اسئلة عن الكتان

MINA24000 · 2012-01-10, 20:39

من فضلكن اريد اجابة او حل او طريقة للكتان الي يفسخ (يطلق اللون في الماء) و الكتان الي يشرب (يقصار كي يدخل في الماء).
افيدوني رجاءا

روفيدا · 2012-01-10, 20:59

dirih f lma w lkhl ida ken yfskh w ida ken ychrob eghslih kbl ma yfskh

ويبقى الأمل · 2012-01-10, 21:02

ماعنديش معلومات أختي نتمنى لبنات يفيدونا .
نظن لقماش الغالي مايشرب ما يفسخ لونو.

ايناس10 · 2012-01-10, 21:57

مش راح يكون بامكانك تعرفي لقماش يفسخ ولا يشرب ، قبل ماتخيطي لقماش حطيه فالما ونشريه قد قد حتى مايجونحلكش ولا بعد مايشيح حديه هنا تضمني انو مش راح يشربلك بعد لخياطة
اما على انو يفسخ اجتنبي بعض الالوان مثل الاحرم خصوصا والازرق كذالك والله العم

ايناس10 · 2012-01-10, 22:00

انا قلت الاحمر خصوصا والازرق كذالك والله اعلم ، احيانا انا نحطو في الكونجي لاتار حتى يشرب الندا من غير مانحطو فالما نخاف يفسخ كتان الزبونة وهنا انا الي راح نتحمل المسؤولية ففيه زبائن صعاب ، وحدة تونسية قالت انا نبتو ليلة في الماء والملح ملح شوي كثير ، وكاين الي يزيد الخل للماء

MINA24000 · 2012-01-10, 22:30

انا نسمع بالخل و لكن الملح نضن يرشي لقماش

sarfai · 2012-01-10, 22:31

أنا عن تجربة باش تجتنبي القماش الي يشرب مقبل ماتخيطيه بيتيه في بسينة ما و مبعد خليه يقطر و نشريه بل ما تعصريه هكا يشرب على غرضو و تخيطيه بلا ماتخافي

هندة السوفية · 2012-01-11, 09:44

السلام عليكم ورحمة الله وبركاته
االاقمشة انواع ثلاثة اما
كميائي تركيبي
او
طبيعي
او
مقلد
بالنسبة للكميائي التركيبي الساتان. النيلون وهذوا الوانهم ثابتة ومقييسهم ثابتة
أما الطبيعي ونذكر أهم واحد والاكثر تداول وهو القطن .............يهذا يفسخ ويشرب
والمطلوب تغسليه قبل التفصيل وللحولان تبيتيه في الخل انا مجربتهاش لكن يقولوا يثبت الالوان
وعندنا النوع الثالث وهي الاقمشة المقلدة والنوع اللي نحتاجه هو الفيزكوز هو قماش مقلد عن القطن
يعني لازم تمري بنفس الخطوات معناها اتبيتيه في الخل وتغسليه قبل التفصيل
بعد ما تغسليه تأكدي ان قياسته سوف تكون النهائية يعني مش راح يشرب مرة اخرى
وتذكري دائما عزل القماش الذي يحول عن باقي الغسيل
اتمنى اني اكون افدت
موفقة بحول الله