حلوى الملفوف لعيد الفطر2011ستندمين إن لم تجربيها

[حفيظة42]

حلوى الملفوف حلوى رائعة ولذيذة جدا تذوب فالفم

جربوها ورجعولي بلخبر كل من ذاقها قام بتجريبها

مضمونة 100%

المقادير:

مقادير العجينة:

أنا نعطيكم المقادير الأصلية للوصفة لأني في هاذ الطريقة قمت بضعف العبار

80غ مارغرين
80غ سكر مسحوق sucre glace
250غ فرينة
1/2 كيس خميرة كيميائية
فانيليا
صفار بيضة
حليب

مقادير الحشو:

80غ جوز الهند
50غ سكر مسحوق
2 ملاعق كبيرة كاكاو
فانيليا
1بياض بيضة
ماء الزهر

تحضير العجينة:

في وعاء نخلط الفرينة المارغرين صفار البيضة السكر الخميرة والفانيليا

نضيف الحليب حتى نتحصل على عجينة طرية

تحضير الحشو:

في إناء نخلط جوز الهند والسكر والفانيليا

نضيف 2 ملاعق كبار كاكاو

نضيف بياض البيضة ونبلل بماء الزهر لنتحصل على عجينة سائلة

نبسط العجينة على شكل مستطيل

نضع الحشو فوق العجينة

نلف العجينة على ثلاثة

ونقطعها إلى مربعات أو مثلثات أو مقروطات

أنا قطعتها على شكل مقروطات

نتحصلو على هاد الشكل عندما نقطعوها

ندخلها الفرن تطهى

لتحضير الطلاء:

علبة شكلاطة
2 ملاعق كبيرة حليب
قطعة صغيرة مارغرين
قطعة صغيرة جليد

ونضعها فوق حمام مائي على نار هادئة

بعدما تطهى الحلوى نقوم بطلائها بالشكلاطة
ولك أختي الإبداع في تزيين الحلوى أنا قمت برشها بجوز الهند
يمكنك أن تقومي بتزيينها بشكلاطة بيضاء

الشكل النهائي للحلوى

ما تنساوش تجربوها وترجعولي بلخبر أنتظر تطبيقاتكم

[غفرانك ربي]

مشكورة اختي رائعة

[فراشة وادي سوف]

بارك تالله فيكي اختي
ولكن لدي سؤال ارجو منكي ان تجيبيني عليها
1 الحليب ماهي الكمية وهل يوضع مجفف ام سائل ؟
وتسلم ايديكي اختي حفيظه وشهية طيبة

[oum didou]

أنا مجربتها هاااااااااااااايلة

[بحلاقة]

اشكرك اختي واتمنى ان اجربها و تنجح لي و كتابتك لغوية تقول انك استادة ادبية

[امنة الجزائرية]

السكر لدتيه حرش ولا رطب

[remadna]

جربتها العام الماضي روعة قطعتها مثلثات
لقيتها في كتاب gateuax secs

[نسمة النسيم]

راح نعملها عجبتني لكن ممكن نطليها بشكلاطة البيضاء

[جزائرية]

merciiiiiiiiiiiiiiiiiiiiiiiiiiiiiiiiii beaucoup

[zitoukar]

يعطيك الصحة
هل السكر رطب او حرش سواء في العجينة او الحشو وهل يمكن استبدال النوادكوكو بالكوكاو
شكرااااااااااااااااا

[bassamat]

شكرا اختى
فكرتينى بيها عندى مدة من درتو
صح بنين و هشيش

[hannine_80]

باينة هايلة باذن الله نجربها و نردلك الخبر

[ماريا لجين]

انا جربتها فعلا راااااااااااااائعة

[*جوري*]

يعطيك الصحة هايل

[layali21]

نوعدك ليوم راح نجربها وردلك الخبر غدوة اوك