-01-13, 16:30

سَلْسَبِيّلْ · 2012-01-18, 15:46

اهلا حبيبتي هاذي الوصفة جد لذة وهي
تنصبي صوص بالجاج حمراء وتكون فيها شوية حمص وحبات بطاطا 3 حسب افراد العائلة تقطعيهم خشان وتحمريرهم في الزيت على نار قوية باه مايطيبوش ويحمارو من برة برك
بانسبة للكرمب غليه في ماء مملح وصفيهواعصريه مليح من الماء نتاعو ومنبعد ابعزيه بيدك وزيديلو فلفل اكحل وملح وبيضة ومعدنوس لازم البيض حسب حجم الكرمبة ومنبعد هزي كمية كما الكفتة واقلي وضعيه في اوراق لتشرب الزيت ستويهم في سنيوة وكبي لاصوص نتاعك مع البطاطا وللفور حتان تتجمر وكتقدميها حطي المعدنوس والقارص والله جي روووووعة الف سلام

remadna · 2012-01-18, 16:28

في قسم المعجنات و اللأطباق الرئيسية

سيرينا لبنينا · 2012-01-20, 21:44

اليك يا عاشقة فلسطين.هذ الوصفة بنينة ياسر ولادي يحبوها بزاف.

كرنب في الفور

جيبي كوكوت ضعي فيها شوية مارقرين وقلي طرف جاج من الافضل صدر حطيه مع شوية ملح وفلفل اكحل.

حبة الكرنب اقسميها على اثنين وقطعيه رقيقة في العرض ا قل من الصبع والطول خليهم طوال .(نتمنى تكوني فهمتيني)

وقطعي ربطة معدنوس .

لما يتحمر شوية الحاج ضعي الكرنب+1/2ربطة المعدنوس +الملح على نارهادية جدا(بدون ماء)حركيه شوية واقفلي الكوكوت

حوالي 20د.

ضربي 5 او6 بيضات شوية برك+كمية فرماج عادي مقطع مربعات صغار+1/2معدنوس+الجاج مفتت الي طاب +عصير 1/2قارص +الكرنب وخلطي الكل

وضعيه في بلا تاع الفور مدهون ودخليه الفرن مجرد يحمار ولاحبيتي زيدي فرماج رابي من فوق .

وزينيه بالقارص وبالصحة والهناء

جربيه وما تندميش عندي اكثر من12سنة وان نطيبو كامل يحبوه

سَلْسَبِيّلْ · 2012-01-21, 11:39

يعطيك الصحة حبيبتي باينة وصفة تشهي

سليم66 · 2012-01-24, 13:54

شكرا جزيلا جربت الكيفية الاولى وجات لذيذة جدا

mimicha1977 · 2012-01-25, 00:32

كرنب محشي
على هذا رابط نتمنى تعجبك

دفتر مطبخي ركن خاص لمستمعي اسرار مطبخ دليلة** ملتقى حراير الجلفة **

موسى2207 · 2012-01-25, 14:35

بارك الله فيكن استفدت كثيرا من هذه الوصفات

الخامسية · 2012-01-25, 18:44

هذا الوصفة قريتها و جربتها فعلا لذيذة
الكرمب مقطع شرائح طويلة مثل السلطة فوريه ثم اضيفي له الملح و الفلفل و الكمون وعلبتين او ثلاثة من الطون بالطماطم و ممكن تضيفي له الجبن . بالصحة و الهنا مراكيش رايحة تندمي رائع و سهل .

عاشقة تراب فلسطين · 2012-02-01, 11:16

شكرا جزيلاااااااااااااااااااااااااااااااا لكم جميعا أنا أسفة على التأخر في الرد
لكن نوعدكم بلي راح نجربهم كاااااااااااااااااااامل
بارك الله فيكم الله يعطيكم الصحة وصفااااااااااات روووووووووووووعة
تقبلوااا فائق حبي واحترامي