عاجل طلب من الاخت ميميشة

OU SS AMA · 2011-09-26, 21:27

من فضلك ميميشة اريدمنك تساعديني في وصفة عجينة الباقلاوة مالفة نديرها بصح بلاط صغير تاع الفور وزايدة تاع عرس اختلطت علي الامور اعطاتني الاخت سرسورة ربي يجازيها الوصفة حبيت برك نعرف طريقتك ولكي مني الف شكر وزيد راني رايحة نديرها غدوة ان شاء الله

سَلْسَبِيّلْ · 2011-09-26, 23:20

يارب وتزرب تفيدك اسمحيلي ماعنديش معلومة خيرك سابق

mimicha1977 · 2011-09-27, 08:17

تفضلي اام اسامة البقلاوة

عجينة البقلاوة
تمد حوالي 64حبة +حبيبات ماشي كاملين الطروف كيما انقولو

كيلو فرينة +كوب مارغرين صول دائبة +ملح و فاني نصف كيس خميرة بيضة مزيج ما ء وما زهر
ضعي الفرينة و الملح و خميرة و الفاني و الزبدة دائبة بسيها مليح حلي البيضة فى الماء و ماء الزهر و لمي العجين تتماسك
نتركها ترتاح نعمل حربوش نقطعو على 10 قطعة نغطيهم ونتركهم يرتاحو ساعة او اكثر من بعد نحل بالة البقلاوة ونحط في السنيوة او بالحلال
حطي 4تحت و 6فوق بين كل طبقة وطبقة ندهنو مارغارين دايبة الطبقة قبل الاخيرة ما دهنتهاش
ادهني كامل السطح جيدا بالزبدة
زينها كما تحبي
ادخلها الفرن طيب تحمر
كيتطيب نسقيها بالعسل مضاف له ماء الزهر نتركها ترتاح يوم كامل
الحشو
كيلو ورطل لوز او كوكاو هدا ادا حبيتي حشو عالي ادا حبيته عادي اعملي كيلو فقط

كاين بقلاوة مايزينة هي تاني مليح بزاف راه الوصفة فى دفتر اسرار مطبخ دليله

قوليلي كيفاش جات معاك
وأتمنى من كل قلبي أن تعجبك البقلاوة لانها تحمر الوجه

حبيبتي ام اسامة انا الصينية لعندي راني قستها بالمسطرة ههههههه
خرجت طول 33على 30
ودائري قطره كدلك 33
تحياتي الخالصة

OU SS AMA · 2011-09-27, 09:50

جيت نجري للميكرو ههههههههههه ميميشة تعيشي صحيتي صحيتي اني رايحة نبدا ادعيلي جيني مليحة باقلاوتك تهبل نديرها ملونة اللون البني باه درتيه بالكاكاو؟

mimicha1977 · 2011-09-27, 13:29

اقتباس:

المشاركة الأصلية كتبت بواسطة OU SS AMA

جيت نجري للميكرو ههههههههههه ميميشة تعيشي صحيتي صحيتي اني رايحة نبدا ادعيلي جيني مليحة باقلاوتك تهبل نديرها ملونة اللون البني باه درتيه بالكاكاو؟

نعم عزيزتي ام اسامة ضفي للعجينة كاكاو احسن ليكون غامق

ربي يعاونك ان شاء الله

تحياتي الخالصة

OU SS AMA · 2011-09-28, 08:13

لكي مني الف شكر والف قبلة بارك الله فيك اختي ميميشة نصورها ونحطها تشوفيها ان شاء الله

mimicha1977 · 2011-09-28, 10:59

اقتباس:

المشاركة الأصلية كتبت بواسطة OU SS AMA

لكي مني الف شكر والف قبلة بارك الله فيك اختي ميميشة نصورها ونحطها تشوفيها ان شاء الله

ان شاء الله عزيزتي ام اسامة ربي يخليك راني نستنا

OU SS AMA · 2013-02-28, 23:56

بقلاوتك جربته وجات رائعة جدا هبلو عليها ولكن للاسف الشديد مصورتهاش دعواتي الخالصة لك درتها للعرس جات روعة بشهادة الجميع