لا تدخل ادا كنت تحب ان تعيش,فقد تموت من الضحك

[عيساوي يوسف]

واحد الطلاب مشى عند واحد مول فران مسموم قال ليه: خويا، سيمانة هادي ما دقت الخبز
قال ليه مول الفران المسموم: راه مداقو هو هو، ما تبدلش


واحد مبوق صرفقو صاحبو وهو يقول له: واش بصاح أولا كتفلا؟
قال ليه صاحبو: لا بصاح
قال لي المبوق: مزيان... حيت أنا ما كنحملش التفليات


هادا واحد مشى للسوق بغى يبيع قنية، وهو يجي عندو واحد خينا مبوق وقال: بشحال القرد؟
قال ليه مول القنية: أسبحان الله، راه قنية هادي
قال ليه المبوق: ما هدرتش معاك، هدرت مع القنية


هادا واحد مبوق بزاف. مشى عند البوليس وقال ليهم: الله ياودي! إيلا ما سولت أنا ما تسولوا نتوما؟



قال ليك هادا واحد مشى عند مول المحلبة وقال ليه: بشحال التفرتيت؟ قال ليه مول المحلبة: فابور
قال ليه خينا: إيوا فرتت ليا عافاك واحد تلاتة ديال ميل فوي


هادي واحد البنت نص ساعة وهي كتهدر ف التلفون.
مللي سالات قالت ليها ختها: على سلامتك! كي درتي ساليتي ف نص ساعة؟ عادة كتشدي التلفون ساعتين
قالت ليها البنت: اه، راه غير النمرة غلط


هادا واحد خينا مشى عند الطبيب وقال ليه: كلشي كيضرني. إيدي، رجلي، كرشي، صدري.... اللي حطت عليها صبعي كضرني
دوز ليه الطبيب وما لقى عندو والو. وهو يقول ليه: أرى كاع داك الصبع نشوفو.
وهو يلقاه مهرس ليه صبعو


هادي واحد الطلابة قالت لواحد المعلم: الله يرحم الوالدين عطيني باش نفرح الدراري
قال ليها: سيري قولي ليهوم راه ما كايناش القراية غدا

هادا واحد الدري جرى عليه الأستاد ديال لانفورماتيك
مللي مشى عند الحارس العام، قال ليه: مالك أولدي؟
قال ليه التلميد: جرى عليا مول السيبير

هادا جوج كانوا غادين ف الطريق
واحد قال لصاحبو: شوف شوف، طير ميت
ناض لاخور هز راسو للسما وقال ليه: فين؟ فين؟

هادا واهد مبوق كان غادي ف الطريق وبدات الشتا تصب، وهو يبدا ينقز
سولوه: مالك كتنقز؟
قال ليهم ما بغيتش نعفط على النعمة

واحد المرا حاملة تافقات مع راجلها إيلا ولدو بنت يسميوها مبروكة وإيلا ولدوا ولد يسميوه مبروك
ملي ولدات المرا، خرج الطبيب عند الراجل وقال ليه: ألف مبروك
وهو يسخف الراجل مسكين كلمة شكر على الاقل