نصحوني راني حايرة مع اختي

[ritedj16]

بسم الله الرحمن الرحيم

السلام عليكم

ان شالله تكونو بخير

راح نحكي حكايتي بلا مانطول عليكم ونتمنى تنصحوني وتدبرو عليا واش ندير

عندي اختي كبيرة عليا في عمرها 34 سنة عندها حوالي 5 اشهر ملي تعرفت على واحد صغير عليها ب 4 سنين بصح مازال ماجا يخطبها وعندها واحد الشهر ملي قاتلي حبيبتي على واحد جارهم قاتلي يوالم اختك ووليد فاميليا ووضعيتو مريحة كي قتلها لختي عليه رفضت وماحبش حتى تشوفو وزاد تقدم واحد اخر السمانة لي فاتت لخطبتها كيف كيف ماحبتش ورفضت تشوفو انا قتلها شوفي وديري صلاة الاستخارة وماخسرتي والو ماحبتش راسها غير في هدا الشاب لي تعرفت عليه قوتلها قوليلو يجي يخطب قاتلي قوتلو وراهو قريب يجي بصح انا راني خايفة يكون واحد عيان وراهو يجوز فالوقت بيها و هي راهي دايرة فيه ثقة عمياء وفي فمها غير كلمة شاطر ووليد فاميليا انا مانعرفوش ومانقدرش نحكم عليه بصح راني خايفة عليها خاصة انو هي كبيرة عليه راني خايفة تتصدم
تعيشو دبرو عليا وقولولي واش ندير هدرت معاها حتى وجعني راسي وعييت وماما تانيت هدرت معاها و ما حبتش
واش ندير باش نقدر نعرف نيتو ادا صح وليد فاميليا ولا لالا كيفاش ندير باش نقنعها والله راني حايرة عاونوني ونصحوني ربي يجازيكم