تصرف الزوجة دون علم زوجها

مومي23 · 2012-01-10, 17:50

اخواني اطرح عليكم موضوعا اراه مهما في حياتنا

هل يمكن للزوجة ان تعطي ذهبها لاخوتها دون معرفة زوجها و ليس للسلف من اجل عرس و لكن من اجل ان يبيع اخوها
هذا الذهب و يحل مشكلة و القضية تنطبق على مبلغ كبير من المال كذلك دون علم زوجها

ما رايكم
هذه من القضايا التي نعيشها

مريم الصابرة · 2012-01-10, 17:58

السلام عليكم أخي شكرا على الموضوع أنا من راي هذا خوها دمها ولحمها عادي كي تساعدوا مي ما لازمش المرا دير حجاة بلا راجلها مهما كان تصارحوا وتاهذ رايوا حتى لو الذهب ملكها هي مي راهي زوجة لهذا الراجل لازك يعرف الكبيرة والصغيرة كان رفض الله غالب خوها لازم يعرف إنوا اختوا زوجة لراجل ما تعضبوش وتخرج عن طوعوا شكرا اخي

مومي23 · 2012-01-10, 18:08

اقتباس:

المشاركة الأصلية كتبت بواسطة مريلينا

السلام عليكم أخي شكرا على الموضوع أنا من راي هذا خوها دمها ولحمها عادي كي تساعدوا مي ما لازمش المرا دير حجاة بلا راجلها مهما كان تصارحوا وتاهذ رايوا حتى لو الذهب ملكها هي مي راهي زوجة لهذا الراجل لازك يعرف الكبيرة والصغيرة كان رفض الله غالب خوها لازم يعرف إنوا اختوا زوجة لراجل ما تعضبوش وتخرج عن طوعوا شكرا اخي

شكرا اختي على رايك القيم

ام رحوقة · 2012-01-10, 18:23

اذا كان هو الي شرالها الذهب وهو مبالغ كبيرة كما راهي تقول فالاحسن تخبر زوجها ولا تبيعه هي وتقول لزوجها رايحة نسلف لاخي هاذ الدراهم والله اعلم

رقة الحياة · 2012-01-10, 18:24

هذا تصرف نبيل
اذا كان الراجل ما يقدرش يحل هذ المشكل و الزوجة تعطي ذهبها لخوها باش يبيعو و تساعد زوجها دون علمه
على خاطر كان يعلم ما يرضاش و يحس روحو شغل ناقص رجلة كيفاش مرته تبيع ذهبها و هو حي ..........

هذ المرأة مفقودة جدا في وقتنا هذا انا كون نلقاها ريسكي عليها

رقة الحياة · 2012-01-10, 18:27

آآآآآآآآآآآآآآآآآآآآآآآآآآآآآآآآآآى هذا وين فهمت

يسمى هي تبيع و تمد لخوها ؟؟؟؟؟؟؟؟؟؟؟ و تخبي على راجلها ؟؟؟

هذي ماهيش هدة يسمى تستعبط في راجلها ؟؟؟؟

بالاك كون تقل راجلها يعاونو و علاش تخبي عليه

sidahmed2003 · 2012-01-10, 20:30

السلام عليكم ورحمت الله وبركاته من راي ان الزوجة مفروض عليها ان تخبر زوجها في كل كبيرة وصغيرة ولها بعد ذالك ان تعطي مالها او ذهبها لمن تشاء اما اذا كان المال لزوجها فلا يحق لها التصرف فيه دون علمه