علاه حنا البنات نقراو و علاه نخدمو ؟؟؟ .. الكل مدعو للدخول

[ورود الشتاء]

أنا اليوم حابة نوضحالأسباب في نظري لي يخليو الطفلة تقرا و لي يخليوها دير اقامة و تبعد على دارهم و تقرا
و ثاني الأسباب الي يخليوها تخدم
أول حاجة القراية حتى للقسم النهائي
أنا نعتقد بلي هاذ المرحلة من القراية ولات مهمة بزااااف و indispensable في وقتنا هذا علاه :
- لأنو رانا في عصر التطور و عصر العلم
- و الطفلة اذا بقات امية في مجتمعنا ماعندها حتى معنى
- اذا جات تتفرج مثلا و فسدلها التيليفيزيون ماهيش رايحة تفهم و تريقلو اذا كانت امية
- اذا تزوجت و حابة تقريولادها ماتقدرش و رح يضيعولها
- اذا راحت للطبيب و قالها كاش كلمة بالفرونسي ولا ماهيش رح تفهم و قادر تعرض حياتها للخطر
- اذا شرات حوايج للدار و حابة تستخدمهم و ماتعرفش تقرا كيفية الاستعمال رح تعرض عائلتها للخطر
- اذا حابة دير قاطو و مدولها وصفةماتعرفش تقراها حتى يقراهالها واحد اخر
- اذا حابة تستخدم البورتابل رايحة تحصل بزااااف و ماتقولوليش ساهل .. اللخرة اللخرة كي يلحقها ميساج مثلا تاع فليكسي ماتعرفش تقراه ............
هذي على سبيل المثال لا الحصر لانو كاين بزااااااف مشاكل تواجههم المرأة إذا كانت أمية و صدقوني مانيش نهدر من راسي راني نهدر من الواقع و هاذو نساء أميات سمعت حكاياتهم بنفسي .. معاناة تاع الصح .. و الله يغيضو
ثاني حاجة القراية في الجامعة
هاذ المرحلة طبعا ماهيش مهمة بزاااف كيما الاولى لأنو الي قرات للنهائي تقدر تسلك روحها .. مالا علاه الطفلة تقرا فالجامعة ؟
- أول حاجة طلب العلم .. ماكانش حاجة خير من العلم
- الطفلة اذا قعدت فالدار سيرتو في مجتمعنا راني نهدر ع النظرة رح يشوفو فيها كامل ماتصلح لحاجة غير للزواج .. و زواج الطفلة و هي صغيرة ما ينجحش ديما
- اذا قعدت فالدار رايحة تضيع وقتها غير فالمسلسلات و الرقاد و تريح عمرها لي رح تندم عليه و رح تتحاسب عليه .. ّ"كلامي من الواقع"
- الحاجة المهمة ثاني أنها كي تقرا فالجامعة رح تتخرج بديبلوم و رح تقدر تخدم و الخدمة راني رح نهدر عليها مبعد
ثالث حاجة الطفلة دير اقامة و تبعد على دارهم
- طبعا .. مشي كل الفروع متوفرين فكل الولايات .. - نطلب من الناس ينحيو هاذيك النظرة الي راهم يشوفو بيها لبنات الاقامة .. كيما كاين بنات ماهمش ملاح ربي يهديهم .. كاين بنات لي اوبليجي عليهم يديرو اقامة و يقراو بعاد على ديارهم لظروف ما كيما انا و عيمان هههههه
رابع حاجة علاه الطفلة تخدم
- كاين لي محتاجة و لازم تخدم باش تسد مصاريف العائلة مثلا ام لازم تصرف على اولادها اذا كانت مطلقة او ارملة او راجلها ما يقدرش يخدم او تخلى على مسؤوليتو ......
- كاين الطفلة لي تخدم باش ماتقعدش فالدار تودر وقتها .. مثلا لي ماهيش متزوجة وش تقعد دير فالدار مع المسلسلات و تودار الوقت فالزهر .. تخدم احسن .. خاصة اذا كانت خدمتها محترمة
- كاين مهن فالمجتمع لازم المرأة هي لي تقوم بيهم .. رح تتساءلوا واشي هوما هاذ المهن لي مايصلحوش للرجال



