و الله ما لقيت ما ندير

Meriemchawiya · 2011-10-08, 14:31

السلام عليكم راني قريب نهبل خلاص
والله حاسة روحي راح نجن ما لقيتها من والديا ولا من محيطي
أنا تخطبت العام الماضي بعد رفض قريب 10 رجال و من نهار تخطبت و ماما كل يوم تخرجلي عيب في لعريس و ما ارتاحت حتى بطلت عليه و من هذاك النهار كل وين يجيني واحد تقولي ميصلحلكش مهما كان و أنا درك كرهت و حبيت ندي قرار نهائي و اخرها تكلم علي واحد لبابا صباح و جاتني درك قاتلي الا مزابي لالا اما شاوي ولا أنساي الزواج
و حتى كي يجيني شاوي تقولي لالا لازم قاري ولا طبيب ولا .............. المهم سبب هدرت مع خالاتي و عماتي بصح هي تقنعهم و صح كلامها منطقي هي ماهيش مستعدة تشوفني نسوفري مع راجلي تحبو كيفنا ولا أحسن
أنا وليت وين نسمع عروس نتحصر و نقول علاه و ضرك راني 28 سنة و حتى العرسان نقصو ربي يخليكم شورو عليا
ملاحظة بابا عندو عادي مزال حاسبني 18 سنة

Nesrine-nina · 2011-10-08, 14:37

الله ايكون في عونك اختي... و الحل ان تحاولي تقنعي امك ان السعادة ماهيش في المال او النسب انما السعادة نحن من نصنعها... و لا تياسي من رحمة الله و كوني حسنة الظن دائما... فربما نصيبك مخبا فقط و انشاء الله ايعوضك ربي باحسن من اللي فاتوا و خاصة ان كان لاجل طاعة الوالدين..... ربي يفتح عليك و يوفقك و يرزقك ابن حلال انشاء الله...

Meriemchawiya · 2011-10-08, 15:00

شكرا أختي راهي ماما هذاك الي خلاني صابرة

*جوداء* · 2011-10-08, 15:57

ربي يهديهم والديك ...ماناش فالوقت لي يخلو بنتهم بلا زواج ويضلموها في امر كهذا ..يعني هوما يضمنو انهم رايحة تلقاي واحد كيما حابين هوما او يفوتك السن المطلوبة في هذا الوقت ويولو يدورولك على المطلق والارمل ...
على كل حال هذو والديك ..وطاعتهم واجبة لكن الله اعطاك حق مالازمش يحرموك منو ..اذا تقدملك خاطب وشفتي فيه الصفات المناسبة دين وخلق ..فما عليك الا القبول ووكلي امرك لله وتمسكي بقرارك واذا حاولو يمنعوك فاجعلي احد افراد العائلة يتدخل ويوقف معاك ..
ونتمنالك كل التوفيق اختي

ريكا ايموا · 2011-10-08, 16:03

ربي يجيييييييييييييييييييييييب

حمزه أبو مريم · 2011-10-08, 16:03

كان الله في عونك أخية

جسور المحبة · 2011-10-08, 18:17

حتى انا يما مراهيش حابة ليا البراني وتحب واحد مثقف وقاري تبان لي خالعهم المستوى التعليمي ولا المنصب وتلقيهم يراعو بزاف لكلام الناس على حساب راحة بنتهم انا هذا لي مجنني

nano H · 2011-10-08, 18:46

اقتباس:

المشاركة الأصلية كتبت بواسطة meriemchawiya

السلام عليكم راني قريب نهبل خلاص
والله حاسة روحي راح نجن ما لقيتها من والديا ولا من محيطي
أنا تخطبت العام الماضي بعد رفض قريب 10 رجال و من نهار تخطبت و ماما كل يوم تخرجلي عيب في لعريس و ما ارتاحت حتى بطلت عليه و من هذاك النهار كل وين يجيني واحد تقولي ميصلحلكش مهما كان و أنا درك كرهت و حبيت ندي قرار نهائي و اخرها تكلم علي واحد لبابا صباح و جاتني درك قاتلي الا مزابي لالا اما شاوي ولا أنساي الزواج
و حتى كي يجيني شاوي تقولي لالا لازم قاري ولا طبيب ولا .............. المهم سبب هدرت مع خالاتي و عماتي بصح هي تقنعهم و صح كلامها منطقي هي ماهيش مستعدة تشوفني نسوفري مع راجلي تحبو كيفنا ولا أحسن
أنا وليت وين نسمع عروس نتحصر و نقول علاه و ضرك راني 28 سنة و حتى العرسان نقصو ربي يخليكم شورو عليا
ملاحظة بابا عندو عادي مزال حاسبني 18 سنة

