قاطو العيد انتاعي

nada nina · 2011-09-01, 12:59

بســــــــــــــــــــــــــــــــــــــــــــــــ ــــــــــــــــــــــم الله الرحمــــــــــان الرحيــــــــــــــــــــــم
صحى عيدكم اخواتي و كل عام وانتم بخير حبيت انعتلكم مائدة العيد انتاعنا و قولولي واش رايكم اتمنى ان تكون الصور واضحة

* زهرة البنفسج * · 2011-09-01, 13:08

ماشاء الله يعطيك الصحة

OU SS AMA · 2011-09-01, 13:26

الله يبارك وصح عيدك

كنوز المعرفة · 2011-09-01, 15:37

الله يبارك يعطيك الصحة
كل عام وانت بصحة و سلامة
تعيدو ودزيدو

BACHIRA2 · 2011-09-01, 15:42

الله يبارك شابين عيد سعيد

سعااد · 2011-09-01, 17:20

ماشاء الله باهيين لكن اختي ممكن الوصفة نتاع المعمول انا جربتو مرا لكن كي حطيتو فالكوشة دابت المارغرين اللي فيه وهبط كامل والا عريض بزاف هههههههههه.

أمل العرب · 2011-09-01, 17:30

ما شاء الله وتسلم الأيادي,,,,وما تنسايش الوصفات

hadjer.m · 2011-09-01, 17:39

تسلم الايادي اختي يعطيكم الصحة و تكالوهم بالصحة و الهنا

انا كون تشتي تمديلي حبتين من الكحلوش >> الله غالب ما نقدرش نقاوم الشكولا

*سماح 94* · 2011-09-01, 17:54

يعطيك الصحة جا ملييييح خاصة البقلاوة
زيدي طلعيلنا قاطو منيرة وياسمينة
.........سلااااااااااااااااام............

nada nina · 2011-09-01, 18:14

شكرا لكن اخواتي و الله نورتو الصفحة نتاعي

خـواطـر · 2011-09-01, 18:15

ما شاء الله ملاح

صحّ عيدك أختي

اوراق من الماضي · 2011-09-01, 18:18

كامل شابين من فضلك مديلي الوصفة نتاع هذا القاطو نحب بزاف الحلويات لي تتقطع .

nada nina · 2011-09-01, 18:39

اختي العزيزة سعاد والله اول مرة ندير هاذي الوصفة نتاع المعمول وجا يهبل وهو للامانة درتو من المنتدى لاحدى الاخوات جزاها الله كل خير تفضلي المقادير و الطريقة
200غ زبدة ستار 500غ فرينة )اقل او اكثر حسب الحاجة) 1/2 كاس لحظة 1/2 كاس سكر ناعم 1/2 كاس زيت بيضة 1/2مغرفة صغيرة لحظة
الحشو غرس و تخدميه كيما تاع المقروط
اما الطريقة هي انك تخلي الزبدة خارج الثلاجة حتى تولي طرية جدا و مبعد تزيديلها الزيت و تخدمي بالباتور ثم تزيدي لفاني و تكملي بالباتور حتى تولي كي لكرام ونزيدو السكر و نبقاو نخلطو و البيضة نفس الشى و مبعد لحليب بلاما نحبسو الخلط ثم نزيدو الفرينة بالتدريج و نخلطو بيدنا حتى تولي عجينة هشة ديري كويرات و الحشو ثم في المول و حطيهم يطيبو على درجة حرارة 180 بعد ما تكوني سخنتي الفرن قبل بربع ساعة
اتمنى ان اكون افدتك عزيزتي

nada nina · 2011-09-01, 18:47

كل عام و انتم ب 1000 خير عزيزتي اوراق هذي بقلاوة ومن فوق درت العجينة بالمشينة تاع الرشتة بعد ما لونت شوية منها و من بعد تهزي شوية سبت بويض و قدامهم اللون لي تحبي حتى تكملي كامل السنيوة و كي تطيب و تقطعيها جي ملونة و تقدري ديري حتى 3 الوان نتمنى تكوني فهمتي و اي سؤال اني هنا اختي

اوراق من الماضي · 2011-09-01, 18:53

جزاك الله خيرا اختي.