اريد طريقة المفرمسة او المسمن

سَلْسَبِيّلْ · 2011-09-21, 14:11

ارجوكم اريد طريقة عجين المفرمسة والبعض يقولولها المسمن انانعجنها مليح لكن كنجي نطيبها تتقطعلي متتكسلش مليح
وانا ندير فيها غير دقيق يكون من النوعية الجيدة والملح والماء لذلك اي اخت لديها طريقة جيها بيها مليحوة توريهالي وانا في الانتظار

سَلْسَبِيّلْ · 2011-09-21, 14:12

هيا انا بحاجة ليكم ساعدوني

سَلْسَبِيّلْ · 2011-09-21, 16:04

بارك الله فيك و شكرااا جزيلاا سلام

sofiane2075 · 2011-09-21, 16:17

اقتباس:

المشاركة الأصلية كتبت بواسطة hanadi193

بارك الله فيك و شكرااا جزيلاا سلام

و فيك بركة العفو اختي ان شاء الله تنجحي فيه اهم شيء هو نوعية السميد و طريقة العجن و لازم تريح العجينة باش تجيك مليحةاخت ي
ماعلاباليش لمادا حدفت اجابتي لاني حطيتلك رابط فيه طريقة العمل و قلت بلي منقول

سَلْسَبِيّلْ · 2011-09-21, 17:07

ايخ اختي راني دخلت لرابط وكان هايل لكن مهزيتش المقادير وحذفوه فارجو كم لماذا قمتم بحذفه فانا محتاجة لهاذا الرابط

sofiane2075 · 2011-09-21, 17:34

السلام عليكم اخواتي اليوم جبتلكم
المسمن اوالمعارك وهو رائع احنا نحبوه مع القهوة كثير
نبدا على بركة الله بالمقادير
1ونصف كاسة سميد رطب (للعجين),1طحين
ملح
ماء للعجن
كيفية التحضير
نضع المقادير ونضيف الماء شوي شوي

حتى نتحصل على عجين

ونتركها ترتاح لمدة ربع ساعة وبعدين ندلك العجين جيدا

ونضيف الماء شوي
شوي واكثرها الدلك المستمر
حتى نتحصل على عجين طري مثل الصورة

تابع
ونشكلها كريات ونضعها على مكان مدهون بزيت

ونفتح كرة العجين طبعا بالدهن لتسهل العملية بواسطة اليدين برفق مثل الصورة

ناتي بالجانب العلوي الى الوسط كما في الصورة

وناتي بالجانب السفلي الى الاعلى كما في الصورة

وناتي بالجانب الايسر الى الوسط مع الدهن

والعكس
حتى نتحصل على مربع

وناتي بمقلاة او طاجين ونتركه يسخن وندهنه و
ونضغط على المربع اي نررققه لانه كان خش ننضعه على المقلاة

ونقلبه

شكرا جزيلا لصاحبة الوصفة

منقووووووووول للافادة

سَلْسَبِيّلْ · 2011-09-21, 20:04

الف الف اختي لك ولصاحبة الوصفة

سَلْسَبِيّلْ · 2011-09-22, 13:12

اختي ام سفيان والله والله الكيفية التي افدتني بها جاتني من اروع مايكون صلحتلي نتاع الصح طبعا تمزقتلي شوي ولكن عجينتها والله يقول استيك
الله يفرحك يارب

sofiane2075 · 2011-09-22, 14:09

العفو هادا يسعدني الحمدلله نجحتي يعطيك الصحة انا عندي فكرة نظن ادا طبقتيها ان شاء الله تنجحي في الصيف لي فات لما زرت بيت اهلي لما درنا المحاجب شفت طريقة جديدة دارتها ابنة اخي عندهااتنا عشر سنة تعلمتها في الجمعية خدي قطعة كارتون مربعة غلفيها بالنيلون تاع المطبخ نتل الكيس لي يحمرو فيه الدجاج حطي فوقة كمية من الزيت حلي قوقها العجينة تم اغلقيها على شكل مربع لما يسخن الطاجين ارفدي الكارتون و اقلبيها فيه تبقى الحبة في الطاجين ة انت عاودي حتى تكملي كل الكمية ان شاء الله تعمليها بسهولة انا ااول مرة شفتها و صراحة فكرة هايلة للمبتدات

سَلْسَبِيّلْ · 2011-09-22, 15:23

اختي ام سفيان احنا عندني في سطيف الفرمسة قد ماتكسليها ولازم ماديريش لحواشي خشان يعني كطبقيها اظن تجي خشينة وقيلة تصلح طريقة للمحاجب والله افدتني كثيرا