لما اطفات شمعة الدار ...

[أيمن عبد الله]

الأم أجمل كلمة تنطق بها الشفاه

واحسن كلام يجب ان يقال لها أو يكتب عنها

سواء في حياتها او مماتها

ولكل واحد طريقته في التعبير عن فقده لوالدته

ومن أجمل ما سمعت اغنية عن الأم للمرحوم كمال مسعودي

أنقلها لكم راجيا من الله تعالى أن يرحم والدينا برحمته الواسعة

مميمتي مشات عليا
لحقها الاجل وطفات شمعة الدار
وبقيت وحدي وحيد ماكان لي بيا

جات الموت ادات لي ممو الابصار
الحنينة مميتي مشات عليا


زعزعني بخبرها داك البشار
وظلام نهاري وتحطم منايا

تمنات تشوفني قبل ما تروح الاعمار
هدا ماتمنت وتوادع الدنيا
وانا عليها بعيد زاهي مع الصغار
ما خممت نهار فالي تركت ورايا

ماتت ممتي وعلى قلبها نار
دخلت في قبرها محروقة عليا

لعب بيا الزمان ورجعلي غدار
خرجت خرجة فالدنيا وخرجت فيا

نفدي كل اموال هدا الارض والبحر
آش ندير لميمتي وتسمح ليا

جات الموت اداتلي ممو لبصار
لحنينة ميمتي مشات عليا

حب الميمة يا وخيي راو حب مطيار
فراقها ما يتعمر بكنوز الدنيا

كل شيء يتخلف ما دامت الاعمار
غير فراق لميمة يا سامع ليا

بالله يا لايم من يبكي بجهار
لا تلومو دمعات الفراق قوية

من بكى على مميتو ما راهو داير عار
خلوه براسو يبكي دمعتو مجرية

خلوني نجرع الكاتبة من الستار
سبحانو العالم بكل خفية

ما اصعب فرقتها خلاتني زهار
ما عرفت نتصرف في اي قضية

جات الموت اداتلي ممو لبصار
لحنينة ميمتي مشات عليا

اسمحيييييييييييييييييلي يا مميتي قبل المشوار
اسمحيلي لقبايحي وما فات عليا
اسمحيلي في هاد الدار
بعد الرحول سماحك ما يفيد فيا
اسمحيلي كي كنت مغيار
دار الدنيا غرتني ولعبت بيا
اسمحيلي راني في قيفار
قوليلي من غيرك يرؤف عليا
اسمحيلي يا ممتي بجاه المختار