السلام عليكم .
والدتك الكريمة راهي تتشرط.
بصح نشاالله تفيق قبل مايفوت الوقت.
ربي يهدينا ويهديها.
ربي يكون معاك.

البتول سمية · 2011-10-08, 19:31

اصبري أختاه و الزمي صلاتك و اكثري من الدعاء و لا تنسي الاستخارة
أكيد مفيش واحد ف الدنيا يتمنالك الخير قد يماك .... ساعفيها ... وهاذوماهم غير أسباب يأجلولك لأمر خير إن شاء الله
متتعجليش الأمور و ميخدعكش السن تاعك ...
نتمنالك كل خير إن شاء الله
تقبلي مروري

العائدة الى الله · 2011-10-08, 19:52

السلام عليكم

عزيزتي كوني صبورة فنصيبك لم يأت لحد الان وما امك الا سبب اكثري من الاستغفار وألحي في الدعاء ان يرزقك الله الزوج الصالح والذرية الصالحة
اما عن والدك والله ضحكت لما قرأتها لانه نفس مايحدث لي مع أبي
اسأل الله ان يرزقك الزوج الصالح عاجلا وليس آجلا

الامل في الله · 2011-10-08, 20:16

ربي يهدي امك و كانها تعلم الغيب فان لم تتزوجي الشاوي فستتعبين ربي يفرج همك

djamel123 · 2011-10-08, 20:49

لاحول ولاقوة إلا بالله
الفريق الوطني خسر مباراتين الناس فقدوا الوطنية خلاص
قولي لوالدك أننا كلنا جزائريين وكلنا كيف كيف
أنت تقولي شرقي غربي وأنا نقولك أنا جزايري

ووالدتك ثاني ماعندهاش الحق ...لأنه مش كل اللي تزوجوا أطباء ومهندسين سعيدات ولا كل اللي تزوجوا رجال متواضعين في المستوى تعيسات

شذا الربيع · 2011-10-08, 21:37

أخيتي الكريمة كان الله في عونك وأعطاك مزيدا من الصبر وطول البال
برأيي حاولي إقناع امك قليلا قليلا حدثيها عن تعاليم ديننا الحنيف وانه لا يفرق بين أعجمي وعربي إلى بالتقوى وأسمعيها حديث الرسول عليه أفضل الصلاة والتسليم فيما معنى قوله (إذا جاءكم من ترضون دينه وخلقه فزوجوه) وأن الزواج نصف الدين وأن الكمال لله جل وعلى
أنت تعرفين أمك وتعرفين كيف تفكر وكيف تقتنع حاولي استغلال الوقت الذي يمكنك إقناعها فيه وتحدثي معها بصراحة وبحنان فمهما كان هي أم وستحس بابنتها
وبالنسبة لسنك فلا تفكري بهذه الطريقة ما زال النصيب فقط
ربي يرزقك ولد حلال ويهنيك

المارد الجنوبي · 2011-10-08, 22:23

في راي ان امك ستوقعك في مشكلة العنوسة التي غالبا تكون من اجل الاسباب التي دكرتها اي كثر الشروط
وراي ان تاخدو راي الدين( من اعجبكم دينه او خلقه فزوجوه)
رزقك الله ابن الحلال اختي

Meriemchawiya · 2011-10-09, 08:47

نقوللكم واش درت؟
مديتلها قرات التعاليق أنتاعكم و ولات تبكي هذا الصباح قاتلي مكنتش نشوف الموضوع من هذا الجانب
شكرا و الله أثرت فيها أجوبتكم
شكــــــــــــــــــــــــــــــــــــــــــــــــ ـــــــــــــــــــــــــــــــــرا