الشخشوخة البوسعادية بالصور - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى شقائق الرجال > قسم الطبخ و المأكولات > قسم المعجنات والمخبوزات

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

الشخشوخة البوسعادية بالصور

إضافة رد
 
أدوات الموضوع انواع عرض الموضوع
قديم 2011-11-24, 10:32   رقم المشاركة : 1
معلومات العضو
السيدة كرمين
عضو مميّز
 
الصورة الرمزية السيدة كرمين
 

 

 
إحصائية العضو










New1 الشخشوخة البوسعادية بالصور







حبيباتي جبتلكم اليوم طبق كنت نظن انه صعب

بحكم زواجي من بوسعادي لازم طبعا نتعلم طبخهم

وحماتي الله يذكرها بخير صاحبة القلب الكبير وروح الدعابة

محبتش تعلمني قاتلي نشوفك الا تجيبيها وحدك....

يوم عيد الفطر من عادات اهل المنطقة

أنهم يطيبوا الشخشوخة

خطفت منها شوي ولما سمعت اني طيبتها ماتت بالضحك

ولما شافت الصور قاتلي غلبتيني


وهاذي هي الصور -أول مرة -


أولا لعجينة تتعمل بالماء و الملح و فرينة + سميد نص بنص

و اللي تحب تعمل سميد وحدوا شادة شوي روحها على عجينة الرقاق





تخليها ترتاح ومبعد تقرصيها






تاخذي 3 قرص وتحليهم شوي وتحطيهم فوق بعضهم وتكملي تحليها









وعلى طاجين الطين تاع البغرير - الغرايف - تطيبيها









و تفتتيها كيما الثريدة لكن باليد


وتحضري لاصوص

- طماطم - بصلحة ثوم و البهارات + لحم أو دجاج وتقليهم مليح وتخليهم يطبخوا


قبل ما تغلقي على النار تكوني محضرة كمية كبيرة تع بصل مقطع لنصف شرائح

كبيرة تحطيه على البرمة و تظيفي ورق الرند + الفاح + الحار + قليل من الثوم

وكي اطفي النار + الكسبر


تجيبي الفتات و تخلطيه مع الصوص اللي تكوني خليتي منها شوي للوجه

تزينيها بالكسبر و البيض

تؤكل مصحوبة بالرب - يشبه المعجون - مصنوع بالتمر + الدهان العربي

وهذا شكلها النهائي تقريبا





و شهيتكن طيبة









 


رد مع اقتباس
قديم 2011-11-24, 10:46   رقم المشاركة : 2
معلومات العضو
*أم كوثر*
مراقبة منتدى الأسرة
 
الصورة الرمزية *أم كوثر*
 

 

 
الأوسمة
المشرف المميز المشرف المميز 2014 المشرف المميز لسنة 2013 المرتبة الثالثة وسام التميز في قسم الطبخ المرتبة الاولى 
إحصائية العضو










افتراضي

امممممممممممممم تشهي مع هدا البرد
تقريبا يشبه لشيئ عندنا نسموه فطير في طريقة التحضير
الرب نعرفو و يكون حلو بصح كفاه يتاكل مع الشخشوخة؟؟؟
حار مع حلو؟؟؟
تسلم ايدك










رد مع اقتباس
قديم 2011-11-24, 11:26   رقم المشاركة : 3
معلومات العضو
سَلْسَبِيّلْ
عضو محترف
 
الصورة الرمزية سَلْسَبِيّلْ
 

 

 
إحصائية العضو










افتراضي

يعطيك الصحة اختي ان امكن مادامك من بوسعادة ارجو ان تفيديني بطريقة البعطوط يجي شخشوخة ومهرسة مع الطماطم نية والفلف الحار
الكيفية بالتفصيل ان امكن










رد مع اقتباس
قديم 2011-11-24, 11:46   رقم المشاركة : 4
معلومات العضو
my lamis
عضو مميّز
 