صحا قولولي يا ليجان .. لوكان تتزوج و تمرض مرتك .. وين تفضل تديها لطبيب ولا طبيبة ؟ و انتوما يا البنات كي تمرضو اريحلكم تروحو للطبيبة ولا للطبيب
هل من الممكن الاستغناء عن دور المرأة في الطب ؟
عمبالكم بلي كاين نساء يرضاو يموتو و مايروحوش لطبيب راجل .. و خاااااصة بعض الامرااااض الخاصة بالنساء دون الرجال .. ناهيك عن المرأة أثناء فترة الحمل .. و عند الولادة كاين حالات لازم يتدخل الطبيب ... يعني لو تكون مرأة طبيبة نساء أحسن .. بلا ماندخل بزاف فليديتاي .......
و إذا البنات حبسو القراية فالتارمينال شكون رح يداوي النسا تاعنا غير الرجال ؟؟؟
و اذا ما ضحاوش بنات من ولايات مثل ولايتي انا و دارو اقامة شكون رح يداوي نسا ولايتي ؟؟؟؟؟؟

...
عمبالي راني طولت بزااااااف بزاااااف وانا نحكي
تعرفو مازال عندي كلام نقولو مي معليهش راني اختصرت هههه
اسمحولي بزاااف ع الاطالة و نتمنى تقراو موضوعي
و تشاركوني بآراءكم
و تقولولي وين راني غالطة اذا غلطت
...

تحياتي لكم
ربي يحفظكم خاوتي

[kaderkader1541]

التعليم الثانوي لازم يعني مراة بمستوى ثانوي لااااازم حتى تقدر تربي اولادها تربية حسنة فأنا على سبيل المثال احب ان تكون فتاتي بمستوى ثانوي كأقصى حد و اريدها ماكثة في البيت و ليست عاملة كوني اغار عليها من الاختلاط الحاصل و حينما تمرض تتداوى عند طبيبة لاني اغاااااار و الحمد لله الطبيبات راهم بزااااف و كاين اللي يسمح لبنته باش تدرس و تعمل كل حسب تفكيره ,,,,,

[meriem04]

ana ma3a dirasat al maraa kay to3alima awladaha takraa al ko3aan
al chahada silaha ida matazawjoha
tastati3 al baht 3an 3amal lito3ila awladaha

[ورود الشتاء]

اشكركم اخوتى

[كارينا]

حتى انا راني مع المراة لي تقرا وتخدم

ولا تزوج ويبقا راجلها يعايرها بلي هي امية

وحتى لو زو جت وطلقت تكون مامنة المستقبل تاعها

ماشي تروح لدار والديها ولول لي يخطبها يمدوهاله

اللهم تكمل قرايتها وتهني راسها ولا كان راجلها يبغيها

ماعليش تحبس الخدمة وجاية عليها

[كمال الاسلام]

ادا جات هكذا معليش

بصح باه تلقا لقراية سبة برك باه تروح طرقن

ولا تروح تخدم خدمة تاع رجال وفي في وسط الرجال

تقعد في الدار خير ليها ولماليها

[سجل أنا جزائري]

أنا مع المرأة اللي تقرى في ثانوي و مبعد في الجامعة و مبعد تخدم و تربي لولاد و طيب و ما تتلاق والو

و احنا نريحو في الدار

[غزلان1991]

صح اختي راني معاك و كلامك كلوا صح
في هاد الوقت ما ينفع البنت غير قرايتها الزمان ولى يخوف و ما تحصيش وين يقيسك الوقت

[mimi mino]

مشكورة اختي كلامك واقعي ولي قلتيه صح

[حسنات21]

المشاركة الأصلية كتبت بواسطة kaderkader1541

التعليم الثانوي لازم يعني مراة بمستوى ثانوي لااااازم حتى تقدر تربي اولادها تربية حسنة فأنا على سبيل المثال احب ان تكون فتاتي بمستوى ثانوي كأقصى حد و اريدها ماكثة في البيت و ليست عاملة كوني اغار عليها من الاختلاط الحاصل و حينما تمرض تتداوى عند طبيبة لاني اغاااااار و الحمد لله الطبيبات راهم بزااااف و كاين اللي يسمح لبنته باش تدرس و تعمل كل حسب تفكيره ,,,,,

