اخر اخبار كابا قسنطينة

[khaled_khadi]

السلام عليكم اخواني اولا انا من ولاية باتنة من ضمن الطلبة الراسيبن و الحمد لله المهم رحنا للادارة نهار الاحد باه نديرو طعن تعرفو واش قالنا السي شريط الي هو زعما المسؤول ماكانش طعن و النتائج نهائية كاين الي دا 5 من 60 وكاين تاني الي جاب 1 من 60 بين td وcour كيفاه حسبوها الله اعلم تزايدنا معاه فالهدرة و رحنا للعميد و رحنا حتى لرئيس الجامعة و الاتحاد الطلابي الي نشكروه بزاف و كي ضغطنا عليه قالنا ديرو تظلمات فردية و رجعنا اليوم و النتيجة ما كان والو بصاح ما تخافوش ا الي مانجحتوش و الله ما تروحلهم و راهي وصلت للصحافة . تعرفو واش ضحكني واحد راح للحج و رجع و زاد نجح من فوق خاطر خوه يخدم ثما و وحدة نجحت فالقضاء و في سبتمبر راحت تقرى القضاء كامل النقاط محطوطين و ما خصهاش تنجح المهم حنا رانا راح نديرو حركة احتجاجية و الصحافة راح تكون حاضرة انا عليا و الله ما تهمني الكابا لا انا لا صحابي بالصح والله ما تروحلهم على التمسمير تاعهم خلي نوصلو لبعيد و نوصيكم اللي يعرف واحد دار و مانجحش قولولو نهار الاحد ان شاء الله يجي للكلية تاع الحقوق الي حق الطعن مافيهاش نتمنا نلقاوكم حاضرين والي ماجابش حقو كيفاش يجيب حق الناس خاطر رانا تحقرنا و الباتني عمرو ما يتحقر دقت ساعة الزحف دقت ساعة الانتصار الى الامام الى الامام هيا ناس خنشلة ايشاوين هيا ناس تبسة و ام البواقي و قسنطينة و سكيكدة الى متى حقوقنا ضائعةاتمنى منكم الحضوراثبتوا انفسكم