اول يوم في تعليم السياقة

[chochita]

السلام عليكم ورحمة الله
في مرة صديقي يحكيلي على يوم في تعليم السياقة مع المدرب ديالو قال
ارواح تشوف واش صرالي
قلت لو ابدا قال مرة كثرت على ابي علمني انسوق ولا دخلني مدرسة
تعليم الساقة باه نتعلم وناخد البرمي .....
من كثرت الحاحي عفو اصراري ...لا الحاحي لان اصرت يصر الحاحا المهم
شاف مع صحابو نحترمو عند مدرسة تعليم السياقة ...قال يا ولدي غدوى ارواح نبدوا.......فرحت واخيرا
مرقدتش الليل في المنام سقت كل شيء حتى الطائرات ....
نضت الصباح ونا كل نشاط على غير العادة رحت للمدرب تع تعليم السياقة
قال اركب .....اركبت
قال هيا امشي ..نوضت السيارة ودماريت
طارفيا قال واش بيك يا حمار الاشارة اولا ....بفففف حتى لهنا ولم اسلم من هدي الكلمة الوالد وزيد انت في قلبي مي زعفت لكن احترمو صاحب الوالد
المهم زدنا مشينا شويا عند اشارة المرور الصفراء راك عارف حنا ليجان منقيموش الاشارة الصفراء
زدت في السرعة ...قال واش بيك يا حمار الضوء الاصفر تنقص السرعة باه تتوقف بفففففففففف ثاني مرة بديت انزعج منو شويا لكن قلت معليش
لازم نتعلم
مشينا شويا كانت امامي شاحنة تجاوزتها عادي ...نطق وقال ياحمار واش بيك
دير اشارة التجاوز وزيد شوف في المريات موراك .......بففففف
ثالت مرة صاي الدخان خرج من راسي قلت لو خلاص بطلت مانيش حب نتعلم
رجعني لمكانا الاول تبدلنا الاماكن ...
نوض السيارة ودمارى بدون اشارة شافو الشرطي قال اتوقف
في قلبي فرحت هههههههه قلت هدا ثاءري منو جاء الشرطي وقالو
العيب ماشي فيك....انت راك تتعلم
المشكل في الحمار لمعاك مورالكش كيفاه تسوق بففففففففففففففففففففففف
نزلت ورحت لدار طووووووول
قلت الوالد
الحمار بطل ماراهوش حاب يسوق خلاص