هل تضمن البقاء معها طول الحياة ؟؟؟ اكيد لا
قد يموت الرجل تاركا وراءه زوجة و اطفال فماذا تفعل المراة ؟ هل تطلب الصدقة ؟ قد تقول " تبقى الشهرية " و لكن ليس لكل الرجال شهرية فالغالبية تمارس اعمالا حرة
قد يطلق الرجل المراة و يبني حياة جديدة مع امراة جديدة فماذا تفعل المطلقة ؟ هل تنتهي حياتها و تبقى حبيسة البيت ام تساعد على بناء المجتمع
هل تكفي المنحة التي يعطيها الرجل "قهرا في الغالب" لتعيش هي و الابناء بكرامة ؟؟
هل يستطيع الرجل بالظروف المادية التي نعيشها اليوم فتح بيتين " بيت المطلقة مع الاولاد " و "البيت الجديد مع الاولاد " سيقصر و اكيد مع الاول لا اقول عن حب منه و لكن الظروف اقوى منه
فلم لا تتحصل الفتاة على شهادة جامعية تكون سلاحا في يدها , و حين تحتاج عملا تتوظف بمكان يليق بها و بمستواها

[الواثق]

السلام عليكم اختي الفاضلة ......................نت طرحت هاته الامور لانكي تشعرين بخطب ما في خروج المرأة وسفرها واختلاطها بالرجال .........................اليس هذا صحيح ؟؟......................واردت ان تبيني ضرورتها للدراسة والسفر............................................ .................اليس هذا صحيح ؟؟؟..............................وطرحت عدة امور هي منطقية بمنضورنا ...........................................نصيحتي اليكي ان تطرحي هذا على شيخ من مشايخ الدين تثقين فيه وفي علمة ويفتيك هل انت على صواب ام لا .................او بالاصح هل الضرورات التي ذكرتها فعلا ضرورات فتصبح للضرورة احكام...........فان كنت على صواب اعانكي الله ووفقكي وجعلكي مفيدة للمجتمع ....................اما نا لا اعلم شيئا ولا ادري سوى..................................الله ااعلم و

[BAROUD]

Enfin



qu'importe

!!! seulement pour le travail

[الواثق]

المشاركة الأصلية كتبت بواسطة parma

هل تضمن البقاء معها طول الحياة ؟؟؟ اكيد لا
قد يموت الرجل تاركا وراءه زوجة و اطفال فماذا تفعل المراة ؟ هل تطلب الصدقة ؟ قد تقول " تبقى الشهرية " و لكن ليس لكل الرجال شهرية فالغالبية تمارس اعمالا حرة
قد يطلق الرجل المراة و يبني حياة جديدة مع امراة جديدة فماذا تفعل المطلقة ؟ هل تنتهي حياتها و تبقى حبيسة البيت ام تساعد على بناء المجتمع
هل تكفي المنحة التي يعطيها الرجل "قهرا في الغالب" لتعيش هي و الابناء بكرامة ؟؟
هل يستطيع الرجل بالظروف المادية التي نعيشها اليوم فتح بيتين " بيت المطلقة مع الاولاد " و "البيت الجديد مع الاولاد " سيقصر و اكيد مع الاول لا اقول عن حب منه و لكن الظروف اقوى منه
فلم لا تتحصل الفتاة على شهادة جامعية تكون سلاحا في يدها , و حين تحتاج عملا تتوظف بمكان يليق بها و بمستواها

السلام عليكم
وعلاة الزوجة راهي مقطوعة من شجرة ؟؟؟ اليس لها عائلة ؟؟؟ اليس لها اخوة؟؟؟ اليس لي زوجها عائلة واخوة ؟؟؟؟..............اليس لنا رب هو الرزاق ؟؟؟؟.....................انت تحكي على حالة خاصة انو امرأة توفي زوجها فلم تجد من يعينها هاديك ضرورتها لا نقاش فيها .........................وانا طبقت عليها الضرورة هل الشهادة كفيلة بتوفر عمل لها ؟؟؟؟؟؟........................اليس الله هو الرزاق ........والله كاين اللي عندهم شهادات عليا ومازالهم لا خدمة لاوالو وكاين اللي مستواه بسيط وخدام ولاباس عليه..............................والله اعلم

[حسنات21]

المشاركة الأصلية كتبت بواسطة الواثق

السلام عليكم
وعلاة الزوجة راهي مقطوعة من شجرة ؟؟؟ اليس لها عائلة ؟؟؟ اليس لها اخوة؟؟؟ اليس لي زوجها عائلة واخوة ؟؟؟؟..............اليس لنا رب هو الرزاق ؟؟؟؟.....................انت تحكي على حالة خاصة انو امرأة توفي زوجها فلم تجد من يعينها هاديك ضرورتها لا نقاش فيها .........................وانا طبقت عليها الضرورة هل الشهادة كفيلة بتوفر عمل لها ؟؟؟؟؟؟........................اليس الله هو الرزاق ........والله كاين اللي عندهم شهادات عليا ومازالهم لا خدمة لاوالو وكاين اللي مستواه بسيط وخدام ولاباس عليه..............................والله اعلم

