نصيحة ( ماتزيدش تدخل روحك......)

[عُضو مُحترم]

السلام عليكم و رحمة الله و بركاته

مرة كنا صغار في المتوسطة

و كان عندنا استاذ و اي اُستاذ

اب بمعنى الكلمة انا شخصيا ضربني بالكف

لما اخذت اقل من 18 في مادته

قال لي راك تتهاون و ضربني بزوج كفوف

و لكن لمصلحتي و الحمد لله اشكر لهُ صنيعه

و كلما مررت امامه اُنزل وجهي في الارض حياءا منه

======================================

ذات يوم كان معنا تلميذ

و كانت لديه مشكل في عائلته

الاستاذ تدخّل كالعادة و فهم الموضوع

و بعدما فهم الموضوع

استدعى والد التلميذ و تكلّم معاه و مشى الحال

القصة و ما فيها ان هذا التلميذ كان مشكل بين امه و ابيه

و طبيعيا و غريزيا (رُبما) وقف في صف امه ضد ابيه

تصالح الاب و الام ككل زوجين و بقى التلميذ في الوسط عندو عُقدة من ابيه

الاستاذ بحنكته و خبرته استطاع ان يحل المُشكل
=======================================

الاستاذ قال لنا بعدها بايامات

اذا شفت عمك و باباك متخاصمين ( ما تدخلّش روحك)

هُما اخوان و حتما سيتصالحان

فإذا وقفت مع ابيك ضد عمك خسرت عمك

و اذا وفقت مع عمك ضد ابيك خسرت اباك

مع انه في الحقيقة كنت مع الحق ( أو ما تراه حقًا)

و إذا شفت باباك متخاصم مع امك ما تدخلّش روحك

رايحين يتصالحوا و انت الخاسر

يا إما تخسر باباك أو تخسر يماك


===========

في ذلك الوقت كانت كلمات الاستاذ

اوامر تُطبّق حرفيا

طبّقناها من دون ما نفهمها

و لكن لمّا كبرنا فهمنا ماذا اراد الاستاذ ان يقول


لا تٌقحم نفسك بين اخوين

لا تُقحم نفسك بين زوجين


لأزيد القصيدة بيتين

لا تُقحم نفسك بين قلبين

لا تُقحم نفسك بين حبيبين

لا تُقحم نفسك بين صديقين

لا تُقحم نفسك بين خطيبين




ما تدخّل روحك ما تربح العيب