سلآم عليم
هذا ألسؤال جاني شحال من خطرة فلبال
هل حنا ألجزايرين شعب قابل للإستعمار ؟؟؟ وشاهو لي خلانا نوصلو لهذا ألمستوي؟ واش هما ألغلطات لي فيناحنا لي خلاو ألبراني يحكمنا؟ وعلاه لبراني فاتنا وغلبنا وحكمنا؟ وعلاه نتشبهو بلبراني بزاف لايكون من ألغرب ولّ ملمشرق؟
هذي ألتساؤلآة خلاتني نشوف ألواقع لي كنا ومازا لنا فيه
ألشئ ألّلول ألدّين لي بعدنا عليه
ألثاني ألجهوية و ألقبلية لي مازالها فينا حتا لدرك وهذي خاصتا لعبت دور كبير فستعمارنا خاطرش ماوقفناش وقفة وحدة ماكناش سيف واحد
وخاصّتا وعلاه عندنا ألجهوية؟ واش هو لي خلاها تكون ؟ هل معندناش دين واحد؟ ولّ معندناش أصل ولّ ثقافة وحدة؟
تاريخيا ألجزائر لآنشوفوها مرّت بشحال من مرحلة نشوفو ألمرحلة ألإسلآمية لي تشكل فيها 14 دولة:
أول دولة إسلآمية جزائرية أو ألمغرب ألأوسط هي ألإفرنيون
وهي دولة دارتها قبيلة بني يفرن وهي من أقدم لقبائل ألأمازيغية
ولآكن ألدولة ألقوية ألأولي هي ألخلافة ألفاطمية لي تشكلت من قبيلة ألكتامة ألأمازيغ وحكمت من ألمغرب ألأقصي حتي لسوريا وجنوب تركيا وجنوب ألحجاز
هذا لي يعني عندنا تاريخ وماننساوش ألزيرين ليحكمو كل ألمغرب ألكبير و ألأندلس ولّ ألمرابطون
ولّ خاصّتا ألموحدون مع ألزعيم عبدلمؤمن بن علي ألكومي إبن تلمسان لي وحد كل ألمغرب وسلك ألأندلس وخاصتا غلب ألنورمن ألصليبيون من تونس وخرجهم وخرج أول تدخل صليبي فلمغرب وتانيك غلب وهزم ألبدو ألأعراب ألهلآليون لي عاثو ألفساد ودخلهم ألطّاعة
وأنا نظن بأن مرحلت ألموحدون هي من أقوي ألمراحل مع ألفاطميون لي مرت بيها بلادنا
ولاكن نظن بأن ألسقوط جانا مع سقوط ألموحدون وتفرقت ألدولة ل 3 دول ألخلافة ألحفصية فتونس وجزء من ليبيا و ألزيانيون فلجزائر و ألمرنيون فلمغرب
وهنا وين بدا ألرّكود أظن أن ألخمس قرون ألأخيرة لمغرب ألكبير لم يتوحد وبدايضعاف حتي دولة من ألثاث لي ذكرتها ماقدرتش توحد ألمغرب ألكبير
وأول إمتحان لهذه ألدول هو ألأندلس لي مانجموش ينقذوه من ألصليبيين ولكارثة أمبعد جات كي ألمغرب ألكبير ماتوحدش باش إجابه أوروبا ألصّليبية ولي ولّ إهدد ألأراضي تاع هذه ألدوّل وستعمر ألبعض منها خاصتا فلقرن 15 عندما حكمت إسبانيا لأصبحت قوة وبغات تثأر من نفسها علينا فحتلت مليلية وسبت عند ألمرنيين و وهران ومناطق أخري عند ألزيانيين و تونس عند ألحفصيين وهذا لي يذهر ألهوان لي دربنا منذ 5 قرون
ولوكان ماشي ألمساعدة ألعثمانية لي كانت أكبر قوّة فذاك ألوقت لراهو صرالنا مثل شعوب أمريكا ألّاتينية
وألجزائر فلمرحلة ألعثمانية عرفت حالت من ألقوّة ولآكن مع تدهور ألدولة ألعثمانية بدينا نطيحو ومانجمناش نوقفو وحدنا بدون مساعدة خارجية وهذا لي جابلنا ألكافر ألصليبي ألفرنسي لي ستعمرنا قل مانلومو ألمستعمر نلومو رواحنا خاطرش جدودنا كانو ضعاف وضعيف دايما يخلص
وأسباب ألضعف أولاً هي ترك ألدّين عدد ألرقاسات و ألجواري لي كان فدزاير داك ألوت كثر من عدد ألجنود
كنا ومازالنا متفرقين فيما بيناتنا وهذا لي سهل لخطمة للمستعمر لي حطمنا واحد واحد
أنتظر ألرّدود و ألآراء لتطوير ألنقآش وشكرا
( تقرير عن مشاركة سيئة )، و الموجودة أسفل كل مشاركة .
2011-10-23, 20:50
أدخل من فظلك**هل حنا شعب قابل للإستعمار؟؟؟**
العرض المتطور