تسال عن اهل الزوجة بعد وفاة الزوج و انا اسالك متى اعطيت اختك مبلغا من المال ؟ و ارجو منك ان تسال اصحابك بطريقة لبقة هل تعطي اختك الماكثة في البيت الغير متزوجة المال , و ستكتشف الحقيقة التي تغيب عنك . اغلب الاخوة لا يرى من اخته سوى الشرف و الكرامة اما احتيجاتها فلا يتذكرها تماما , اما المراة المطلقة و الارملة فلن تجد الا الله سبحانه و تعالى و الاب اذا كان حيا
انا لا احكي على حالة خاصة فهل للموت حد ؟ ثم ابحث عن عدد حالات الطلاق في الجزائر
الله هو الرازق و لكن يجب ان نعمل فأيهما تفضل اليد العليا ام اليد السفلى ؟
الشهادة تضمن للمراة وظيفة محترمة عوض مد اليد اما الرجل فيمكنه العمل بدون شهادة
ليس واجبا ان تعمل المراة و لكن من الحكمة ان تستعد المراة لكل طارىء , و الشهادة هي الكفيل بضمان المستقبل و الله اعلم

[فتـ حييةـاة]

- و الطفلة اذا بقات امية في مجتمعنا ماعندها حتى معنى................................شكون قالك ماما عندها معنى كبير في حياتي

- اذا جات تتفرج مثلا و فسدلها التيليفيزيون ماهيش رايحة تفهم و تريقلو اذا كانت امية............ علاش احنا قراونا كي نديرو نريقلو التلفزيون كلش راه بالتيليكوموند

- اذا تزوجت و حابة تقريولادها ماتقدرش و رح يضيعولها................احنا ماما امية وماشاء الله وولادها 2 عندهم ليسانس 3 جامعيين 1 ثانوي 1 متوسط وربي يحفظهم ولعلمك اختي بابا عنده مستوى عالي جدا وعمره في حياته ماحفزنا بل الامية هي من شجعتنا وحفزتنا

- اذا راحت للطبيب و قالها كاش كلمة بالفرونسي ولا ماهيش رح تفهم و قادر تعرض حياتها للخطر.............ماما تقول للطبيب انا لافهم الفرنسية فيشرحها لك بالعربية

- اذا شرات حوايج للدار و حابة تستخدمهم و ماتعرفش تقرا كيفية الاستعمال رح تعرض عائلتها للخطر........مثلا ؟؟؟؟

- اذا حابة دير قاطو و مدولها وصفةماتعرفش تقراها حتى يقراهالها واحد اخر.................. الذ الحلويات واحلاها تناولتها من يدين ماما حفظها الله

- اذا حابة تستخدم البورتابل رايحة تحصل بزااااف و ماتقولوليش ساهل .. اللخرة اللخرة كي يلحقها ميساج مثلا تاع فليكسي ماتعرفش تقراه ............ماما عنها موبايل ميلتي ميديا كل رقم تقابله صورة الشخص من تريد ان تتصل به ترى صورته وتتصل به كذلك لما يتصل بها اي تظهر صورته حتى وان لم تظهر ترد عادي

هذي على سبيل المثال لا الحصر لانو كاين بزااااااف مشاكل تواجههم المرأة إذا كانت أمية و صدقوني مانيش نهدر من راسي راني نهدر من الواقع و هاذو نساء أميات سمعت حكاياتهم بنفسي .. معاناة تاع الصح .. و الله يغيضو......................... ؟؟؟؟؟؟

لما تريد اي وحدة الزواج يجب ان تستخير الله وتنوي الخير وتدعو الله ان يوفقها في حياتها لا ان تقول يجب ان اعمل لربما يطلقني زوجي او يموت من يعطيني قوتي لالالالالالا هل كل من لديه شهادة وجد عملا ؟؟؟؟؟؟ وهل كل من ليست له شهادة لا يعمل ؟؟؟؟؟
الرزق لا تجلبه الشهادة الرزق في السماء
ارجو ان لا يكون ردي في غير محله حبيبتي اذا اردت ان تدرسي وتعملي اتمنى لكي التوفيق من كل قلبي لكن لاتحاولي ان تجدي اسبابا مقنعة لترضي بها الناس لالالالالا انت لست مطالبة بذلك كل واحد حر في نفسو وكل شاة تتعلق من عرقوبها وتقبلي نصيحة اختك الاكبر منك اختصاصك يحتاج دراسة اكثر ومجهود اكبر