أخاف على سمعتي إلى حد الوسواس

[مشكلتي]

سلام

مشكلتي ببساطة اني اخاف ان يتكلم الناس عني كلاما يقيس سمعتي مع العلم اني جامي حكيت مع ولد ولا درت كاش جاست مالفة من لقراية للدار

المهم خايفة مثلا واحد يديرها مكرة ويكي فيا حاجة مش مليحة نضال موسوسة

[نورسين.داية]

لكن لما الخوف و الشك ...؟ إذا كان الإنسان يمشي بشكل سوي
إتكلي على المولى عز وجل و رمي عليكي الباقي

[harichane]

هدو هما الناس خليهم يهدرو ويقعدو احرصي فقط على رضا الله وخطيك من الناس هدي هي خدمتهم

[فارس الجزائري]

السلام عليكم
إن بقيتي تفكري في الأمر سيحدث
لذك أنصحك أن لا تشغلي بالك واهتمي بحياتك بصفة طبيعية دون أن تلتفتي لأي كلمة مادمتي لا تقومين فعلا بشيء فيه اساءة سمعة لك

[paramol]

السلام عليكم
سمعة الانسان هي راس ماله
لكن اليوم الناس تتكلم تتكلم سواء كنتي مليحة او دونية
ادا كنت تمشي وفق ضوابط لاتغضب الله فلما الخوف ؟؟؟؟؟؟
بالتوفيق

[djamel123]

إرضاء الناس غاية لا تُدرك
وحتى بالنسبة لينا أحنا الرجال حتى لو درنا لحية حتى للركبة واعتكفنا فالجامع 24 ساعة فاليوم تلقاي من الناس اللي يقول عليك هاذا منافق، ويتظاهر أمام الناس بالتقوى والايمان.

[رزان.]

أختي الفاضلة الحل بسيط جدّا :انزعي الوسواس من بالك و توكلي على الله عز وجل وهو الي يحفظك إن شاء الله و عيدك مبارك

[أمينة1994]

خلي يقولو ........ شي ما يديرو

الناس هكذا ولو كان كل واحد فينا يسمع لكلام الناس لتوقفت عجلة العالم

حنونة ماديريش عليهم

حتى ولا هدروا عليك تكون الهدرة لمدة أسبوع ولا حاجة ومباعد يلقااااااو حكاية أخرى وشخص أخر يحكوا عليه وينساوك

المهم أنت متقطعيش ومتهدري على حتى واحد

ربي يوفقنا ويهدينا أجمعين

[manels]

الفم المغلوق ما تدخلو الذبانة

[نجمة ساطعة]

كن مع الله و لا تبالي ... ان اراد البشر التكلم فلا ينتظرون الخطأ
لكن ما عليك سوى ترك هذا الوسواس لتعيشي مرتاحة
بالمناسبة دائما عندما نخاف الاشياء تقع فاحذري من الخوف

[- بصمة خير -]

كنت كيفك موسوسة لدرجة متتصوريش

و لكن فهمت لوكان نبقى هكذا نمرض من القلقة و التخمام
و الناس تهدر و تهدر و كاين البلاء و اللي مايخافوش ربي يهدرو على اولاد الناس عاااااااادي
سواء امرأة و الا راجل

دوركا راني حاطة ربي في بالي برك و ندير اللي نشوفو صحيح و اللي مايغضبش ربي عليا و خلاص

و تفكري اذا هدرو عليك يجي النهار اللي ربي يفضحهم فيه و يجيبلك حقك

قصة حادثة الإفك

ربي يوفقك و صح عيدكم

[moonlight19]

انت متاكدة من نفسك بلي مادرتي والو ملا لاه تخافي
ماكان والو
لربي يسترك

[دكتورة بإذن الله]

السلام عليكم و رحمة الله و بركاته

يقول اخوتنا لمصاورة ...اللي يخاف من العفريت يطلعلوا

خليك انسانة عادية و تصرفي بما يرضي الله

و صدقيني الناس لن تتحدث عن شخص يحترم نفسه

فقط انت كوني حذرة لا صورك و لا شيء يتعلق بك عند الغير سواءا بنات او ذكور او حتى العائلة الكبيرة

و لا تفعلي ما يغضب الله ...و سيكون الله معك

و حينها ستكونين مرتاحة البال و لن يكون هناك من يشوه سمعتك

وابتعدي عن النار.. و دخانها ...لانك بنت و اي شيء سيلطخ بياض عفتك و يشوه سمعتك ..فثقي بالله

و ربي يجيب لي فيه الخير ...مع التحية

[SOMIA38]

....نقولك كيما قالت ماما.....اللي ما في كرشو التبن ما يخاف من النار.....!!!؟؟


......اذكري الله فبذكر الله تطمئن القلوب.....

...فلا داعي الى الوسواس....

....وفقك الله في حياتك....

[مناع]

لا يوجد أي شيئ أختي مجرد وساويس ربي يحغضك أختي ويكتبلك ولد الحلال ليقلعلك الوسواس ويسكت الناس