مساعدة للتخلص من الرائحة الكريهة في الطرموسات

نورانيات · 2011-09-09, 20:41

السلام عليكم، راني حابة نعرف واش هي الطريقة أو الوصفة اللي تخليني نتخلص من الرائحة الكريهة اللي تبقى في الطرموسة تاع الحليب مهما نغسلها مليح. جربت واحد الوصفة تاع بيكاربونات الصودا لقيهتا مرة في الأنترنيت بصح ما فادتنيش. تعيشوا راني محتاجة مساعدتكم.

ام نسمة · 2011-09-11, 17:28

مرحبا اختي انا طريقتي في تنضيفها راني مجربتها وهي ناجحة انا نغسلها بازيس تاع الماعن ثم نشللها مليح ونملءها بماء مخلوط مع جافيل ونتركها ساعة ثم نزيد عليها شوية ازيس وانضفها بفرشاة خاصة بتنضيف رضاعت الاطفال ثم نشلل مليح ونخليها تنشف في الهواء اتمنى ان تستفيدي من طريقتي اختي

نورانيات · 2011-12-23, 12:29

شكرا أختي على الفكرة

الاخت الكريمة · 2011-12-23, 15:34

السلام عليكم
الحل عندي اختي
لا جافيل ولا ازيس ولا اي نوع ينظفها

نقولك راها مهيش متسخة من برا ولا في القرعة تاعها
الوسخ بين العاج والزجاج ماعليك غير تفتحيها من تحت
وتحطي كل جزء وحدو تغسليهم مليح مليح
وتنشفيهم اذا ركبتيها على البلل
تولي ريحة اقوى من الاولى
نشفيها مليح
واذا لقيتي فيها ريحة ولا بنة معجبتكش رديلي بالخبر
شكرااااااااااااااا

الاخت الكريمة · 2011-12-23, 15:46

اسمحولي
نسيت نقطة
الزجاجة الي هي القرعة تاع الترموسة
ديريلها خل وملح

ترجع ترموسة دوبلوفي

شكرااااااااااااااااااااااا

omanis · 2011-12-23, 15:52

افكار رائعة و مفيدة بارك الله فيكم

hajer alg · 2011-12-24, 14:47

سلام عليكم
اختى الجافبل ريحتو قوية و متروحش يعنى تولى قهوة بالجافيل هههههههههههههههههههههه :d:d:d:d:d
واغسليها مليح وحليها اكل خليها تنشف فى الهواء تروح الريحة

نورس الشرق · 2011-12-27, 16:19

بعد ما تغسلي الكاظمة وتنشف ضعي بها 2 حبات سكر وما تغلقيهاش بل حطي الغطاء دون التدوير وحتى ما يكون فيها حتى طعم او ريحة ما تغسليهاش بمعنى الزجاجة بالصابون ابدا بل بالماء والكربونات فقط وشكرا

نيفرتيتي. · 2012-04-16, 17:35

اقتباس:

المشاركة الأصلية كتبت بواسطة نورس الشرق

بعد ما تغسلي الكاظمة وتنشف ضعي بها 2 حبات سكر وما تغلقيهاش بل حطي الغطاء دون التدوير وحتى ما يكون فيها حتى طعم او ريحة ما تغسليهاش بمعنى الزجاجة بالصابون ابدا بل بالماء والكربونات فقط وشكرا

ماما دير سكر

ام مرية · 2012-04-16, 17:46

اقتباس:

المشاركة الأصلية كتبت بواسطة الاخت الكريمة

السلام عليكم
الحل عندي اختي
لا جافيل ولا ازيس ولا اي نوع ينظفها

نقولك راها مهيش متسخة من برا ولا في القرعة تاعها
الوسخ بين العاج والزجاج ماعليك غير تفتحيها من تحت
وتحطي كل جزء وحدو تغسليهم مليح مليح
وتنشفيهم اذا ركبتيها على البلل
تولي ريحة اقوى من الاولى
نشفيها مليح
واذا لقيتي فيها ريحة ولا بنة معجبتكش رديلي بالخبر
شكرااااااااااااااا

انا تاني نستعمل هاد الطريقة ونشلل بالخل ابيض او احمر نفس النتيجة

زبدة ذايبة · 2012-04-18, 11:14

الأخواااااااااااااااات ماقصروا

hiba71dz · 2012-04-25, 10:13

الترموس في ورقة الإستعمال مكتوب عليها لا تنظف بالجافيل
أنا أنظفها بصبون الأواني و الفرشام من الداخل و مرة على مرة أنحلها كاامل و أنظفها

لبنى2010 · 2012-04-28, 23:19

السلام عليكم انا عندي طريقة جديدة احكمي الورد المجفف الدي نضعه في خزانة الملابس بعد غسل التارموس وتجفيفها جيدا ديري فيها هاداك الورد واغلقيها وراح اتشوفي النتيجة وادعيلي وحتى ادا كنت حابة اتخبي هاتيك التارموس ديري فيها الورد وخبيها وكي راح تجبديها رايحة تشمب ريحة هيلة وعلى فكرة ما تاثرش على الحليب او القهوة جربيها ورديلي بالخبر

راجية غفران ربها · 2012-08-11, 13:00

روعة بارك الله فيك على المجهود

ورد21 · 2012-09-29, 16:21

شكرااااااااااااااااااااااا