محتاجة ليكم ساعدوني

أيمن الطائش · 2011-06-12, 09:07

السلام عليكم جميعا أتمنى انكم بخير
الله يخليكم اني محتاجة ليكم ياسر في وصفة
ناجحة للمقروض اللي يطيب في الفرن يكون
يتبسس و يذوب في الفم جربت كل الوصفات
اللي لقيتها و ما نجحتليش الله يخليكم اللي
عندها الوصفة تعطيهالي بسرعة خاطرعرس
خالي قريب.
أنا في انتظاركم حبيباتي و شكرا مسبقا.

remadna · 2011-06-12, 14:53

ابحثي في المنتدى يوجد عدة وصفات مجربة للأخوات

نورة ز · 2011-06-12, 15:06

3 كيلات دقيق وكيلة ونص بسوس ويجيك روعة

mama43 · 2011-06-12, 15:16

salam ana ndirou ydji ydhoub bessah mandirech a3bar yaeni aynek hia mizane bessah nhawel naetik recette
3mesures tae smid
1mesure et demi hatal 2tae smen
chwiya sokor
sel
w bessih mlih hata yedkhol fih el smen w khalih ybat lila kamla
w sbah dirilou el ma zhar wel ma
inchalh yekhrodjlak mlih seyih w rodili el khebar

ميمنة الجزائر · 2011-06-12, 15:17

3 كيالت دقيق ب1 كيلة فرينة
قرص ملح
قرصة خمرة قاطو
كيلة سمن المدينة
كاس زيت
بليه بالزهر ولا غيره
خليه يبات في الفريزر
ليلة كاملة
للغد اعمليه مقروطات ونقشيه نقشة الريشة
يجيك مش مبسسسس يذوب في الفم
وهذا عن تجربة

ام شرفو · 2011-06-12, 16:18

خيري سميد من النوع الرفيع وسمن مليح خلطيهم مليح بين الكفين وديري كرة صغيرة ارميها في القصعة اذا تفتت زيدي حكي واذا بقيت على شكل كرة راهي واجدة ضفيلها الملح و قليل من الماء وخليها ليلة كاملة في الصباح شوفيها و زيدي الماء و المبدء الاساسي
ما تعجنيهاش

نينانينا · 2011-06-12, 16:58

شوفي حبيبتي عندي نوع ويجيني يهبل اسمو مقروط العروسة وسيتو 100 مرة يخرجلي هايل وزيد يطيب في الفرن وداخل مول اي مول عندك المقادير
3 كيلات سميد عادي
2 ملاعق كبار سكر رطب
3 ملاعق كبار فرينة قرصة ملح فانيليا
عبار سمن [خليط سمن و زيت لكن السمن يكون كثر من الزيت يعني تعمري الكيلة بسمن دايبة حتى تبقى قيس 2 أصابع وتكملي بالزيت
الحشو
2 كيلات لوز او كاوكاو
نص كيلة سكر عادي
ملعقة قرفة فانيليا ماء الزهر

نمزج لوازم العجينة جيدا نبللها بالماء و ماء الزهر نعركه جيدا باالاصابع و إذا شرب الماء نضيف قليلا من الماء
نحكم كمية صغيرة من العجينة نعنملها مثل الكرة قد حبة بيض او أكبر شوية نضع في وسطها كرية صغيرة من الحشو ونغلقها جيدا ونضعها في مول تع زهرة الرمال نسقمها مليح بيدك من فوق ايلا عندك كاش طابع شباب اطبعيها من الفوق وزينيها بحبة لوز ودخليها طيب وغير طيب للعسل مباشرة
ايلا متعرفيش مول زهرة الرمال حوسي عليها في النت وشوفي الشكل
انا عملتها في عرس بنت خالتي
ايلا نشفت العجينة وانت راكي تخدمي ماشي مشكل زيدي شوية ماء الزهر ولا ماء
وحاجة ايلا كان الفرن ديالك ميطيبش مليح من الفوق على خاطر خطرات كي متحمارش مليح من الفوق وتكون طابت من تحت نزيدو نحمروها شوية
وكلشي مبروك

عروبة2003 · 2011-06-12, 17:17

بارك الله فيك

*سماح 94* · 2011-06-13, 10:38

اختي هاد المقروط ناجح وهايل جربيه كينا مكتوب وادا احتجت اي معلومة لا تتردديhttps://www.djelfa.info/vb/showthread.php?t=622018