اين الشفافية؟؟؟؟؟؟؟؟؟؟؟؟؟؟؟؟

[خ جوهر]

السلام عليكم و رحمة الله و بركاته.
لقد ظهرت نتائج متصرف لوزارة البيئة التي اقيمت في سطيف طبعا ظهرت بعد ثلاث اشهر و نصف من اجراء المسابقة.الحاصول انا لم انجح في هذه المسابقة و الحمد لله على كل حال بصح كاين حاجة نظن انها من حقي و هي معرفة نتائجي او معدلي المهم نعرف وين راني ندور نشوف وين خدمت و وين لالا وين انا كنت متاكدة بلي خدمت على الاقل نقيم التصحيح و لكن تفاجات بالبواب يقولي اذا ربحتي يبعتولك برية(للعلم فقط فان عمال البريد في اضراب طبعا) و اذا لالا الله يسهل و لما سالته على الافيشاج قالي ماكاش و لما سالته على النقاط قالي روحي لمقر الوظيف العمومي في المرادية.
حبيت برك نسقسي اذا عندي حق في معرفة المعدل و اذا في مديرية الوظيف العمومي يمدوهولي ولا راهم يتمسخرو كي لعوايد.
هذا مع تحفظي على نزاهة و شفافية النتائج خاطر ماكان افيشاش و لا هم يحزنون يعني ساهل يحط اي اسم معارفو و حد ما يجيب خبر:m ad:

[لطفي لطفي]

والله نفس التسائل اختي اطرحه على اهل الاختصاص والتجربة

[خ جوهر]

المشاركة الأصلية كتبت بواسطة لطفي لطفي

والله نفس التسائل اختي اطرحه على اهل الاختصاص والتجربة

رانا نسناو في الجواب الشافي

[فيفان]

اكيد اختي ها من حقك انا وين جوزت المسابقة نهار ظهرت النتائج علقوها بالاسم و اللقب و المعدل في كل المادة و حت الراسبين و الغائيبين حطوهم و بقات القائمة مدة شهر كامل هي معلقة لازم طالبي بحقك هذا اقل شيء

[خ جوهر]

المشاركة الأصلية كتبت بواسطة fifane

اكيد اختي ها من حقك انا وين جوزت المسابقة نهار ظهرت النتائج علقوها بالاسم و اللقب و المعدل في كل المادة و حت الراسبين و الغائيبين حطوهم و بقات القائمة مدة شهر كامل هي معلقة لازم طالبي بحقك هذا اقل شيء

عندمن نطالب بحقي علاش كاين لمن تشكي في هذي البلاد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ على العموم نهار الحد ان شاء الله رايحا للمديرية نوصل الكذاب حتى لباب دارو.. انا مانيش نقول بسيف نربح بصح شوية مصداقة و شفافية ما يحقروكش فالوجه و عينك تشوف و عجبك عجبك ما عجبكش ..................
حسبي الله و نعم الوكيل

[kimo43]

روحي أختي لمقر مفتشية الوظيف العمومي لولايتك وشوفي معاهم واذا كانو ناس ملاح يقدرو يوريولك النتيجة تاعك ، بالتوفيق لك أختي

[حسبي الله]

بسم الله
اللهم عليك بالظالمين الخائنين لأمانتهم المجرمين في اجراء مسابقات التوظيف
اللهم لا تذر منهم احدا

[خ جوهر]

المشاركة الأصلية كتبت بواسطة حسبي الله

بسم الله
اللهم عليك بالظالمين الخائنين لأمانتهم المجرمين في اجراء مسابقات التوظيف
اللهم لا تذر منهم احدا

اللهم امييييييييييييييييييييييين اميييييييييييييييييييييييييين اميييييييييييييييييييييييييييييين اميييييييييييييييييييين امييييييييييييييييييييين امييييييييييييييييييييين امييييييييييييييييييييين كرهونا في البلاد ربي وكيلهم.

[خ جوهر]

المشاركة الأصلية كتبت بواسطة kimo43

روحي أختي لمقر مفتشية الوظيف العمومي لولايتك وشوفي معاهم واذا كانو ناس ملاح يقدرو يوريولك النتيجة تاعك ، بالتوفيق لك أختي

شكرا اخي الكريم .بارك الله فيك

[delphi7_lid]

اختي العزيزة أتمنى لك التوفيق في المرة المقبلة ان شاء الله
اريد ان اقول لك بان هناك محضرا للناجحين يسلم للمؤسسة المعنية ومحضر اخر تجدينه في مركز الامتحان ومحضر اخر في الوظيف العمومي
يعني انت تقولي ايحطو اي اسم
مايقدروش لنه هناك ثلاث محاضر ستكشف اي تلاعب كان
اللهم اذا كان هناك اتفاق ما بين مفتش الوظيفة العمومية ورئيس مركز الامتحان
وفي كل الاحوال حتى ولو كان هناك تلاعب كما تقولين فما المانع ان تري نقاطك المتحصل عليها ؟ فالمؤسسة يهمها الناجحون وكذلك القائمة الاحتياطية فقط
اتمنى اني افدتك شكرا