امثال و حكم شعبية

[witcho-w]

بسم الله الرحمان الرحيم
اليوم جبتلكم امثال و حكم جزائرية مئة بالمئة فيها القليل من الطرافة مي حكمتها كبييييرة للي يفهمها ان شاء الله تعجبكم

واحد يعجبك من نظرة و واحد تعجبك فيه الهدرة و واحد لو كان تلقى تخبطو بحجرة
الي خانك ديرو كي دخانك بدراهمك اشريه و برجلك طفيه
الزين و الزينة ايجيبو فرخ الطاووس و الشين و الشينة ايجيبو الخنفوس
البيوضية بسماطة كي قشور البطاطا و سمورية بحلاوة كي عسل البقلاوة
الزين ما عمر دار
عاشر ندك و البس قدك و امشي مع الي يعرف بوك و جدك
خصك السواك يا عوجة لحناك
الفم المزموم ما تدخلو ذبانة
الذبان يعرف وجه اللبان
الجرب حكاك و الخاين شكاك
كم من قبة تنزار و مولاها في النار
الطول للشجر و العرض للبقر و القصر للحجر و ابن ادم للقدر
كي سلوم النصارة الطول و الخسارة

ان شاء الله يعجبوكم

مع تحياتي

[تاج المحبة]

السلام عليكم


المكتوب يغلب المزروب

ربي يخلف على الغابة و لايخلف على الحطابة

[سوسو الطموحة]

والله امثال على الكيف....راني كتبتهم باه نسهرو عليهم مع العايلة يسمع بالجديد تاوعنا قدمو....

[hiba27.9.2010]

الحر من غمزة والبرهش من ميات دبزة

[تشرين11]

كول واش يعجبك ولبس مايعجب الناس

لتلقاه راكب فوق خشبة قولو امبارك الفرس

المرقة بلا بصلة مثل المراة بلاخصلة

[ikram99]

موضوع رائع عزيزتي شكرا لك

[أيوب 15]

لَون حياتك بِاللونِ الْجَمِيلِ الَّذِي تُحِبُّ ؛
قَبلَ أَنْ يُلَونهَا الآخرون بِما لَا تَشْتَهِي .

[سيرين شوب]

يعطيك الصحه امثال جميله وفي الصواب

ولك مني هذه االمثال

اللي تقشو ما تفشو


حماري ولا عود الناس.

قد ما تكبر العين الحاجب فوقها.


الي يتبع الولاد اداه الواد .

*هو في الموت و عينه في الحوت.

دعوة زوج ولا دعوة عجوز .

هم العرس ولا هم الضرس.

الي فيه طبى ما تتخبى .

بيضة اليوم ولا جاجة غدوة .

*يفنى مال الجدين وتبقى حرفة اليدين .

ما يبقى في الواد غير حجاروا .


*لسانك حصانك اذا صنتوا صانك واذا خنتو خانك.

الشركة هلكة يالوكان في طريق مكة.

اشري الجار قبل الدار.

الي ما ذاق المر لا يعرف الحلو.

*الي ما هو ليك غير يعييك.

الي خلص دينوا شبع.

*الحوت ياكل حوت و قليل الجهد يموت.

[ابتسام18]

*واحد يعجبك من نظرة و واحد تعجبك فيه الهدرة و واحد لو كان تلقى تخبطو بحجرة

*خصك السواك يا عوجة لحناك

[anise2011]

[joseffcb]

merciiiii khouyààà

[ouahed]

شــــــــــــــكــــــــــــــــراااا

[Broken Angel]

بارك الله فيك على الطرح

[maloo]

موضوع جميل ارجو من كل من يدخل يزيد ما يعرفه من الامثال الشعبية في المنطقة التي يعيش فيها .وهذي من عندي
معاونة النصارى ولا القعدة خسارة.
لصق فيا لصقة الاعمى في الصحيح.
الله يجعلني غابة والنا س مني حطابة.
مال العريس رخيس.
ربعة نسا والقربة يابسة.

[mariana1]

أخدم بدورو(5سنتيم) وحاسب البطال