إحصائية العضو










افتراضي



بارك الله فيك و يطيك ألف عافية و الله فحلة جات تحصل فيك غلبتيها هههههه كملي في شطارتك بصح الشهادة لله كيتجي تشوفي حتى ونخدموها ونخرجوها تهبل البنة البوسعادية تغلبنا عندهم وحد البنة فيها متتعوضش ماذابيك أختي و كان تعلمينا مأكولاتهم كيراكي منهم و جازاكي الله خيرا










رد مع اقتباس
قديم 2011-11-24, 12:49   رقم المشاركة : 5
معلومات العضو
السيدة كرمين
عضو مميّز
 
الصورة الرمزية السيدة كرمين
 

 

 
إحصائية العضو










افتراضي

اقتباس:
المشاركة الأصلية كتبت بواسطة *أم كوثر* مشاهدة المشاركة
امممممممممممممم تشهي مع هدا البرد
تقريبا يشبه لشيئ عندنا نسموه فطير في طريقة التحضير
الرب نعرفو و يكون حلو بصح كفاه يتاكل مع الشخشوخة؟؟؟
حار مع حلو؟؟؟
تسلم ايدك


هوما ياكلوه بهذي الطريقة انا ما جربتهاش لأن مش راكبة فراسي حلو ومالح

جربي انتي ورديلي لخبر









رد مع اقتباس
قديم 2011-11-24, 13:01   رقم المشاركة : 6
معلومات العضو
السيدة كرمين
عضو مميّز
 
الصورة الرمزية السيدة كرمين
 

 

 
إحصائية العضو










افتراضي

اقتباس:
المشاركة الأصلية كتبت بواسطة hanadi193 مشاهدة المشاركة
يعطيك الصحة اختي ان امكن مادامك من بوسعادة ارجو ان تفيديني بطريقة البعطوط يجي شخشوخة ومهرسة مع الطماطم نية والفلف الحار
الكيفية بالتفصيل ان امكن


اختي انا مش من بوسعادة

أنا من واد سوف

واقيم مع زوجي في ورقلة


البعطوط أو كما يسميه أهل الواد و بسكرة بالباطوط

أما أهل بوسعادة يسموه الزفيطي


الطريقة نكتبهالك درك ولما نعملوا نصورلك الشرح


تعجني السميد + ملح + ماء وتعملي كسرة طيبيها على الوجهين وتفتتيها

تكوني محضرة ماء مغلي

وفي المهراس تحطي الثوم و دقيه + فلفل أحمر تكثري أو فلفل أخضر

دقيهم مليح مع الملح و الكسبر و البسباس المرحي - يابس-

وتكوني محضرة طماطم منزوعة قشرتها


- وهذا بوضها دقيقتين في ماء سخون- وتهرسيهم


في نفس المهراس ضعي كمية فتاة الكسرة ودقي مليح

وظيفي الماء المغلي شوي شوي

وابقي دقي حتى تدخل بعضاها مليح


زينيه بالدبشة و شوي زيت على الوجه ويقدم في المهراس نفسه


لذا سمي الطبق -مهراس زفيطي -


















رد مع اقتباس
قديم 2011-11-24, 13:04   رقم المشاركة : 7
معلومات العضو
السيدة كرمين
عضو مميّز
 
الصورة الرمزية السيدة كرمين
 

 

 
إحصائية العضو










افتراضي

اقتباس:
المشاركة الأصلية كتبت بواسطة my lamis مشاهدة المشاركة


بارك الله فيك و يطيك ألف عافية و الله فحلة جات تحصل فيك غلبتيها هههههه كملي في شطارتك بصح الشهادة لله كيتجي تشوفي حتى ونخدموها ونخرجوها تهبل البنة البوسعادية تغلبنا عندهم وحد البنة فيها متتعوضش ماذابيك أختي و كان تعلمينا مأكولاتهم كيراكي منهم و جازاكي الله خيرا


