قصيدة للاعبينا المستخلجين الجدد .....

[الظل الخفي]

السلام عليكم

دولار يادولار راك سرقت ولد الدار

خليتني حيران

الجزائر بالبترول ديالها راهي شاعلة فيها النيران

دولار يا دولار وين يبان قدامك الدينار

الناس هزت العوايل و راهي جاية تتمايل

جايبة شكاير و صاشيات و ماهيش لاقية وين تبات

المهم صورتك مليحة و نستهل ندي علاجالها طريحة

قولي يا دولار وين نلقاك نجي نخطبك من يماك

نقوللها انا لاعب كبير وعندي القاب بيان سير

دولار يا دولار واش راك داير

راك حيرت ناس دزاير

راهي جاتهم صدمة..وراهم يديرو في اللمة

حابين يقاضيوك و للاورو رايحين يشكيوك

كانو عندنا مشهورين..و في الديار تصوارهم معلقين

نغنيو عليهم وين ماكانو..وفي الاخر ماكن والو

هفونا بالباصبور لحمر ..واليوم الناس راهي دايرة دوا لحمر

دولار يا دولار راك درتنا في منتدانا الغبار

المواضيع عليهم ماهيش حابسة لاليل لا نهار

هذي هيا بلادنا بلاد الدينار

عايش فيها غير الصولار

وولد الدار

راه

منهار

راهي مدوختنا الاخبار

كل دقيقة يهرب واحد من الدار

مايحكمهم لا ساتيليت لا رادار

راهم رايحين في الطريق السيار

نقوللهم في العجلة الندامة يا سادة

هاتلي من هيه الوسادة

و بالسلامة

للأمانة منقووووووول