التلفزة الجزايرية. واش قديمة ياليتيمة...

[سمير الشاوي]

الاَيَامات اللي راهي قناة (الآم بي سي) تَعد جماهيرها بالحصص ثلاثية الأبعاد....
...................................
في الوقت اللي راهي قناة الجزيرة تعقَّب ماتش تاع الأهلي المصري مع الترجي التونسي بطريقة (الآش دي)...
.................................
حتى قنوات اليمن والسودان رانا نشوفوا فيها تتطور....
...................
في هذا الوقت دوَّرت نحوس على قناتنا اليتيمة... تصرعت
...................................
شفت مذيعة واقفة قدام واحد الطابلة...
والصورة كانت مضبَّبة...
والصوت مخرخش ...
كل مرة تحمل صورة مرسوم فيها مدينة من مدن الجزائر (كارت بوستار) وتقول...
هذه هدية وصلتنا من عند البُرعمَة أسماء من بومرداس. تقدم إهداءها لأختها الكُتكوتة نسرين بمناسبة نجاحها في شهادة البكالوريا....
يا خاه (على نجحت البكالوريا). وتقول عليها (كتكوتة).
....................
مازلتوا تتعاملوا بالبريد. وأرسل لنا رسالة إلى بن عكنون....!!
هذه البرامج في الوقت اللي كثرت فيه وسائل الاتصال...
وقت الآس الأم آس
ووقت الفايس بوك...
الانترنيت
الخلا...
وانتمو تقولوا (هذه صورة مهداة من طرف عائلة لبعل)...
..................
واش قديمة ياليتيمة....