الله يبارك فيك اختي أكيد يبقى الأصل وحدوا

مي قالك الجديد شد فيه ولقديم لا تفرط فيه

عجوزتي الله يبارك عليها من حتى شئ تقدم طبق ويكون بنين

ان شاء الله نحاول كل ما نسرق طريقة نحطها فالمنتدى

مشكورة على مرورك









رد مع اقتباس
قديم 2011-11-24, 13:24   رقم المشاركة : 8
معلومات العضو
ابتهال 4
عضو فعّال
 
الصورة الرمزية ابتهال 4
 

 

 
إحصائية العضو










افتراضي

اقتباس:
المشاركة الأصلية كتبت بواسطة karmine30 مشاهدة المشاركة






حبيباتي جبتلكم اليوم طبق كنت نظن انه صعب

بحكم زواجي من بوسعادي لازم طبعا نتعلم طبخهم

وحماتي الله يذكرها بخير صاحبة القلب الكبير وروح الدعابة

محبتش تعلمني قاتلي نشوفك الا تجيبيها وحدك....

يوم عيد الفطر من عادات اهل المنطقة

أنهم يطيبوا الشخشوخة

خطفت منها شوي ولما سمعت اني طيبتها ماتت بالضحك

ولما شافت الصور قاتلي غلبتيني


وهاذي هي الصور -أول مرة -


أولا لعجينة تتعمل بالماء و الملح و فرينة + سميد نص بنص

و اللي تحب تعمل سميد وحدوا شادة شوي روحها على عجينة الرقاق





تخليها ترتاح ومبعد تقرصيها






تاخذي 3 قرص وتحليهم شوي وتحطيهم فوق بعضهم وتكملي تحليها









وعلى طاجين الطين تاع البغرير - الغرايف - تطيبيها









و تفتتيها كيما الثريدة لكن باليد


وتحضري لاصوص

- طماطم - بصلحة ثوم و البهارات + لحم أو دجاج وتقليهم مليح وتخليهم يطبخوا


قبل ما تغلقي على النار تكوني محضرة كمية كبيرة تع بصل مقطع لنصف شرائح

كبيرة تحطيه على البرمة و تظيفي ورق الرند + الفاح + الحار + قليل من الثوم

وكي اطفي النار + الكسبر


تجيبي الفتات و تخلطيه مع الصوص اللي تكوني خليتي منها شوي للوجه

تزينيها بالكسبر و البيض

تؤكل مصحوبة بالرب - يشبه المعجون - مصنوع بالتمر + الدهان العربي

وهذا شكلها النهائي تقريبا





و شهيتكن طيبة
يعطيك الصحة اختي
ربي يحفظك ماشاء الله عليك
لكن حكاية البيض مع الكسبر من الاخير هاذي مكانش منها
ثاني الرب موش شرط وموش اصل بوسعادي
ايضا نحن نضع طماطم اليابس نرحوه والفلفل اليابس الاحمر للشخشوخة
وناس زمان يضيفو لها القرس اللي هو التمر اليابس يرحوه ويديروه معاها
ايضا الحمص المشمخ والمشماش اليابس او الهرماس
هاذي شخشوخة بوسعادية
اماتاع الرب خاصة بولاد نايل
انا بوسعادية ابا عن جد
والشخشوخة اختصاصي واهم اكلة الكل يطلبها مني









رد مع اقتباس
قديم 2011-11-24, 17:57   رقم المشاركة : 9
معلومات العضو
السيدة كرمين
عضو مميّز
 
الصورة الرمزية السيدة كرمين
 

 

 
إحصائية العضو










افتراضي

اقتباس:
المشاركة الأصلية كتبت بواسطة ابتهال 4 مشاهدة المشاركة
يعطيك الصحة اختي
ربي يحفظك ماشاء الله عليك
لكن حكاية البيض مع الكسبر من الاخير هاذي مكانش منها
ثاني الرب موش شرط وموش اصل بوسعادي
ايضا نحن نضع طماطم اليابس نرحوه والفلفل اليابس الاحمر للشخشوخة
وناس زمان يضيفو لها القرس اللي هو التمر اليابس يرحوه ويديروه معاها
ايضا الحمص المشمخ والمشماش اليابس او الهرماس
هاذي شخشوخة بوسعادية
اماتاع الرب خاصة بولاد نايل
انا بوسعادية ابا عن جد
والشخشوخة اختصاصي واهم اكلة الكل يطلبها مني


