رانا بألف خير بقلمي

[عبدو الزاهي]

السلام عليكم


كلمات الشاعر عبد السلام عثماني هديه لكل الجزائريين تحت عنوان

رانا بألف خير







بين الذل والنيف بين القبيح و الظريف

بين الصحيح و الضعيف بين المدينة و الريف

بين الثقيل و الخفيف ياك يا خاوتي ماشي كيف كيف

بين الكره و الحب بين البعد و القرب

بين السلم و الحرب بين الصدق و الكذب

بين الراحة و التعب الفرق شواري كلشي مجرب



بينهم و بينا فرق كبير باش تفهم لازملك تدبير

حنا هوما الأحباب أحباب الجزائر الغالية

حنا هوما الشباب قيمتنا ديما عالية

ما نرضاوش الذل و هاذي خصايل كل واحد فحل

قصدي باين كي الشمس باين كي العروسة نهار العرس

مهما كان الحال ما تطيحش النجمة و الهلال

حماري ولا عود الناس هاذي ما فيها باس

لكن حنا ما عندناش حمار عندنا حاجة من الكبار

عندنا سبع واللي يصاحبو محال يركع

اللي يعيش يشوف و عدونا راهو مكشوف


كلمة الحق نقولها و راية بلادي لازم نرفدها

رانا عايشين ملاح غير خلونا من الجياح

نحارب بكلامي نحارب بقلمي و ما نخليش همي مكمي

ما نسكتش و ما نحملش و لازم يسمع حتى الطرش

عبد السلام و فارس الكلام و الرجال و كامل الشباب

كلمة وحدة في وقت الشدة نوجدو العدة و نديرو الهدة

حنا بالتضحية و النية الصافية نبلغو الغاية

غايتنا باينة و الرجلة فينا ساكنة و يقدرنا الله مولانا

يقدرنا على العديان هاذوك حباب الشيطان اللي غلقو البيبان

أيا نسقمو الأحوال نديرولهم ضربة تبقى في البال هكذا باش يعرفو الرجال

الرجلة بالكلمة و الكلمة بالخدمة و الخدمة تجيب الهمة

إن شاء الله نبلغوا المقصود ونخلو عدونا ممدود

عبد السلام عثماني راهو ديما حاضر

بكلامو معمر معاني مع أولاد الجزائر



تأليف : الشاعر عثماني عبد السلام