اختي الله يحفظك على مرورك

أنا وش شفت يعملوا عملت

وفعلا هم نوايل يمكن كل جهة أو كل عائلة ليها

طريقتها واظافتها الخاصة بيها

ويلا حطيلنا الشخشوخة على طريقتك باه نتعلم منها ونزيد نبهر عجوزتي

تحياتي









رد مع اقتباس
قديم 2011-11-25, 13:53   رقم المشاركة : 10
معلومات العضو
omanis
عضو مميّز
 
الصورة الرمزية omanis
 

 

 
الأوسمة
وسام الحضور المميز 
إحصائية العضو










افتراضي

اختي يعطيك الصحة على الطريقة بالتفصيل ما شاء الله عليك لكن انا من العاصمة و كنت عملتها لكن احنا نفور الشخشوخ ثم نرجعوه للمرق الاحمر ممكن التوضيح لاني حابة نجربها و نعرض اهل زوجي عليها
مشكورة اختي مرة تانية










رد مع اقتباس
قديم 2011-11-25, 19:29   رقم المشاركة : 11
معلومات العضو
السيدة كرمين
عضو مميّز
 
الصورة الرمزية السيدة كرمين
 

 

 
إحصائية العضو










افتراضي

شكرا اختي على مرورك

بالنسبة للتفوار يكون في حالة وحدة

تكوني مخبياتوا وكل ما تجبدي الشواط - الرقاق-

تفوريه










رد مع اقتباس
قديم 2011-11-25, 20:58   رقم المشاركة : 12
معلومات العضو
سَلْسَبِيّلْ
عضو محترف
 
الصورة الرمزية سَلْسَبِيّلْ
 

 

 
إحصائية العضو










افتراضي

الف الف شكر اختيبارك الله فيك راح نجربو ان شاء الله










رد مع اقتباس
قديم 2011-11-26, 10:39   رقم المشاركة : 13
معلومات العضو
ابتهال 4
عضو فعّال
 
الصورة الرمزية ابتهال 4
 

 

 
إحصائية العضو










افتراضي

اقتباس:
المشاركة الأصلية كتبت بواسطة karmine30 مشاهدة المشاركة
اختي الله يحفظك على مرورك

أنا وش شفت يعملوا عملت

وفعلا هم نوايل يمكن كل جهة أو كل عائلة ليها

طريقتها واظافتها الخاصة بيها

ويلا حطيلنا الشخشوخة على طريقتك باه نتعلم منها ونزيد نبهر عجوزتي

تحياتي


ههه
كشما خليتي باه نحط راكي فحلة وحطيتيها كيما راهي لكن ملاحظتي كانت
عالرب سكان بوسعادة الاصليين ما يديروهش واولاد فرج هما اللي يديروه
يعطيك الصحة وتسلم ايديك حنونة









رد مع اقتباس
قديم 2011-11-29, 17:37   رقم المشاركة : 14
معلومات العضو
miri_27
عضو متألق
 
الصورة الرمزية miri_27
 

 

 
إحصائية العضو










افتراضي

واووووووووووووو على ناس بوسعادة ناس الكرم و الجود زرتها كي كان في عمري 15 سنة ياسلام ذكريات حلوة










رد مع اقتباس
قديم 2011-11-29, 20:26   رقم المشاركة : 15
معلومات العضو
HADIL146
عضو محترف
 
الصورة الرمزية HADIL146
 

 

 
إحصائية العضو










افتراضي










رد مع اقتباس
إضافة رد

الكلمات الدلالية (Tags)
البوسعادية, الشخشوخة, بالصور


تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 13:26

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2024 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc